肺炎下結婚本身已經好大壓力，爸爸媽媽又唔生性，由3月開始嗌交、冷戰到依家。本身我諗住咩儀式都唔做只係行教堂算數，但媽媽要我book酒店出門又話養到個囡咁大要斟茶比佢。咁我就book酒店，又同男家嗰邊講我哋要做d儀式，咁個個都準備好晒，無啦啦結婚前2個星期，媽媽話唔會去酒店飲茶唔想同爸爸一齊，有佢無我咁，叫我取消晒所有野。男家嗰邊會繼續儀式，但我嗰邊一個人都冇，真係好難堪。
有冇兄弟姊妹幫到你？哥哥家姐受到敬茶呀
先冷處理又得唔得？
冇，得細佬。細佬咩都唔理 
有無姨媽舅父嗰d幫手氹下媽咪？
好難冷處理，得返個零星期，要同好多人夾 
其實我哋好少親戚，又唔friend
呢個時候先發脾氣，真係好麻煩。你本身有無兄弟姐妹團、接新娘嗰d？照去囉，其實男女家朝早儀式分開，佢哋都係之後行禮先碰面。你預早同攝影師/mua講，佢哋好有經驗，識得安排嘅。
根據自己同身邊朋友經驗，四大長老嘅脾氣係仔女結婚後就會消失，但當有孫抱就會再嚟過⋯
1個讚
免費請我地去食番餐再幫你撑場
我覺得遲啲你媽咪又會想飲茶 宜有兩手拿準備
如有細心姊妹宜派一個結婚嗰日全日幫你媽咪 (因為佢似乎係有D要求嘅人)
你要幸福啊!
記得要多謝姊妹與男家嘅體諒
2個讚
由聯婚變娶親囉，我塲SHOW一個外家親人都無，証婚由夫家包辦。
你媽咪好大機會Last min 會話要去的，準備定一個姐妹跟住佢。
3個讚
可唔可以問吓點解鬧交，鬧到居然個女結婚咁大件事都唔肯一齊出席
積積埋埋好多年，觸發點係肺炎個段時間開始爸爸年紀大無野做，媽媽覺得佢好無用，唔配做男人 
哇呢啲唔係一時半刻搞得掂
講番你結婚個度先 最好就梗係軟硬兼施咁tum你媽咪 （最好係軟喇）
話個女一世人只嫁一次 幾唔想都唔好以後後悔
講到你都好想好想斟茶比佢哋兩個飲
就叫佢忍一日喇 一日之後佢想點就點喇…
2個讚
氹下媽咪（知你依家條氣可能好唔順，但忍住先）
話自己大個女，嫁到好老公，好想結婚當日同老公誠心誠意斟杯茶俾媽媽表達謝意，七情上面加啲感情咁啦
有無幫媽媽book定化妝？又或者你會著褂出門的話，可以book多套媽媽褂俾佢見識證你出門一刻………
祝新婚愉快，做個靚靚幸福新娘
2個讚
樓主, 媽咪唔出席, 咁爸爸會唔會嚟先? 明白你心情, 但都要令自己放鬆, 開開心心出嫁, 迎接新嘅幸福生活, 你依家要好好調節心情, 就當父母細路係外國返唔到嚟囉… … 好似以上D JM 講, 有兩手準備, 話清楚情況俾攝影師, 兄弟姐妹知… 所有rundown按如常…到時阿媽真係唔嚟, 就skip咗呢part… 既然改變唔到現狀, 就改變一下心境同想法… 令自己好過一D… 祝新婚快樂…
1個讚
可唔可以同媽咪好認真咁講：一生人一次，好想妳會係度。會照擺，希望妳答應出現。
結婚係你2個人既事
有佢冇佢都其實都一樣
最緊要你幸福你開心
唔好諗為邊個或者其他人點睇啦～～
恭喜你～～
祝白頭到老
可唔可以約你未來老公同你媽一齊食個飯。叫佢同你媽講好想你媽一齊飲茶。
我自己覺得媽媽真係有機會會最後1刻心軟的。
結婚好多野攪雖然有啲煩。但果日係一個開心回憶。等你好消息。
個人意見炸 唔好打面
伯母無體諒你 你臨結婚前個幾星期先黎玩小姐脾氣話唔黎？ 當初又係你話要岀門既，佢唔想對住你爸，唔對都對左咁耐，偏偏個女喜事忍多一日半日都唔得？ 咁佢又有幾重視個女大喜日子先？有時啲野互相體諒下唔得既？通常呢啲所謂儀式又係長輩要求，就埋你又呢樣個樓
通常去到last mins伯母又下左啖氣話黎嫁啦，你結婚你話事啦，學上面話齋最好叫個姊妹傍住伯母，如果真係玩到咁大唔黎，你都控制唔到，一係你問心，如果你都唔想搞想取消，就講定取消左一定唔會補，有啲野錯過左就係錯過左，但做女結婚，實想呀媽係到既，哄左先，唔得就硬功
新婚快樂，開開心心啦~ 我都下個月結
3個讚