6299前後腳入院幾日，出院後無後遺症可以自理，99只係行動唔太方便企一陣就要坐，62就行動自如但唔識煮飯。我同佢地住，返朝9晚5，62中午時候買餸，放工返到去我煮。
晚晚返到去都7點開始整，8點-8半左右就開飯。
飯後洗碗之後我就會準備埋第二晚既餸。
星期六日連lunch都要整埋。
依段日子我都無怨言，淨係想屋企人身體健康，就算99好返我都係諗住佢煮少我煮多，等老人家有D細藝同時又唔洗咁辛苦。
點知有日唔知佢係咩心態，話我成晚都喱o係廚房左摸右摸，又話我廚房出黎之後就沖涼入房。
我係廚房新手，好多野手腳慢D，同埋我要返工，無得好似佢咁上午醃肉晚餐用，我要今晚拎定凍肉出黎解凍，第二晚醃，第三晚用，如果唔係就醃得唔夠時間。
煮完食完洗埋碗已經9點幾，準備之後既餸又差不多成個鐘，10點幾先可以離開廚房，唔係去沖涼係咪要拖埋地先滿意?
呻完，繼續上youtube學煮餸。
介紹大家睇職人吹水學煮餸，https://www.youtube.com/c/職人吹水/featured
請中點/工人得唔得?
始終, 佢地都會有照顧唔到自己既一日…
佢係咪覺得地盤版霸佔
驚人地覺得佢地無用?
我聽落覺得似
唔係去留意你彈下你，佢唔知自己可以做咩
睇見都覺得你好攰
不如真係請返個工人姐姐幫手啦
你嘅人生同埋佢哋嘅人生都會舒服好多
請工人啦，咁樣長期蛇都死
有啲人係咁，生活太乏善足陳，點都r啲嘢嚟講吓，未必有惡意，但聽果個會難受囉
無地方俾工人訓。
請鐘點又唔係咁易搵岩心水。
不嬲99把口都係衰，但無諗過佢咁樣話我。
屋企無位俾工人訓
到依家大概兩個星期，梗係唔想長期係咁啦，可惜屋企無位請工人
會吾會試下星期六日一次過醃晒D肉先，起碼繼續用到幾日，之前睇D日本節目係咁分好晒一份份，等平日吾駛咁辛苦
老公都叫我咁樣做，仲俾左條link我，只係未實行到。
有次我用zip果種保鮮袋醃肉，99話d醃料接觸住d膠唔好，用不銹鋼碟包保鮮紙99又話我唔環保…
其實可能佢唔想我醃定所以樣樣都唔岩佢心水。
我都想可以好似佢咁唔洗做，一日到黑打機睇電視，4個人煮2個餸，5個人煮3個餸，一個月滾唔到一次湯，半年都煲唔到2次湯 
係我過唔到自己果關，只要自私d，淨係煮自己方便既餸就唔洗用咁多時間。
老公去咗邊？你日日返工仲要煮飯比佢屋企人食，工人又唔請得
如果我係你，我可以煮，但我半隻碗都唔會洗，半句難聽說話我都唔會聽
佢哋對你冇養育之恩，記住!
基本上日日OT，10點幾先返到。
等得佢返黎洗個廚房做唔到野。
咁你兩公婆好孝順，努力工作照顧老人家，維持頭家
同老公講：叫佢放假要幫下你手，叫佢話下佢媽唔好咁多難聽說話，你服侍佢哋唔係必然
辛苦晒
業權係邊個先？
關業權咩事?
見到你替你辛苦, 不過聽你講, 應該未有小朋友?? 未有小朋友都叫好啲, 如果湊埋仔再做咁多嘢, 仲要本身都要返工, 真係人都癲呀!!
既然無位請工人, 你哋經濟鬆唔鬆動先? 其實而家坊間都有好多即食餸包, 或者半成品, 整好晒, 返屋企就咁煮, 焗, 氣炸就可以!! 間唔中一餐半餐氣炸都唔過分, 最重要方便同快捷嘛…如果唔想咁辛苦又醃又搞咁多, 即食餸包係最好既選擇!! 又唔駛煩要煮啲咩…不過預左一定唔平嫁喇…真係好攰既時候可以咁樣做下, 一星期你可以煮3-4 餐咁囉…