native應該係母語, 如果香港土生土長, 就算好流利都唔叫NATIVE.
其實唔睇樣淨聽英文我真心覺得係唔錯，但大前題真係要走畫面，我覺得好聽過葉劉嗰d let me finish 英文
我唔介意Hong Kong accent, 但接受唔到Chinglish，只要grammar 冇錯就可以。
1個讚
睇下你係咩學校,如果私校可能會嬲,因為收咁既學費就要有番咁上下既老師, 如果小朋友係公立學生,咁都冇得講D咩…
Emi 屬於 mixed，比較明顯啲，亦係香港流利英文嘅示範，港同狀元亦如是。麥明詩英文流利，偏英但都有港式，但唔影響內容唔影響理解，我唔會覺得佢係好過或差過 Emi 或者港同狀元，大家平起平坐。另一 Youtuber J Lou 佢都有啲啲 mixed 左，但唔明顯，你要好細心搵先知。J Lou 係中學讀 FIS。
native 嘅意思即係從 BB 開始已經講，即係第一語言。嚴謹啲嘅說法就係，無論你後天有冇讀國際學校或者細細個已經移民，只要你嘅第一語言唔係英文，咁你就唔算係 native。即係就算 J Lou 係混血兒，同阿爸溝通係講英文，由於佢細個接觸嘅第一語言係廣東話，咁佢 technically 唔係 native English speaker，但佢係非常非常流利，幾乎同 native speaker 冇分別。
我只係覺得香港人冇必要執著 accent，更加唔需要諗係咪 native（因為按字典解釋，你永遠都唔會係）。除非嚴重影響溝通，否則印度口音、新加玻口音、香港口音，內地口音，日本口音，都唔係問題。口音只係 extra，最主要老師識教英文，對學生有耐性愛心，識得鼓勵同推動學習。
3個讚
以我教書朋友表示，唔計IS(因為佢唔熟)，教書最好嗰批應該喺官津校而唔係私校，因為前者有 p fund又極之穩定，後者直資人工可能高少少，但計 mpf，所以好多直資老師教幾年一定走去官津校，直資個流動性好高
我意思唔係話 accent 好等如師資好，我意思係家長以為私校老師會好過官津校，應該唔係。老師都係人，當然想搵間穩定做到老嘅學校又有公積金
有錯請指正
又諗起小學嘅惡夢
精英班，英文堂，讀任何ed都要響音（凸）
全班日日讀文
唔響就當你錯
真係哂我時間
都要睇係邊間官津，如果係見報嗰間夫人學校，又或者係我上面所講嗰間廉價勞工，咁就真係死得。最斃係其他工種可以跳，但老師一讀大學，條路就限死左，行頭窄，轉工都唔容易，如果前東家係方丈/唔覺意得罪，咁就兩頭唔到岸。
Pfund係好吸引
我識有唔少朋友教書，最叻個批都係去晒官津校
直資最多做幾年（fresh grad時搵唔到工），有機會都係轉返去官津校
但無可否認，官津校嘅師資都幾大落差
總之好多人想入去做啦
如果本身做緊直資，當然唔會做廉價勞工啦
但直資永遠唔會perm，好多直資到你做到十年八年嫌你人工高唔再後生好使好用，佢唔炒你，但個老師自己三十歲都一定搵路走啦。過三十五連官津都唔會請，所以一定要盡早入返個 perm 條隊
你睇下好多直資啲老師全部後生就明白，當然後生有後生好，可能搏啲盡力啲，但如果家長一廂情願以為直資師資好過官津我就唔認同了
我就係受害者啦，我間中學係官津英中，英文老師係港大英文系畢業，寫就幾好，但講就麻麻，同埋可能上左岸所以教得超hea出卷又求其，CE份mock好多同學做完都好嬲，因為個模式同考試完全唔同，佢求其上網copy and paste就叫做整左份卷
我加多少少資料，都係我教書朋友講嘅，佢做咗廿年一定準確：
官校包十年 housing allowance加 p fund
津校 p fund，就算唔升主任，做個平凡 GM到你四十歲時人工已經係七萬。只要你唔教著間殺校嘅，又冇失職，你一定做到六十歲
假設你係 top graduate做教書，做一間勁嘅直資幾年，而家三十歲，你會唔會搵官津？如果搵到 Band 1 仲好做啲，家長冇咁多要求，做 Band 2 都可以，調適下就得
我唔信會繼續留喺直資被人 chur 但永冇perm lor
因為穩定，所以就開始會hea
而且有d老校成個風氣都係hea，你勤力少少會俾人排擠架
但教師質素好果班，真係多係官津校，遇唔遇到，就睇你緣份
呢個post唔係由亡國出先㗎咩？我見連登係咁講
尤其人到30，如果已經成家立室，一定會求穩定
1個讚
直資走唔到嗰班一樣會 hea，尤其是差少少嘅直資：又冇 perm，又 chur 人，邊個肯同你做？冇咁易請人
官津校 hea 起上嚟好 hea，我同意，但 turnout rate 好低，一年最多走幾個
我識得有朋友外國讀左十幾年書，grammar係正確但佢講英文口音係唔會諗到佢係外國回流返黎。 
我諗口音可以接受、始終唔係外藉老師、但what room 就真係靠害咩
家長唔叻都可以有要求架
1個讚
家人朋友都教書、老實唔同band 既師資其實真係差好遠
我有兼職補習(平時正職係白領)，包括英文科，通常高小開始會在補習時練習口語，讀中學的學生我甚至會要求互相全程講英文，自問一定講唔出 what room，如果唔係家長邊肯時薪幾佰呅咁畀我去教佢哋