陳浩民妻被指賣A貨 反擊斥抹黑

自由講場 影視娛樂
1

34歲大陸女星蔣麗莎（Lisa）與大16歲嘅陳浩民於2011年結婚，身為四子之母嘅蔣麗莎，由於佢一向熱愛P圖，在社交網上載嘅近照，見佢輪廓頗深，驟眼睇幾似「整容樣」，所以做直播時，樣貌比較容易認出。近日蔣麗莎跟老公陳浩民在上海，不時上載扭身扭勢熱舞片，看似生活休閒，原來蔣麗莎亦在百忙之中抽時間喺大陸網做直播賣首飾，每晚9點準時開直播，點知不少買家收貨後，怒斥貨不對辦，直指佢賣假貨。

陳浩民老婆近日聲稱有T字品牌首飾可以半價出售，有大陸網民貼出「實物圖片」，稱在蔣麗莎嘅網店買咗T字品牌頸鏈不知真假，希望網民幫忙鑑定一下，仲有一張「保證書」，不少買開該品牌的大陸網民表示頸鏈的包裝太假，指正貨應該只用簡單嘅藍色紙盒配白色海綿，而唔會有呢個絲絨盒，盒內更唔會有一塊膠膜保護頸鏈，有網民笑稱一睇就知係「假得可笑」。

另有大陸網民指蔣麗莎做直播，頸鏈的售價僅699元人民幣，比起官網售價平足一半，就憑呢個半價優惠都猜到「是假的」，最終該名網民把那條頸鏈退貨。

《蘋果》翻查蔣麗莎的社交網就發現有網民幫襯佢買「金六福頸鏈」卻換來不愉快經歷：「超級無敵差，好不容易退貨，他們還說缺少一個贈品耳釘，最過份的是商家直接罵我，拒絕了我的退款，讓我們以後怎麼相信你。」蔣麗莎亦有回應：「私訊助理一下。」

此外，有幾位網民也留言抱怨「在你那裏賣的香水噴不出香水」、「你直播賣金管唇膏，結果收到是黑管唇膏」等。而作為「公眾人物」的蔣麗莎，疑似賣假貨的行為，也引起大陸網民爭議，質疑她太想賺錢養家。

有大陸報道就指，陳浩民的工作受「隔離令」影響，不能中港兩邊走，加上他們要搵錢養4個小孩，家庭開支大，為咗慳錢，陳浩民早前一家六口搬離月租14萬的何文田豪宅，佢老婆蔣麗莎早排生病入院，也堅持直播賣貨，更自言「我賺錢賺瘋了」。

對於被大陸網民質疑賣假貨，蔣麗莎回覆《蘋果》時附上一份由重慶玉圭司貿易有限公司及上海驅馳市場營銷策劃有限公司簽訂的「產品保真協議」，並說：「Tiffany中國認證官方代理商，提供的保真協議和我們之間的合作協議 + 海關報關單！此次Tiffany均由抖音官方選品提供的對接渠道！對此報道完全蓄意抹黑和造謠，無稽之談，純屬可笑！」

[

有大陸網民稱在蔣麗莎嘅網店買咗T字品牌頸鏈不知真假，希望網民幫忙鑑定一下。（網上圖片）|autoxauto
有大陸網民稱在蔣麗莎嘅網店買咗T字品牌頸鏈不知真假，希望網民幫忙鑑定一下。（網上圖片）|autoxauto487×636


不少買開該品牌的大陸網民表示頸鏈的包裝太假。(網上截圖)|100%xauto
不少買開該品牌的大陸網民表示頸鏈的包裝太假。(網上截圖)

image

2

真係肉酸！不過大陸黎既係咁上下！

3

我就聯想到，幾年前聽過，幫Tiffany整手飾嘅廠，tiffany訂100條，佢哋會整150-200條，QC唔合格嘅就半價甚至更低價，買出去。

3個讚
4

作為半個’公衆人物’(雖然我係唔識佢嘅），好心咪咁肉酸啦

5

本身個代理商都係假

2個讚
6

好想知邊度有得賣:see_no_evil:

7

其實好多品牌嘅工廠，佢地工人都會咁做。以前我做過首飾公司，上去間工廠時佢地有做其他品牌，都會拎D黎送俾人。我個貪心阿姐仲問人攞。

1個讚
8

淘寶個d外國牌子衫都係，所謂嘅原單貨。標榜同正品同廠以相同原料相同方式出產，只係無交返俾品牌公司而係工廠流出。希望我鍾意個d牌子快d徹出

9

佢可能真假貨溝黎賣

10

唔知真定假,但佢用貴野都唔好睇

11

:rofl:

12

但其實呢啲原單貨、數量應該多極有限
有啲款喺淘淘長賣長有、我覺得係老翻扮原單。

13

點解依家咁多明星要直播賣大陸嘢？
至矮又賣Gill 又賣，至矮仲俾人踢爆賣假酒。

14

搵到真錢又賺出鏡

15

大陸嘅"保真"都可信?

16

該主題在最後一個回覆創建後30天后自動關閉。不再允許新的回覆。