股海好多人「點石成金」，可能都唔及人哋一筆。
如果你無睇到蘇富比秋拍，咁你真係走漏眼，話說今季拍賣好多奈良美智嘅作品，其中一件，竟然係一張港幣100紙。
根據資料，該「作品」係奈良美智於2011年用水筆，在2003年版、2008年發出的匯豐100蚊紙創作，最終連佣金45萬港元成交；經奈良美智幾筆，100紙升值了差不多4500倍，你話犀唔犀利？只係真係唔知，金管局會點睇？
如果有留意呢幾日拍賣，其實焦點係落喺畫布作品《背後藏刀》身上，最後以HK$1.95億元成交，令奈良美智藝術品，一躍而成「日本最貴」。咁100蚊紙比起上來，真係唔算係咩大創作，少人留意都正常。
不過睇返呢張「紅衫魚」，本身都真係幾值得紀念。當年3月，大班鄭海泉成為首位華人執董，係該行創辦一百四十三年來，首位華人擔任有關職位，當年「香港銀行家」真係一個奢侈品牌嚟；而匯豐股價仲係「紅底」，之後就一蹶不振了。
來源：sothebys
1個讚
就咁望好似係小朋友畫 
仲要係原子筆畫
向港幣上面畫畫，好似係犯法
1個讚
好似亂畫咁…
係囉，好似犯法
1個讚
我反而想知咩人可以俾張100蚊紙俾奈良美智畫幾筆?
該主題在最後一個回覆創建後30天后自動關閉。不再允許新的回覆。