今年九月請了一位私人補習的哥哥，因未知效果如何，所以定了每次1.5小時，主要教導小三的大仔功課，有時間才溫習；小一的弟弟則返補習社
九月中，我詢問補習哥哥10月開始，有冇興趣和時間加多1小時幫埋小一的弟弟補習，共2.5小時，哥哥答應了，問我想混合補或是一個一個補，我話沒所謂，就他認為最好的教導（我主要是希望小朋友能完成及明白日常功課）他就話混合補會比較適合
上星期我whatsapp再確認10月的上課時間2:30-17:00（2.5小時），哥哥話應該是2:30-16:00
之後傾清楚，原來哥哥意思是因為要教導兩位小孩，所以會收2.5小時的錢，但因為混合補，所以只會來1.5小時
其實我聽完有點愕然，因為我也只是第一次找私人補習，沒有經驗，所以沒有想過加多一位小朋友，會有這樣的計算方法，所以希望請問各位有經驗的家長，是否我已經脫了節不懂現在私人補習的遊戲規則？
1個讚
其實佢鍾意點收都得
我哋出去面試班一對四至六都收$300-400一個鐘啦。多人同時補實辛苦過一人補。本身哥哥寫嘢嗰時個老師都可以抖下，依家就要教弟弟。大家又唔同級其實點一齊補呢? 你覺得唔抵其實分開上會好啲。
2個讚
分開補比較理想，幫哥哥補梗時弟弟冇野做，反之亦然
所以我諗，補習哥哥繼續教1.5小時， 請多個老師教細仔1小時（小一功課量唔算多）可能仲好
補完哥哥接住弟弟補得唔得？如果2個一齊補都幾嘈，老師既然都黎左多數都肯留多1個鐘掛
2個讚
唔知，他只是話如果留2.5小時，錢要2.5小時 x 2咁計，所以我話考慮下
分開補，混合補只適宜相同課程。
舉例，當年我仔小二、女小一，因是補phonics ，所以冇所謂。
如果兩間學校課程程度係好接近，咁就可以，如果唔同，就真係唔好，個導師會好辛苦好亂，一個做完到另一個做，然後兩個一齊有問題問，唔知照顧得邊個，總有一方會 idle。分開補最好。
2個讚
咁樣唔啱數，老師就得1個，哥哥同弟弟程度唔一樣，佢根本唔可以同時教兩個，又點可以將2.5小時嘅課程縮到1.5小時呢？佢咁樣只係將本來哥哥補緊嘅1.5小時分左比弟弟，咁變相哥哥就會學少左嘢，而佢就用少左時間，但係收多左錢。
呢個補習老師唔誠實喎，出面大把老師，換個第二個啦。
3個讚
如果老師係OK，你想佢教大仔及細仔，留2.5小時要x2，那麼分2日補囉。
一日補大仔，另一日補細仔(應該唔洗x2，當獨立計)。
及，一對二或以上，雖然補習時間係一樣，但一向會收貴啲，因為老師會準備2份教材。
但只會加少少，唔會咁飛擒大咬。
是，我明白教2個會辛苦咗，所以我一早都先問他有否興趣，如果他要求加時薪，我都可以商量，只是沒想過差不多10月想開始時，才知他這麼新穎的計法。他這樣計即加時薪60%
咁哥哥細佬各 1 小時，呢個雖然哥哥少左啲時間，但補習內容唔會少好多。
如果佢堅持兩個一齊上，咁你搵第二個做。
我試過兩個唔同年級一齊上，係非常辛苦，就算兩個小朋友係同一間學校、乖、做野快嗰啲。阿大教緊嗰陣，阿細唔知做咩好。到教阿細嗰陣，阿大已經做完練習，停左係度唔知做乜。如果兩個同時間做完練習，對答案嗰陣，兩個一齊唔知做乜，結果連我都亂埋。
1個讚
明白，謝謝你的意見
因為之前我大仔返開補習社，第一次請私人補習，所以沒有經驗
你係想大仔1.5小時+細仔1小時，前後上，所以2個半鐘
但佢變左一齊上，所以在場都係個半鐘，但教埋細仔
兩個方案都有，我兩個方案學生都有，只要你地之間補之前溝通清楚就可以
記得講清楚分開上就可以，搞清楚大家開心
1個讚
知道，謝謝你的意見，其實我主要希望老師先教導2個小朋友完成當日功課，有剩時間才溫下默書（因我放工回家也會和小朋友溫習）所以老師如何安排我也沒所謂，我只是思考緊他們用幾多時間才能完成功課，因為近來新開學功課量真的唔多，遲些就唔知
以我所知，當1：1，一個鐘係100蚊，咁1：2，一個鐘就可能係150蚊（即每人75蚊）or 180蚊等，但正常都會便過200蚊，因為係1對2。
如果你係加鐘，就按返鐘數計，不過有補習老師除咗按鐘數，都會按程度而收唔同價錢。
1個讚
明白，現在我清晰很多了