因為一開始做咗佛系媽所以乜都唔識
之後先知原來頭一個月對上奶好重要
由day 1開始都係埋身 呢幾日試下揼出黎睇下有幾多奶量
依家每次都係得60ml
如果我埋身餵 都要食多過一個鐘 後期仲要係咁扯nipple
有時餵完再俾揼奶bb佢都仲食到40 50ml左右
咁其實我想問 如果我淨埋身 feed on demand其實係咪由得佢食個幾鐘食到佢停？ 咁啲奶會唔會越黎越多 even依家已經5星期大 我之前都有試過停下餵下成5個鐘
我差唔多3個鐘就餵一次 但餵好耐
夜晚佢戒左夜奶 我就會揼出黎
點樣先可以再多啲奶？
如果3個鐘餵一次都ok嘅話，咁應該係夠奶量俾bb。
唔好信泵出黎個數，因為bb啜嘅量始終唔同泵出黎嘅量。
我都係全人奶埋身，頭一個月試過泵，點知泵得勁少，之後都冇乜點泵過，bb夠濕片已經好足夠。
我覺得我佛系過你喎⋯⋯我Bb都係差唔多5星期大，我半夜冇埋身通常會出多啲奶 泵到100-150ml，但日頭每四個鐘泵一次就只得50-70ml左右，有補奶粉，每次埋身30min佢就冇心機啜，補奶仲補到120ml，所以我覺得你個情況唔差喎 
我已經飲勁多水勁多湯，不過上奶呢啲好睇BB肯唔肯啜，每次佢放口我都以為自己冇奶，但明明我一唧就密密滴奶，佢係唔肯啜就唔肯啜。
泵清都有限，同埋我都冇頭兩個星期咁care奶量，因為心情差，奶量就更少。
衣加純粹覺得佢飲下奶粉快啲退黃都好～我諗等月底夠磅數打針之後再試下可唔可以唔補奶粉囉。
但通常都餵1個鐘左右先會停 仲要通常係因為訓著
如果唔訓 可能會不斷啜唔知幾時先停 佢真係啜架 有時好大力會扯添
但佢真係夠屎尿片喎又
咁即係點解
其實依家放產假都可以全埋身
我係想揼出黎睇下有幾多
但我發現佢埋完身之後仲食得到啲揼奶
所以我唔知佢其實夠唔夠飽
同埋我磅過 佢又唔算長得慢但長得唔多囉
我依家夜晚都係補粉奶
我bb 未夠38周出世 一出世個時因為成日嘔奶
所以我地都抱好耐先放底佢 但依家抱得多我一放底就喊 個背脊一掂張床就會喊
有冇計仔搞搞佢？ 依家我同老公輪流訓 輪流抱住佢訓
我個仔都係咁架，鐘意係咁啜住唔放，你覺得佢開始啜細力左果時同佢講話飽飽就唔啜啦，跟住用手幫佢甩出黎
初生果時係咁嘔奶好大機會係因為飲得太多飽得滯，我果時埋完身有再補奶，咁阿仔多數淨係飲得30ml，之後幫佢拍拍佢都會嘔返啲奶出黎，之後冇再補奶佢都冇乜點再嘔
我個隻岩岩好40週出世，性格好易發𢛴憎，食人奶會食得好地地都可以發脾氣自己整甩左又係到大喊，陪月話有可能係啜唔到或者有氣谷住⋯⋯因為佢淨食奶樽可以食150ml，今日埋完身就補到120ml，即係半個鐘只係食到30⋯⋯想像唔到淨係埋身會唔會餓死佢
啲人又話越埋身越多奶 我都係保持係60ml冇多冇少 就算個日狂食上奶野飲魚湯都冇多奶 就算消化完幾日後較都係60ml
有無餵夜奶呀？或者夜泵呀？零晨時份有無出奶都好重要架，因為夜晚有催乳素。
又或者建議大家去“香港母乳協會”網頁咪下書，好多野睇架。仲有“草媽媽母乳漫畫”好好睇架(佢有FB嘅)。
我仔2012年出世前(即係陀緊時)，我狂咪個網頁，得到好多知識。出世後仲做埋"愛嬰天使"推廣母乳。
最後，只要有恆心同堅持、堅持同堅持，無嘢唔成功嘅。各位奶媽，加油。有唔明再問啦！
戒咗夜奶 夜晚揼兩次
係咪依家過咗一個月其實已經唔再上奶？已經穩定咗個supply
飲呢個有無痾白點？消化唔到個啲白點
我同樣 
埋完身再泵都只有10ml
唔係咁啱佢補咗奶粉都唔知泵唔泵好
PS 埋親都成40分鐘（兩邊加埋）
當然唔會啦！仲可以追返奶架！要睇你有多大恆心，同唔好成日懷疑自己。你越諗自己少奶，就唔會多囉，心理質素都會有影響。
仲有，我真係唔建議補奶粉。第1，啜奶樽咀嘅力度係唔洗點用力，對bb黎講係容易食；而埋身食嘅力度係由你乳房嘅乳線吸出黎，個力度大好多。大人都取易捨難啦更何況bb。同埋既然都埋身食，點解仲要補奶粉呢？
你要知道身體係一個工廠，有求就有供，需求少咗啦，咪供應得少囉！
密密餵係要2小時餵一次，當bb食緊一邊時，另一邊用奶泵泵，有無奶出都照泵，勤力D日子有功就夠食架啦。
最後，係要抵得住閒言閒語。例如BB一喊就話補奶粉啦
！你都唔夠奶補奶粉啦！只要目標夠堅定，知道自己要點做，就唔洗理人(包括你老公)。
我搭單又想問下
我唔埋身都只係泵到30ml左右（兩邊）
有無咩好提議可以點
泵出黎嘅量，只係奶泵嘅力度泵出黎，泵力唔會夠B啜嘅力度大。
而B埋食咗幾多永遠都無人知，我地只會知B食到/食唔到，同埋夠/唔夠飽。
而家要增加奶量，要兩邊都食/泵密D，製造訊息俾身體知道，有需要造奶。過程係會辛苦。
餵/泵嘅過程，唔好諗多與少
，有幾多奶，唔好望住奶泵/奶樽，放鬆心情，甚至同B講下野叫佢“食叻D呀媽咪先有奶呀”，錄底B肚餓喊聲，泵奶攞出黎聽，都會刺激造奶。
記住無論泵定餵係＿2個鐘＿1次，唔係3個鐘
加油
兩個鐘餵一次 比如我12點餵 餵到1點 咗我應該係2點再餵定3點？ 係由餵開始計定餵完？
同埋唔補揼奶or奶粉 佢可以啜個半鐘以上 咁可以點做？
兩個鐘餵一次
12點餵2點又餵4點再餵
可以補泵奶，但唔好補奶粉
B啜咁耐，係真係啜奶啜足半個鐘，定淨係啜你奶頭半個鐘先？要攪清楚情況。
我仔當年都係好痴身，要啜住瞓，要好難先甩咀。但唔係佢要啜就要俾佢啜咁耐，要每次都試下甩開佢個咀。
如果唔係你對手同條腰就咁俾晒佢，又擺唔底佢咩都做唔到。
希望我解答到你，唔明再問。
佢係真係啜架 有時仲會扯 個頭郁下郁下咁扯 跟住隔一陣可能抖下就咁darm住個nipple 跟住隔一陣又啜 可能啜唔到奶就扯？
所以先覺得佢食唔夠要補奶