我覺得自己成日都係夾心人,我都諗左D解決方法
1, 我問朋友/同學仔家長一D正常問題,佢地HEA答或索性唔應我果句…但相反我又俾D朋友/同學仔家長追問我一D好私人既問題,比如老公人工,供樓幾錢,小朋友成績,小朋友既考試功課題目…
我諗既解決方法,可能我平時太樂於答人,唯有冷處理同HEA答 
我知有好多夾心同路人,大家都分享下~我遲D再講其他例子~
蝦你份人隨和喎
好多時d人只為自己好奇心而問，並唔係關心你你，所以要學識保護自己。hea答一兩次d人知問唔到嘢就唔會再問。如果覺得唔好意思唔答就用反問令佢自己收皮。
3個讚
問老公人工，咪答咪又係果1/2/3萬，供樓咪又係1/2萬，
成績ok啦咪又係B同C。
要麥兜媽咁，答完好似冇答咁，下次就唔會問
2個讚
樣樣答左具體數會比人覺得有心答
其實唔問人工係社交禮儀，問果d真係八卦。問老公人工咪反問返佢囉：我地搵埋夠食咁啦，點同你成日有新衫，老公送架？佢做邊行？搵好多？係咪有commission架？邊度返工？問到佢唔敢問你。
細路成績：夠升班咁囉，我ok架喇。你阿月娥呢？考幾多？有冇補習？學d乜？邊度上？嘩一星期上足四日呀？我冇補開想問下你有冇介紹丫嘛。（呢題我實戰過，即刻收皮）
6個讚
見識少… 唔係咁熟都會咁直接㗎
我都覺得要係咁，問到佢怕左你，咁就唔會再問，唉係要搞到自己乞人憎d人先會放過你
要咁ka 
因為我習慣同家長保持距離，答咗好似冇答咁比較啱我情況。
只要知乜工乜位置，上網都搵到大概人工，樓又係，
成績更無謂，我仔成績好定差都係同一間學校，有乜好比較。
問得出口都係八婆多。
絕對認同…都曾經有D咁嘅八婆問過我幾錢人工, 我就笑笑口咁話"成日唔同架, 有多有少啦…" 你個女讀邊間大學呀"咪來來去去都係嗰幾間囉…"
其實我印象中好似冇乜人問過人工問題，出嚟做嘢有d社交禮儀大家知架嘛。如果佢無禮，咪用返佢果套對佢囉
其實好少見到咁嘅人，以前長輩會問，我會代阿媽問返佢地仔女，咁佢地又乜惡意嘅，純粹搵嘢講。
如果只係「朋友」，佢問得人就預左人會問返佢架啦，咪同佢鬥問囉但我要重申，有同學家長係咁嘅人，但真係唔多。
補充，果個同學家長值得我咁對佢，唔係因為佢問成績，係因為佢每日都追問姐姐我阿女學d乜，姐姐話冇果日佢又唔信，重覆問，仲要問我個女（幼稚園ja wor), 問到我姐姐覺得唔妥同我講。到我見到佢佢仲要問我阿女成績，我唯有連本帶利問返佢，問到佢唔想再答避走。
如果係追問小朋友學校默書考試範圍呢?有個朋友仔細1年,將來可能同校,佢成日叫我有題目就影俾佢,等佢幫個仔預習先,但問題係佢個仔係聰明果隻,咁即係叫我通水俾佢個仔考高分 
我都有類似情形, 但我覺得原因係有d人好8, 好鐘意知人私隠, 咁我有d嘢又唔介意話比人知但又唔好意思問返人.
所以而+決定唔講自己嘢, 等個d人唔知
朋友識左好多年,但勁少出黎見
咁講啫，我諗佢都冇預你好認真影比佢卦。如果你唔願意，影一兩條應酬左就算，之後唔洗影。佢問起就話忙呀唔記得、冇乜特別題目呀、下年都唔同架啦、同坊間練習好似喎可以買黎做，就咁hea過。你冇責任影足比佢架darling
1個讚
我也遇過，舊同事問人工幾多呀，年尾加幾多呀，bonus 呀，mpf 賺幾多，到問反佢就 
講笑mode咁：喂，你問得我係咪即係你有好多先，唔好講咁多，一係自爆一係請食tea
佢太極宗師呀 
咁鬥太極啦，你唔答佢耐你唔何。有時又可以轉話題或適當引入外力：對大圍人講笑咁講，「xx想知邊個bonus多喎，有冇人肯自爆先，嗱我就費事獻醜喇哈哈。」面皮夠厚就得
1個讚
我係唔敢影俾佢睇,因為佢好進取,如果真係同校,佢會不停問,佢已經問定我做完既功課補充留俾佢…佢擺明想谷個仔做優等生,同埋我知佢好鍾意係佢仔既家長GROUP度做大家姐,其實之前因為佢態度差,我地已經無搵一排,只係仲有個朋友GROUP~