因管理不善而在全球最佳航空公司排名榜跌出三甲的國泰航空，又再令乘客大失預算。有一家三口2個月前已購買直航機票本月前往澳洲悉尼，並已將在港家當悉數運往當地，準備移居，豈料在出發前3日才獲通知不能成行，甚至明年1月前亦難獲機位。事主質疑當地政府早於2個月前已公布因疫情限制旅客人數，國泰上星期仍通知航班如期起飛，臨時卻不能成行，直斥國泰內部管理混亂。有學者批評國泰做法「離譜」，打亂乘客計劃，又無積極彌補過失。
「啲傢俬已經運晒去嗰邊，依家都唔知點算。」王太（化名）於7月中旬預訂3張原定今日（10日）前往悉尼的機票，花費約1.5萬港元，打算偕同丈夫陪兒子在當地開學。她早前已為兒子辦理本地退學手續，準備入讀當地銜接高中的課程，又透過船運公司將全部家當送往悉尼，至本月4日仍收到國泰提醒航班如期出發的電郵。
惟在出發前3日、即本月7日，她接獲國泰電郵通知，因當地政府縮減每日抵機場人數，要取消已預訂的機位，但可免費改期。惟她曾聯絡過國泰，對方表示現時至明年1月的航班均已經爆滿，未能安排她一家乘坐；又建議她退款了事。王對國泰未有提供實質援助，感到失望，又指除兒子升學計劃受影響外，目前他們連本地居所亦成問題，「有咩理由起飛前3日先講？我依家成個人企咗喺度！」
澳洲新南威爾士省政府由7月4日起限制每日抵悉尼機場的國際航班人數不得超越450人；於7月20日再次縮減人數至350人。由於疫情關係，澳洲航空及維珍澳洲航空已暫停所有國際航班，目前只有國泰提供往返本港及悉尼的直航服務。
香港理工大學專業及持續學院講師陳偉強亦批評國泰做法不可取，認為航空公司早於7月中旬已知悉當地政府對抵機場旅客人數限制，但拖延至9月航班將起飛前才通知乘客；事後亦無盡快安排事主乘搭另一航班，行為不負責任。陳指國泰曾被指超賣逾40個機位，勢令公眾懷疑事件和超賣機位的做法有關，促港府嚴肅跟進事件。而至截稿前，國泰未有就事件作回覆。
1個讚
情況應該係7月20已知機場要減人數，但9月7先通知機位取消！本身航班係9月10日
1個讚
報導淨係話3日前通知「因當地政府縮減每日抵機場人數」，邊度有話7月20號已經知？
我4月原本訂咗國泰機票，都有提早通知，結果退咗票，親人訂咗6月尾，早通知取消咗，改咗日期，回程唔係直飛，國泰仲送咗一程轉機添！
我個人一向坐飛機首選國泰，亦對今次疫情安排亦好滿意！
報導尾兩段係咁寫，“澳洲新南威爾士省政府由7月4日起限制每日抵悉尼機場的國際航班人數不得超越450人；於7月20日再次縮減人數至350人。由於疫情關係，澳洲航空及維珍澳洲航空已暫停所有國際航班，目前只有國泰提供往返本港及悉尼的直航服務”
咁都幫佢唔到，就算國泰早通知佢，澳洲都係限制人數入境，無機就係無機，疫情大家都無辦法！
1個讚
上面有咁寫, 上面嘅回應應該係根據呢篇報道內容回應.
雖然七月中已經知道, 但係我估航空公司都唔敢亂咁通知客人,因為每個國家嘅政策成日根據疫情改變. 無論航空公司定係客人, 都係無所適從. 我估計想轉機去澳洲都唔得.
利申，我哋自己都好少搭國泰。通常搭LCC.
咁我估係，有可能當時仲有好多機未取消，後來某啲機取消咗，將啲客迫埋一齊，所以攪咁耐掛
遇上疫情真係無奈，航空公司安排得差，但都唔可以怪哂航空公司，有錢賺佢哋都想賺，我訂機票時未有疫情，所以取消都收咗幾舊水手續費一位，改機票又要補差額
我朋友做機場話呢個時勢如果一定要出發就吾好買agent平機票，直接係cx網站買，揀出黎冇得上機果D通常吾係正價機票，個家庭一家三口用萬五蚊買三張機票應該係特價飛，可以試下立即上網買張business盡快走，到時揀其他人offload
我自己個兩張舊年經agent買，個時未有疫情，已經話改唔駛收手續費，但如果有差價要補，4月我見啲疫情咁嚴重，咪直頭取消算，蝕幾舊水好過。我親人個張係疫情時訂，所以條款比免費取消同免費改期，不過改個期係佢比你，自己無得揀
就算係疫情下，航空公司都有責任。
我一向係國泰客，以前遠近都係坐佢，係由舊年開始，坐多咗其他航空公司。但近七，八年國泰真係差咗好多。對客嘅擺出一副你吹我唔脹嘅態度。
1個讚
HK <-> Okinawa
Peach or HK Airline (唔好打頭).
Domastic
Skymark (話自己係LCC, 但係包行李, 服務超水準)
Jetstar
Peach
打死唔再坐Airaisa!
1個讚
HKA早期係做得唔錯，班姐姐係有笑容。
機票平，最基本嘅服務係好過cx好多。
