仔仔4個幾月，要開始諗加固…
有同事好推薦用BLW方法取代傳統食糊仔方法去加固
想問下有無人試過？成效如何同埋有無咩好處唔好處？或者有無咩要注意架？
係咪就咁俾食物佢食 例如菜心、粟米仔咁？
唔該哂！
不如開group傾啦！我個仔都4個幾月，都好快要加固啦～有冇4月5月既媽媽啊？
如果係新手建議買本書睇下. 始終係一個唔同嘅方法, 事前先了解bb 身體結構, 唔同階段發展, 咩食物適合, 咩形狀, 點樣切, 大小, 質地等等.
呢本幾好, 開頭係解釋, 然後有食譜, 簡單易明. 跟一排你掌握左都唔需要跟啲食譜
另外如果有老人家幫手照顧, 佢地又點睇? 有啲家庭可能唔係問題, 爸爸媽媽可以話事, 但有啲可能係老人家係主要照顧者, 佢未必同意呢套, 又或者覺得污糟麻煩多好多功夫
講起污糟, 要有心理準備頭幾個月會好污糟
但bb 會慢慢進步的. BLW 一齊食飯, 將食飯變成家庭生活一部分, 你睇住佢慢慢做到唔同嘅野, 好大樂趣
我bb 而家15個月, 6個月開始BLW
2個讚
開谷嘅話預埋我啊
到
小朋友當年無食過糊，加固直接行BLW（真BLW）
總結係先難後易，初初要好有耐性，小朋友學識後就超級方便
小朋友依家已經幼稚園
PS行BLW前要做好功課，唔可以求其食，好多食物係高危類，bb細個時唔食得，食物嘅營養成分要了解清楚
BTW我覺得一歲前bb食嘢唔使食譜，因為蒸多（最多煎下），乜調味都唔使落
2個讚
多謝你分享呀！ 想問下係唔係行BLW即係要一齊食飯？怕我地遲放工，佢等唔到咁夜
我同事都係咁講，你個陣係上網搵資料定買書？
BLW 本身概念係bb 係飯臺一份子, 唔會分開食, 所以唔存在”佢食先, 餵左佢先”
如果你怕夜收工, 咁就一定要同照顧者有共識, 佢地都一定係BLW. 尤其初頭, BLW 就BLW, 餵就餵, 一定要100% consistent, 如果唔係bb 會混亂, 亦都有可能唔識分幾時係直接吞, 幾時要自己咬, 容易哽親
2個讚
100% 同意. 煮粥仔其實好花時間… 又淨係佢食, 食唔完又浪費
其實我都無咩點跟過食譜, 我地食咩佢食咩, 咩都試 (我苦瓜都比
) 最初佢嗰份唔落調味
1個讚
網上資料，但外國網站
利申，我嘅小朋友係傳統加固方法，依家大咗，識正常使用餐具食野。
當年加固前有研究過BLW, 結果無採用，因為：
日頭主要係工人照顧，比較難教工人去行BLW
健康院教傳統加固，我相信佢有數據證明傳統方法係行得通
坊間成日話外國好興BLW, 但我問過好多有BB 嘅外國人朋友、同事，都無人聽過呢樣野
我和老公特登搵科研Paper研究，有paper 比較傳統加固和BLW, 無證據顯示兩者有明顯分別。
7個讚
如果夜收，成家人都8點食飯，但佢7點已經扭計食野… 咁應該點算好
係咪小朋友自己食先，定係佢同照顧者一齊食左先
多謝你分享呀，我仲心大心細梗用咩方法好，同埋未真係好了解BLW，所以想知多少少先決定～ 你既資料好有用，等我同屋企人再商量一下
同照顧者一齊食先
我小朋友為例, 佢7點訓覺, 所以6點食飯, 但爸爸無咁早, 所以一係我 (我產後長期WFH), 一係姐姐陪佢一齊早食
一齊食有好處係bb 大多數中意模仿, 你食佢都食好開心
1個讚
我都想可以咁做
但如果無人可以陪佢早食，咁好似唯有用番傳統方法…
你屋企情況係? 講多少少
我識一個媽媽太推崇blw，不停評擊傳統餵食唔好，見到朋友唔行blw就追問點解。但我眼見佢blw得黎餐餐都係食個啲，反而傳統餵食既個位朋友俾粥俾得好多元化，大人望到都想食
利申：我覺得blw定傳統都係餵食方法一種姐，無分邊個好唔好，唔洗咁上心
2個讚
係呀, 各有各好, 睇自己情況啦
我其實一開始有餵過, 不過我仔係唔中意唔比人餵 
所以只係做左一星期, 然後我就research BLW
餵同BLW 中間停左所有固體3星期, reset
我仔而家差不多四個月大，我都好積極睇緊關於BLW d Facebook group/書/ig
我自己全力湊個仔，所以都會做埋煮果部份，好期待加固
一DD小朋友, 見過有BB一開始自己用手拿起食, 到依加差唔多5歲都仲係慣左用手。
因為覺得一開始用手無問題, 後尾慣左, 用餐具嚴麻煩。
1個讚