唔知大家有無在家工作嘅問題！
小弟係細公司打工(得幾丁友仔果隻細公司)
公司本身租公廈單位做office
疫情之後二月份開始一個星期幾個同事輪住返office
最後五月腦細決定office唔再續約
腦細算唔話得架啦，無炒人
不過我哋幾丁友永久wfh
但係屋企真係比較難專心工作
一個月總有幾日要去坊間收費果D自修室做下野
收費自修室都唔少，小弟四圍去下當支持小店之外
其實四圍去幾開心～
去過幾間以下係個人心得，希望膠流下：
Desk-one(旺角、荃灣、銅鑼灣、灣仔)
多分店
銅鑼灣分店最好坐
每間都有分區，如果想靜靜地做野可以靜音區
衞生差DD
最後
一個字"貴"
My Base(旺角)
本身有幾層
宜家得五樓
位置方便
因為無房成日有一堆堆人傾計教班(勁嘈)
工作溫書唔適合
如果約左人食飯未夠鐘可以上去坐吓玩電話
放zone(石門)
黨鐵站隔離
平日去好D
因為隔離係小朋友學跳舞嘅果D教室
加上佢個冷氣發出一種低頻(帶耳機都聽到果種)
坐得耐唔係好舒服
有落地玻璃景觀開揚
木讀(觀塘)
工廈但係正大商場對面都方便
比較多學生
迫(有好多好多位…但所有位都好迫…)
無窗壓迫感大
做嘢就麻麻地
學生幾個朋友仔去溫書係唔錯選擇
房閣(觀塘)
新開
工廈但位置都算方便
同木讀一樣
無窗壓迫感大
唯一好處收費平
文房(新蒲崗)
新開
雖然係工廈但有驚喜
有大窗朝早有足夠自然光
仲有個大露台可以行出去
都有靜音區
感覺舒服好多細節睇得出誠意
交通比想像中方便直得再去
但落雨就比較麻煩囉
希望可以大家參考下
