海洋公園管理及演藝節目執行總監吳守堅在本台節目《千禧年代》表示，正積極準備重開海洋公園，會視乎政府限聚令等要求如何配合，當準備就緒，就可重開。
他說，當公園重開後，旅客可於指定地點，例如水族館做瑜伽，亦會開放纜車下的行山徑以宣揚保育訊息，並會推出夜遊公園及兩日一夜的露營體驗等活動。
至於開園時將如何限制入園人數，吳守堅說，市民入園需要登記預約，至於人數方面，需要視乎稍後限聚令規定有無改變，然後再調整。
山長水遠去做瑜伽，做完熱死攰爆咁搭黨鐵返屋企嗎？
3個讚
吓？
行山係好 但俾幾百蚊去行山會唔會誇左少少
同意，而且在水族館做瑜伽，會否比人當魚咁睇埋㗎
而且你拉筋拉到出晒汗咁仲邊有心情睇魚？
仲要配合埋企鵝餐廳啲食物香味嗎？
有無用個腦諗嘢呀？之前攪證婚都死咗，呢D活動有咩值得俾咁貴去做？
早執早著啦…
緣起緣滅……
分手盡頭都死唔斷氣…
咪就係，做完身水身汗仲要咁遠水路返屋企！真係服咗佢諗得出呀！
1個讚
嗯…
我覺得會吸引到做瑜珈嘅人，
仲有行山嘅都會想行。
反而我想係海洋館過夜，我仔上兩年試過，佢好深印象好中意。
咁都諗到…
啲水族館好凍，記得部份樓層會有啲腥味，
其他動物館亦會有啲動物味，做yoga 真係會relax到？做做下變埋景點比人參觀
我呢世人最憎就係露營。
我去海洋公園係為消費同娛樂，仲有嘆冷氣，飲嘢食嘢。仲要我餐風露飲，我唔係去貼錢買難受！
企鵝館有味。無計啦，鳥類、鹹水、餵魚。一定臭。睇兩眼就想走
我屋企人去過參加午餐婚宴，都幾好。佢最深刻係個人扮嘅威威，出場行嚟行去都無人願意同佢影相
該主題在最後一個回覆創建後30天后自動關閉。不再允許新的回覆。