先講少少背景：
單親家庭長大，細細個我媽就已經叫我第時大個要養佢
中四開始年年暑假都做暑期工，因為要俾家用，到咗後尾讀大學都同樣係自給自足，有時補習細路考完試停工就要捱麵包。
出嚟做嘢第一份工得一萬頭但當時我媽都堅持要收6000家用。
我媽一直都唔中意我老公覺得佢搶咗個女，然後成日提出不合理要求，例如結婚個時話要一百萬禮金（當年夠買一層樓嫁），但拎完當生少個女，同埋表明唔參加婚禮，又打去鬧我老公窮
最後老公無俾到禮金，我哋去咗外國旅行結婚，由拍拖到而家同老公都12年，依然好甜蜜，外家當正我係親生女。
有時家庭聚會講起我細個係點長大，都會覺得好羨慕我老公，而奶奶有時聽到我細個啲嘢都會表示同情，只係人大咗開始有啲覺得遺憾自己媽媽反而一直當自己搖錢樹
Off topic, 外家應該就係娘家
只能講句無緣，有啲人生仔係為養兒防老
無錯，我媽就係防老心態。其實以前好好地每年我都會帶佢去下旅行
但係自從當年佢知我拍拖要結婚，就開始每個星期打俾我老公提出不合理要求關係就疏遠
Hug
「世上只有媽媽好」係童話，唔係必然
你媽咪係咪古代既思想 覺得生女賠錢 嫁出去時就要補返晒之前養落既成本 跟住就好似賣左你咁
不過你有個好既婆家都好難得架 仲當你親生女咁
佢係好傳統認為仔女一定要養佢，佢覺得我細個唔係有佢供書教學，就唔會有咁嘅成就，所以佢要分一杯
哇，咁chur嘅，仲要騷擾您老公，好彩您老公同男家錫您
係呀，我覺得好彩當年老公無就範，如果唔係佢打去鬧埋奶奶真係嚇死人
其實我媽都係咁
成世人嘅focus喺我哋身上（因為單親）
所以嬲晒所有女婿，點都係唔好
最好大家全部住晒一齊「愛。回家」咁
但實在佢個人又真係「愛回家」唔起，由細都係鬧大嗌交大⋯⋯
媽媽冇得揀，
但你好識揀，揀到好男家。
生命上半部完咗，過咗去了。
下半部你要好好為自己活得開心。
呢啲關係，其實大家保持一定距離都好，起碼比佢知道唔可以太話份，您又無咁難受。家用比夠佢日常生活使用就算，通常呢啲性格嘅人只會愈來愈多要求，對佢好，佢又期望您做更多，無底深潭⋯⋯
我諗起當年有個同事，日望夜望亞女幾時畢業，計住亞女將會搵幾多錢，佢就預算收一萬家用，之後就即刻quit 左份工
咁上天都對你不薄，同原生家庭緣薄，但有個好老公同99
樓主係咪獨女，所以所有希望係哂你度？
My wife
唔駛遺憾，性格決定命運，
因為你嘅樂觀正面，你嘅經歷成長，造就今日嘅你，得到今日嘅幸福 
咁聽落你媽真係好似我媽，乜都鬧一餐
你都講得好啱，有時啲嘢真係無得強求
不過諗返轉頭都可能因為有對比之下，我就特別珍惜同奶奶關係
唔係啊，我有個哥哥，覺得佢見到我當年嘅痛苦都唔敢結婚。不過佢可能都其實私底下結咗婚，因為佢都唔係同我媽住。
多謝你