As shown in title…
幼稚園寄左資料黎話，可以集體打免費季節性流感疫苗啦……
作爲一個正常有公民意識既家長當然一定會打，但係宜家甘既形勢……
有無家長知道宜家政府提供既流感疫苗係咪仲係外國勢力貨啊？
會唔會已經偷偷雞轉左鬼囯貨？
冇人知，如果想打，又驚，不如自費出面打，起碼知道咩廠出，另外我估都要帶口罩一段時間，流感唔會咁易中啦
我照比小朋友打針, 打針時我陪埋, 醫生會比枝針我地睇左先打, 所以我都放心~
又岩，同埋口罩哩點又真係真 
一般係咪可以臨門一脚話：嘩，鬼囯貨我唔打啦！係咪可以架？
年頭中過一次流感
嗰陣啱啱爆武肺，驚到賴屎
唔好再諗住病就睇醫生
診所咁污糟，可免則免
大人比百幾蚊都打
真係無諗過公民意識呢樣野
我做醫療嘅，曾幾何時我年年打，但知得越多，就唔會再打
更何況… 呢大半年都無人流感，佢地估嗰幾隻strain 更加無根據，打嚟做咩？
1個讚
你係醫護就更加要打，流感針根本很安全
我地幼稚園係由附近診所打的, 我都有睇開, 診所都由幫其他人打, 所以其實我係信診所~
咁幼稚園又無講係咪診所打窩…到時真係要問下
安全？ 但無效，點解要打？
邊個話冇效
一，估3隻strain 放入疫苗，但全地球過去半年都無乜流感，好大機會北半球入冬後都無乜流感，世衛估乜都無意義
二，以往都試過估唔中
三，成本效益問題，响超低流感同幾乎無可能估中情況下，效益低，而潛在風險不減
你如果想睇睇以往無效嘅流感疫苗資料，相信pubmed 會搵到相關文獻
唔係嚇你，南半球試過流感針要回收，而流感針係現今西藥當中唯一唔駛有足夠臨床數據就賣得嘅野
3個讚
仲話係醫護士，今時今日流感疫苗非常安全，而世衞每年決定生產那種混合疫苗也一定準則，即使可能某地區或某些人受感染的流感並非世衞揀的那幾種，但受感染時有打點都好過冇打，或多或少有一定保護作用。
即使那年完全沒有感染流感，打流感疫苗也可作為身體免疫系統作練習，有如未有仗打時的練兵。
1個讚
你知唔知點解唔晒每次出流感針都要再做臨床測試啊，唔明點解？返去續多啲書先啦
我撐你, 某人d口脗唔知點解好似數字人
1個讚
同學仔都試過打完都中、真係唔好彩
打唔打個人選擇啦、又唔係規定既、我地都係針咭叫果d打哂咋
我無話係護士，我話做醫療
你太迷信西醫藥喇，就係我讀過疫苗，我先了解疫苗，明白佢地研發所遇到嘅問題
科學係講求數據，唔係迷信
sorry… 我諗起話共產黨講乜都啱，支持嘅人
方便講下大概知左D咩開始唔打?
我？當我發現有流感針打完出事，被回收，然後見到好多case 各種疫苗都有人出事，但因為打前簽咗免責，所以無乜noise
然後master 讀vaccine 時，國際疫苗會議minutes 寫：我地唔會响會議當中討論副作用，以免anti-vaxx 大做文章 (即係大家心照係有副作用啦~)
任何野都無絕對，一次英國clinical trial 死咗人，都唔係全部死 (好出名嘅case，因子風暴引起)，所以世上無絕對安全嘅疫苗，打唔打，自己平衡，但今季連利都睇唔見…
7個讚