三日都未有初乳,點算?

BB仲喺醫院唔喺身邊 :cry:
已經第三日啦,淨係覺得少少脹
有某啲地方有啲啲硬
係咁捽都無嘢出
出埋電泵都無用

炒米茶已經當水飲

仲有無啲好方法可以介紹下?

阿女要留醫打針我已經好心痛
好想為佢做啲嘢⋯⋯

先感謝大家嘅任何意見 :bowing_woman:t2::bowing_woman:t2::bowing_woman:t2:

2個讚

唔識,但為你打打氣,加油媽媽同BB​:muscle:t2:

1個讚

有冇摙住個乳頭試吓?

BB唔喺身邊又真係爭啲,而家你都點都要試吓定期刺激個乳頭,等個身體以為係BB喺度啜緊,加油

1個讚

放鬆心情:orange_heart:唔好太緊張!想當年我都係第五日先有奶,抱B比佢啜下最能夠刺激造奶,BB唔係身邊唯有多啲下睇相諗吓佢個樣!加油:muscle:t2:唔使急於一時,通左就長餵長有!

1個讚

呢個時勢有無得搵健康院姑娘? 佢地好PRO.

1個讚

阿B未出院
出咗先有得約

除咗炒米茶之外,再飲多啲上奶湯水 節瓜章魚 眉豆 湯, 如果冇傷口就木瓜煲魚:muscle::muscle::muscle:

1個讚

之前係醫院啲姑娘話未出奶之前唔好用電泵住,好似話好易傷定唔知點。
:see_no_evil:好似未有奶之前都唔好咁快飲啲上奶湯水,因為好易會塞定唔知點。
以上唔好意思,我唔太記得啲姑娘講過啲乜啦。
你有冇學點樣手擠奶啊?按摩多啲同埋試多啲手擠奶,放鬆心情,唔洗咁心急,初期未有奶住咪補奶粉囉。唔需要太在意一定要飲人奶先係好

1個讚

下身會陰傷口算唔算?聽醫生講係個好細嘅傷口

有呀,一直都擠緊
但陪月話我唔係好脹,懷疑我無奶 :confounded::confounded::confounded:

有奶冇奶唔係咁早下定論嘅,我記得我初初開始有奶果時係會feel到成個胸谷到實曬好似石頭咁,又硬又脹又痛,之後就冇再谷過,一路都淋之之都餵到阿b有vv有pp

1個讚

因為我原本驚你係剖腹產飲魚湯個傷口會有肉芽, 如果你順產嘅話其實唔怕,飲多啲魚湯會幫助修復個傷口:muscle::muscle:
睇下醫院問下姑娘可唔可以有個電泵畀你泵奶呀, 盡量keep住刺激個乳頭等佢個身體做多啲奶

1個讚

多飲暖水,用熱毛巾敷下乳房先、然後按摩下再試手擠奶(唔識可以上網搵片學),擠通乳腺:blush:
起初因為初乳較黏同少,唔易擠,多擠會俾身體知道「需要造多d 奶」,多擠多飲水多食飯,爭取時間休息,我當年唔係擠奶就係食飯訓覺(bb 唔係身邊),當擠通乳腺會好好多,加油:wink:

1個讚

未上奶,同埋乳腺未通
千祈唔好飲谷奶野住,因為乳腺未通但又谷奶,好容易石頭胸乳腺炎
醫院有母乳姑娘的,叫佢地教你按摩方法同學手擠奶,按鬆左乳腺先(會有少少痛,但按鬆左出到奶就唔再痛)

2個讚

我一開頭都係咁
如果可以埋身就盡量埋身
唔可以既就泵 但係唔好咁大力 一陣可能泵傷
同埋唔好即刻飲上奶湯 我驚你乳腺未通 一陣上奶 你會谷到發炎呀:pleading_face: 我個陣以為自己唔夠奶,結果一飲上奶湯,就塞到癲左:woman_facepalming:t2:
飲多啲炒米茶,好好休息,唔好迫自己…
我個陣都係大概5-7日先出奶~而家個仔4個月喇,肥肥白白,你都要加油呀!:muscle:t2:

1個讚

多謝大家!我會繼續努力!:muscle:t2::muscle:t2::muscle:t2:

除咗多飲水份之外,足夠嘅睡眠都好緊要,就算瞓一陣都好,瞓完我都會谷奶多啲

上左奶先好用泵,唔係會傷。飲炒米茶,魚湯。試用手擠,用hot pack/水樽裝熱水熱敷完先試擠,手勢唔岩都好難出。如果bb唔係身邊,除左定時自己擠,如果老公唔介意,叫佢幫幫手啜:see_no_evil:

1個讚

一定唔會無奶啦,生完仔一定有,係未上奶/塞左啫。我個胸仲平過我老公都餵到全人奶,不過我果陣都第6日先有第一滴奶,仲痛到要搵姑娘教我按鬆個胸先出到奶。試下定時定候(每2~3個鐘)自己按下個胸,試下自己用手擠奶,唔好咁快用泵住。

1個讚

飲通草,藥材舖有售,我果時又係三日都未上奶,一飲就通咗。

通咗乳再飲魚湯,d奶會ba ba聲咁上。

2個讚