見呢度開張大吉，第一個人整你問我答。呢期停課，C9們對住屋企果幾件應該好頭痕，唔敢講照顧細路好拿手，但我諗每年湊幾十個學生，有些許心得，歡迎大家一齊討論。
諗都冇諗過 一來教育界長期黃 而且而家葉建源好盡責好有心 自問唔覺得比佢更好
3個讚
老師你好!
想請問考小一…其實叩門多數考啲咩…係唔係expect 小朋友識小一啲野…學校要搵尖子。
唔知你方唔方便答呢類問題, thanks 左先!
用左幾耐學zoom同拍片？
其實個教育制度咁有問題
點樣先可以改變到？
你覺得係教育局/學校/家長問題？
呢個課題有排講，首先要睇你果間係咩類型既小學，谷成績同愉快型已經唔同玩法，如果你果間學校要尖子，咁你要做多好多功夫，特別係小朋友既言行舉止同埋對答。呢D都反映緊屋企既教養有幾多，我地唔擔心教唔好你既小朋友，最擔心係我地呢邊一路加水，屋企果邊一路倒水，所以我會睇重小朋友係咪一個善良而有教養既小朋友，呢D就反映到屋企既幫助有幾大。第二我會睇對答，可以用通順流利既完整句子當然必不可少，反映你小朋友思路清晰，係聰明人。第三就係盡量做返小朋友自己，唔好教佢弄虛作假，以為有好印象，其實人地一眼就睇穿，童真好緊要。呢D價值遠遠唔係成績可以比得上，咁再其次當然就係課外活動。不過我自己個人就唔BUY尖子呢套。希望幫到你
6個讚
我識幾個朋友做左區議員 坦白講 素人一黎就立法會唔理想 起碼浸幾年 體驗下香港既政治環境先好再入立法會，區會同立會我個人認為完全唔同玩法，層次、見識同視野完全唔同，唔係單靠有理想就可以有勇無謀衝入去，少少愚見。
2個讚
拍片又唔耐 以前拍過FLIPPED CLASSROOM 好快上手 係見住老一輩既老師都迫住要用 有D替佢地可憐 但冇計 比較擔心係小朋友其實唔會學得識 而ZOOM五月先開始 未知情況
香港好得意架，真係有自己既背景文化，同台灣澳門好唔同，我出過去台灣既學校睇，人地上至教育局，下至前線老師，全部都扑心扑命為教育，都係好有心既人，而且課程係非常有前瞻性同質素，強調21世紀技能，唔係香港果D花拳繡腿可以比。你要記住，香港係面對21世紀既社會，養住一班20世紀既老師，用住19世紀既教學，去教18世紀既課程內容。問題首先一定出現係教育局身上，呢個機構比起其它地方真係頗為垃圾，吳克檢時代就最垃圾，撇開個楊潤雄清算教師唔計，佢上場已經叫做好少少。香港教育往往飲到頭啖湯，然後爛尾，咩都做先過人，又收皮快過人。全因為政府文化係推行咩政策係睇咩人上場，電子教學，我地當年係先驅黎架，換左人咪收左皮囉，靠住業界D有心人係度吊鹽水，教育局淨係識係前線叫呢班人黎分享下當推展左，你話咁樣係咪等收皮？想聽老師既問題先再講
9個讚
自爆就唔答喇 
多謝回答, 聽落都幾有挑戰性, 我小朋友比人感覺係曳果種…睇怕都好有難度 
做老師每日分別有幾多私人時間同休息時間？
雖然你教小學, 但我都想請教下你點睇中學通識, 你覺得算不算教育局的爛尾之作？還是有其價值？
絕對唔好咁諗 尖子學校大把呢類學生 佢地見過唔少 校長係識得分聰明既頑皮定無教養既頑皮 個個小朋友都會頑皮架 我地都會睇你同小朋友點相處 據我所知 有叻既學校會俾D任務幾個小朋友，從過程中睇佢同其他小朋友相處，去評估佢既社交表現
我果間返7半 收6半 收係因為學校要刪門 唔係你做哂D野 要拎簿返去改 返去食飯 然後沖涼改一至兩疊簿 快手大約已經係10點 一般已經係極限 有心既就備下課 我識人4點準時收工 都識人改簿改通宵
自己係呢到讀左咁多年書
咁多年都唔知老師教緊乜
自己讀緊乜同為乜而讀
淨係知到要捱埋個U就可以甩難
到而家自己有小朋友
真係唔想佢終日抄寫同背書
想去d學習環境/氣氛好d既學校
經濟上唔能夠去國際學校
唯有小朋友要夠突出，有特異功能
各位家長就各出其招發揮小宇宙
於是沒完沒了
中學小學幼稚園
每一關都好恐怖
3個讚
有咩學校環境同氣氛好?
通識絕對係好野黎 學生應對未來社會既挑戰 好大部分要靠通識課程培養出黎 而且成個課程有潛質再推向高層次發展 如果做得好 絕對可以重振香港教育既聲威 但佢除左受制於而家無謂既政治壓迫之外 亦受制於教師專業發展同埋教育局既支援 亦無叻人係教育局入面統籌成件事 正如我其它回覆所講 永遠淨係識開個靚頭 虛張聲勢完又無以為繼 正如STEM咁 大鑼大鼓完一輪 2018pisa 香港科技既排名跌到去第9 整體仲衰過澳門 香港教育垃圾唔係冇原因
1個讚
教育界同工
加油
我係幼師
等我都開個你問我答增加呢度既人氣先
3個讚
想聽下你遇過最怪獸嘅家長係點？