今日老公臨出門口之前，我同佢講話呢個世界上竟然有人發明靜音扣呢樣嘢，佢答我話有人發明都要有人用，到而家好多人都唔肯用安全帶
頭先我見老公遲咗半個鐘都未返嚟，心諗入油都唔使咁耐啩，打咗幾次電話比佢又冇人聽，開始有啲擔心
隔咗一陣佢打電話俾我，原來佢後面架車收制不及，撞咗落佢架車度，然後衝力大到佢撞埋前面嗰架車，聽佢形容我估架車度應該total loss 咗
大家真係要注意安全，唔好攞自己同人哋條命較飛
即係你老公架車係中間
咁真係好彩無事 
甚麼靜音扣?
我剛剛 search 過了﹐
知道在了﹐
我係絕對唔會俾屋企人用哩D o野。
1個讚
有時見d人揸車真係好急 好危險
1個讚
好彩你老公無事呀
點解會有呢啲野架？又點解會有人用呢啲野架
安全帶作用係保障生命架嘛，係人都知！
條安全帶有幾唔舒服啊？
唉
岩岩睇左另一單死左人既意外，好可惜！
幸好你先生吉人天相，神保佑 
好彩呀
1個讚
要去還神
就係有呢單意外我先知道有咁樣嘅嘢
多謝你嘅祝福
全部人都冇受傷
近排運氣真係好一般
我老公話撞佢嗰條友係踢拖，條友話事發嗰陣時跣腳所以冇brake撞咗落佢度 
好多時有嚴重交通意外 大家都會講戴安全帶嘅重要性 但好似無咩人理咁 無論巴士小巴的士 有安全帶一定會戴
Total loss 都好 最緊要人無事 
1個讚
最緊要人無事
大學畢業後其中一次公幹在飛機上與人傾偈，對方同我 share在機上任何時候最好扣上安全帶，包括飛機降落後滑行期間(見過太多人此際會馬上除安全帶，有些強國人甚至起身攞行李，空少空姐馬上撲前叫他們坐好並扣番安全帶)，他說有次在滑行時飛機急煞停似的，令多人撞到塊面流哂血，皆因已除下安全帶。
我覺得啲人喺飛機著陸滑行時，但安全帶燈號未熄，去除安全帶係懶醒，他們冇諗過後果可以幾嚴重。
所以在飛機上，記得盡量扣住安全帶，除非相關燈號熄滅。
飛機要扣安全帶，更何況駕車在路面人多車多嘅香港！
1個讚
我都是單意外先知有靜音扣
其實人哋設計來俾乘客位吧，因為個感應有啲蠢架，就咁放個重啲既袋喺個位度都當有人坐，會開左車一陣後先不停响
有人就一定用安全帶啦
要去拜拜
其實人哋有咁嘅指引一定有原因嘅