想呻下！
細個我父母不斷教育我做人要有衣食，有得食唔好嫌棄更加唔好浪費，食飯扶住碗或捧住，而且要食得乾乾淨淨唔可以有飯粒。
相反，我奶奶同佢講左好多次食唔晒Ｄ飯唔好煮咁多，佢就照舊，食唔晒唔會留返，仲要成一碗半飯掉左佢。湯就永遠都一定煲完成大煲，渣就一定係過半有多，晚晚都飲剩起碼2碗以上，跟住唔使諗啦！又係倒晒佢掉晒佢。
我心好唔舒服，食物點解要咁樣浪費？好怕我仔大個既時候見到咁樣就有樣學樣 
4個讚
咁就係你仔面前講「要食晒啲食物，唔好浪費」
假若啊仔問「點解嫲嫲咁倒哂食物？」
「人哋浪費我哋阻止唔到，唯有做好自己」
咁講會唔會家變
7個讚
唔止家變，佢實講俾佢啲女聽，3個女你一句佢一句都造死你
始終都係逼佢控制煮食既份量，咁樣真係好陰公。
其實之後想俾仔仔跟我媽果邊，除左多學校揀，佢都可以訓我間房。
2個讚
改變唔到就唯有疏遠！
學壞左有排都教唔好
沒有得改變， 已經習慣幾十年， 成日覺得煮多好過煮少（包括飯餸湯）剩係覺得大/多/厚⋯⋯就係好（性格問題
）留起放雪櫃，翌日先掉
， 所以你都不要哂氣，免傷和氣
細個好窮，有d人會好似報復式浪費
提議出街食
1個讚
我細個屋企人教唔浪費食物係幫自己積福
無論樓主係咪同奶奶一齊住
呢啲都係由老公出聲比較好
出街亂叫都一樣架
我都唔鐘意嘥嘢，有時食剩啲餸唔多但汁多我都會留起第二日午餐煮麵煮食。
但我老公同樓主99差不多，食剩幾多就倒，唔過夜。
同我啊媽一樣啊 我一個人食都可以煮一大鍋麵(夠3-4個人食) 依家我已經放棄Mode
岩呀! 趁佢仲細俾佢習慣下我媽果邊生活，我老公都ok！始終佢都明佢阿媽單係體力上未必可以照顧到仔仔
去食啲貴嘢，包唔會亂叫
佢真係咁架 
佢連買日用品乜都要多架！e.g. 一次買3支以上洗衣液，最誇係新年果陣一次過買左6 packs 3支裝油
我連帶飯都盡量帶走，可惜都食唔晒。
1個讚
大家99 可能是姊妹
無人講得聽，亦不會聽
積福係真架! btw而家大左諗返起都幾有食神，好多時朋友呀同事都會請我食好野
我老公自動波忍唔住話佢，有次奶奶話：做咩咁惡喎？下次咪唔煮咁多囉
咁下次又會收歛少少，但係調味料上 
佢唔鍾意出街食架！話又貴自己煮仲好食 
所以最後打包帶飯
留汁煮麵煮食先正呀！入晒味
我覺得男人呢個情況係比較多，因為唔想煩