東方日報2020年9月22日 週二 GMT+8 上午5:45
有莊思明監場，楊明變成「絕緣體」！
無綫小生楊明與女友莊思明拍拖四年，早達談婚論嫁階段，但有見近期娛圈屢鬧「小三」風波，她為防男友「邪花埋身」，被爆以「貼身監視」、「晒恩愛」及「靠嚇」等招數嚇退「情敵」，最近跟楊明演情侶的34C「翻版湯怡」許芯悅見識後坦言驚驚。
楊明早前夥拍曾參演ViuTV節目的許芯悅（Katie）拍新片，其他演員包括其「頂級醋埕」女友莊思明、莊思敏、曹永廉、黃榕及喬寶寶等。楊明與Katie扮演情侶，雖只有拖手及挨心口等親熱戲，但已觸動思明神經！有傳她就算沒戲份或收工後仍「強勢登場」，每當楊明與Katie有對手戲時，她必定在離攝錄機約4、5個身位作「近距離監場」，初時以為她等男友收工，但最後被發現各自揸車走人。
男友成片場「絕緣體」
有指思明不時帶男友專屬湯水探班，在其他演員面前大晒恩愛。最後一場煞科戲，思明更以「女二」身份教「女一」Katie演戲，睇到旁人眼都凸！有指Katie曾私下訴苦，指被這位「正印女友」的氣場嚇窒。而工作人員坦言有女友「坐鎮」，楊明成為片場「絕緣體」，鮮與莊氏姊妹以外的女演員接觸。
記者昨日就此事訪問Katie，她直認被思明嚇親：「佢啲眼神好凌厲，我好驚！嗰排好頭痛又失眠。（思明呷醋？）我冇做過任何嘢，楊明唔係我鍾意嗰類型。」又指由於思明關係，就算與楊明合照也要拉埋喬寶寶做伴，其他女演員亦不敢埋楊明身！不過，思明否認「人盯人」監場：「全部場口都有我，同埋嗰個女仔唔係女一，唔通同場但見到佢，我就失場咩？真好笑，唔好屈得就屈。」
許芯悅坦言被嚇親，工作以外不敢接近楊明。
莊快d娶楊明，咁楊明咪可以息影囉