我係自己住既
媽咪同外婆（佢阿媽都80幾）一齊住
然後我爺爺麻麻80幾歲同我二叔果d一齊住
自從疫情而黎我都好小心 因為覺得兩邊d老人家都高危 盡量唔想佢地有交集 萬一有乜野事上黎我都容易照顧d 或者至少可以幫到（如果一家人成日一齊見面 怕有乜事要入隔離營全部要一齊入 萬一有d乜野必需品想交入營都無人幫手）
但係佢地長期都想gathering 我媽咪果邊d阿姨已經係長期gathering出街食飯或者係屋企一班人食飯 無斷過
爺爺麻麻果邊由於有二叔佢地一家人 都係會成日好多接觸者
叫左我媽咪依段時間少見佢地 佢地亦住好遠 一個將軍澳 一個屯門 但偏偏佢一禮拜六日就話要入去探佢地 話自己有洗手 有消毒 但問題唔係度 我係想減低如果真係有事 要被隔離既人數或者受影響既人數
我真係好嬲 嬲到唔想講野 自己辛辛苦苦日日係屋企 唔出去 個個就係度話要gathering要探人係屋企好悶唔可以唔出去 仲要係自己屋企人
佢地成日都話自己人無事既 我聽到真係好嬲
有無諗過如果咁樣一有事 講緊係差唔多成20個緊密接觸者 因為兩邊家人都太多
明白你，但你都要放鬆啲，唔好咁緊，我哋屋企每日都外出返工，工人姐姐都有時放假外出。我哋都只係做足預防措施，消毒手、晞口罩、返屋企即沖涼洗頭換衫。因為嬲都冇用。
畀插鼻video佢哋睇。
講唔聽都冇辦法，由佢囉，嬲都冇用。
控制唔到，我奶奶都有打牌，佢話戴口罩喎，咁我唔過去啦
me2日日講到口水乾又口臭都冇用
我屋企人都係！話4個人無事既 激死
一係就話幾個人無事 一係食飯gathering就話自己人無事既
好在佢地依樣又識啊 話咁恐佈點都唔去做 
唔想做就要保持社交距離。
佢哋得把口冇用。
我覺得去人地屋企，高危過酒樓，因為人地屋企平時一定冇口罩，如果佢地有人中，隨時成間屋有病毒
但中招就…
我仲成日搵隔離營d食物相嚇佢地 話因間你打牌d腳有邊個中左你就比人困14日 真係唔荒唔無啖好食又悶死你 結果前排case多終於少左dd出街 話無人敢打牌 依幾日又黎過 又gathering過 
直情係啦 之前仲夠膽死屋企有人裝修 師傅唔戴罩唔話都算喇 自己都唔戴 日日提心吊膽啊我
佢地會手痕架
君子不立危牆之下，佢地真係…
話口罩辛苦，咁係辛苦架，到時插喉仲辛苦
有啲人真係要去到果刻先識後悔架，
勸黎都無用，留返啖氣好過
話佢知而家尤其老果d中咗太嚴重無藥可救
醫生會問家屬搶唔搶救
都時見佢哋甘辛苦係唔會搶救
佢哋自己諗下
佢地唔聽話， 唯有你唔好見佢地， 謝絕探訪。 衰啲果句， 有人中左你都可以接濟佢地。
對住呢類人， 慳番啖氣。
我有些同事都係，告訴我個個星期都有飯局 
我咪就係咁諗囉 諗住兩邊人至少分開唔好見（兩邊老人家都七老八十啦）有起事上黎都唔洗全家KO 都多個人接濟 一齊中晒真係瀨晒野 但係佢地淨係識話我有洗手戴口罩唔怕。。。。。。。。而家唯有我兩邊都唔見唔食飯 