唔係唔expect 小朋友識，係老師自己唔識，但唔好意思認。真係o 嘴。
然後o 嘴都唔單純係因為佢唔識，而係冇自知之明，英文唔夠好又唔會自己查下有冇呢個字。
Level 5 and UE C 喺考評局嘅數據係好少人攞到，數據上一定係英文 top 嗰浸
而且入到去Level 5 嘅學生其實好少，大部分有*
我覺得大學 Education Dept set Level 5 好合理，個學生都仲要比佢哋 train 五年
可能我英文唔夠好啦，UE C 我絕對覺得係英文好嘅一個 level，人哋英國係 recognize 做 credit level
不過以major黎講，拎5定拎C真係唔夠top既
係中游既分數，最多中上
英文 5 我覺得唔失禮，專科教英文嘅話，咁就有啲唔係咁好，但好多都會重考或者 LPAT。正如 16 歲考 IELTS 可能 7 分，18 歲考 7.5 分，話唔定經過咁多年讀書同人身經歷可以攞 8 分甚至更高。好多如果個 grade 唔靚都會特登再考 DSE。咁最後一次嘅 DSE，佢係考到有 *，咁就冇問題，如果 Form 6 考係 5，四五年讀書後又 5，咁就真係悲哀啲。
我傾向相信香港嘅大學判斷，以前英文教育一定要 UE C，而家 Level 5，一定有佢原因。成績只係一張入場卷，證明佢呢個成績係應付到大學嘅英文教育課程。學生仲要喺院校浸多五年接受師訓仲有實習睇堂，應該要考埋 IELTS and LPAT，咁已經好足夠
跟住可以由僱主把關，睇佢 CV 原來得5, 但如果對方有考返粒*，或者 IELTS and LPAT 好高分，試教又得，僱主識揀啦
Emi 雖然流利，但仲有Hong Kong accent 㗎。不過唔算重亦唔難聽。仲要嫁咗半唐番以後都大把機會再練好啲英文。
托哥就少少 accent 啦，都near native 了。
1個讚
我進修嘅時候都遇過咁嘅情況。我曾經做過theatre相關工作，就用左黎做一個project嘅topic。
到present嘅時候，我用左「Finale」呢個字黎代替「Conclusion」，finale係指一個show嘅最後一幕，我覺得同個project嘅主題好配合先揀呢個字。
點知個阿sir係完全冇留意我present點讀呢個字，淨係睇ppt見到就當場話我打錯字，多左個e，佢以為我想講「final」。「final」同「finale」讀音完全唔一樣囉，我忍唔住即場再讀一次係finale，唔係final，阿sir先即刻查字典。
其實present之後tutor實會問問題，你真係覺得我錯或者有疑問，點解唔可以q&a先問，打斷我present就係因為佢唔識呢個字
Season finale 嘛。有睇美劇都一定聽過。即係阿sir 唔睇英文電視囉。
如果我係個阿sir, 直情想搵窿捐。自暴其短…
不過阿sir 唔係教英文就好少少嘅。
以前教師質素仲參差
記得以前小學剛剛轉常識科，入面講到腸胃健康，有「渣滓」兩字。小學老師教讀「渣宰」，補習社老師又教讀「渣宰」
返到屋企，呀媽慣例叫我打開書朗讀下今日學左咩，即時糾正讀返「渣子」
然後，第2日上堂，我同老師講讀「渣子」，佢實牙實齒話讀「宰」，俾人鬧到一臉屁
仲有唔少類似事情，真係好彩有呀媽把關
所以自此之後，我都覺得小朋友教育係不能假手於人
2個讚
我個年代教書係水泡科、好少人會話我的志願係做教師、做老師學歷外仲要講有冇心、我遇過最好既老師唔係叻但會備課、唔會錯得太離譜
而家最差既其實係堆老seafood,有年資郁唔到、唔會進修、錯唔會認、學生家長又醒左、答案一上網就search到 
童年陰影、只係讀書機器、自己教錯屈學生、唔識答就老羞成怒
我記得有個老師講過：學英文唔分高低，只分先後，每個人進度唔同，唔好笑人哋英文差
我而家諗返其實好好，佢想鼓勵我哋 
1個讚
我認我好注重老師教語言有冇口音(唔好打頭)
。
曾經去聽中學升學講座，因為代表老師嘅英文好重新加坡口音而放棄。又有另一間因為普教中嘅老師普通話好港式而要考慮。
咁我都明白家長嘅要求嘅，好正常
不過樓主講嗰個家長就太激動 
陰公豬！
我老師都係教渣宰。然後一個全.班考三十幾嘅同學仔讀渣子，我仲諗係個同學讀錯添! 真係誤會咗佢!!
依家好多家長係咁。我都好怕尼類人 
果下我其實都係咁諗, 因為佢唔係即時覆我, 係之後CALL BACK (可能去左查字典, 哈哈)
做語文老師係咪可以嚴謹D, 就算我地土生土長都會有好多中文/典故係唔識, 與其亂改係咪應該虛心D, 咁先教學相長
1個讚
我冇小朋友，所以我都唔太明家長。但我覺得睇醫生都唔係個個好，何況老師？
我自己以前讀十幾年官校，想死，基本上十個入面都唔知有冇一兩個好，好嘅一定係師範出嚟，有心。啲港大1st honour 闊太老師淨係識晒命，晒自己老公，自己仔女去英國，完全唔教書，唉
不過我冇乜所謂，讀書靠自己
我遇過好嘅老師，就係一啲好虛心嘅老師
縱然佢自己會考都9A，遇到一啲唔係好識答嘅問題時，佢唔會亂答，而係好虛心咁叫我地比一晚時間佢查一查，聽日再答
呢啲老師，除左喺佢身上學到知識，仲喺佢身上學到品格態度
3個讚