由發現有左bb開始醫生都話好唔穩定
我地都做晒心理準備要同bb講再見.
從頭到尾只講過俾兩邊家人聽, 並叮囑唔好同其他親戚朋友講, 唔想之後要逐個解釋. 如果有事我亦只想自己靜靜一人, 太多人熱心問候反而會好難受.
結果一個轉身老公嗰邊全部親戚知道晒…
各家人嘅鐘點工人姐姐又知道晒… 街市賣菜嗰個又知道…
好唔開心
點解可以咁口疏? 係咪我要求太高? 我自小屋企都好重視私隱, 就算係屋企人之間都會先問左你介唔介意我同邊個邊個講你嘅事…
口疏係性格問題，唔係你要求高，你99咁口疏以後唔好同佢講D重要野，有D人嘅性格係永遠唔會改到。你保持愉快嘅心情，BB會痴實你架！
12個讚
我都係有個大喇叭奶奶，就係驚佢會周街唱，所以冇同佢講我有左。我2邊都只係選擇講俾1個口密既親戚知。
多謝你吖
唔知關唔關荷爾蒙事, 每次當我知道佢又口疏左又有多一個人知我都會好想收埋自己狂喊.
我唔再講嘢俾佢知了, 但睇嚟要控制埋老公把口, 佢阿媽問咩佢都會答咩都唔係第一次為呢d事嘈了…好無力…
Well done! Aiiii我唯有當自己上左一課…
太天真以為今次事關重大佢會識分寸…
引以為鑑
以後唔好犯相同錯誤
BTW你老公無提你？
我諗你99係太開心，所以忍唔住想同人分享喜悅
我老公呀媽都係咁，咩都要唱通街，除左自己唔好既野之外！
我奶奶都係咁嘅人，我生b陣痛17個鐘連下面保安都知
呢d人改唔到嫁啦，唯有自己當聽唔到
我都有大喇叭奶奶，仲有姑奶
講嘢小心啲就得，講得俾佢知就預左周街知既先好講
好多老人家都係一開心就要周園同人講唱通街，仲要記性差會重覆十幾慌死人唔知咁
樓主你依家最緊要放鬆心情，男家野就叫老公去搞
好多老人家係咁，如果講事實都算，有啲會「看圖作文」、「加鹽加醋」、「歪曲事實」
對老爺奶奶千祈唔好講咁多嘢，唔好俾咁多資訊佢哋，佢哋唔知就由佢
多謝大家嘅分享同鼓勵吖
圍下爐個人都開心番好多! 
唉… 最弊我老公都係分享型… 即使而家bb咁唔樂觀嘅情況佢仍然好想我多d同佢阿媽講我地嘅情況(雖然佢同意最終講幾多由我決定)
佢仲話佢阿媽已比平時講少左好多, 算係克制喇喎 我而家都終於明白呢個係性格一部分, 係幾乎改唔到㗎啦
我會盡量咩都唔再講
有樣嘢好搞笑嘅唔記得提 - 我奶奶到而家都唔覺得自己口疏. 佢覺得 (1)自己無正式同d親戚講我有左而係佢地自己估到 - 但當你同人講我又暈又嘔完全唔聞得油同食物味同每個星期都要去覆診時你覺得人地會唔會估到呢?? (2)係就係同左街市賣菜嗰個講但你都唔識佢你又唔會去買菜所以唔算
我99都係咁，明明爆左出去又唔認。叫佢改不如乜重要嘢都唔同佢講，佢始終係不受控因素。
1個讚
老人家開心係咁, 所以所有重要嘢都唔會同佢講 
樓主而家好好安胎, BB 一定會痴實你~ 
1個讚
陀咗四個月先同6299講 
如果唔係都見肚我真係想生咗先講
經一事，蔡一智。唔想人知，就唔好同口疏人講秘密，一定要揀信得過嘅人去傾訴。
如果我有野唔想人知，我唔會同我阿媽講，因為佢係一個大喇叭
1個讚
如果唔係今次情況特殊 (老公唔想經歷完有咗到無咗佢地都唔知)，真係死都唔會講
如果再有下次機會，有無特殊情況我都唔會俾老公講俾佢知
有種信任破壞左一次就番唔到轉頭
當時你無同佢地唔好講出去，佢地會覺得唔係私隱，何況對於兩老，有孫係開心事，想多D人知係正常事
有講吖
“並叮囑唔好同其他親戚朋友講”