小朋友而家約1歲多啲
其實由tg出現，我同先生都習慣出完街/放完工即沖涼先掂bb
到有疫情，更加係一定沖完涼先同bb玩
bb越來越大，平日姐姐湊已唔敢由姐姐帶落街
所以只有周末先會帶小朋友去街，每次帶完嘅沖涼次序
- 先生
- 小朋友
- 我
咁我先生沖涼時我只能抱住小朋友唔俾佢喺屋走來走去摸野
問個蠢問題
想問你地如果帶完小朋友出街係會點清潔?
係咪都會好似我地咁?
會即沖涼定抹下手腳算呢？
因小朋友越來越大，抱佢都掙扎
想集思廣益有無更好嘅方法
先生沖時你同小朋友可以喺樓下行下先?
我哋出完街唔會立即沖涼。
通常每日傍晚沖，我就食完飯洗完碗再睇下電視先沖，我覺得唔需要太在意一定要沖完涼先可以喺屋內走動。
當然返到屋企一定會洗手。
我都面臨呢個情況
我女去轉街就會好攰，行都行唔到
我甚至試過同阿女一齊沖
一片混亂XD
咁你地會唔會換返屋企衫先?
如果三個一齊出三街要排隊沖涼呢個情況下
最先沖涼係小朋友-老公-我
因為大人可以控制到淨係坐喺某一張凳到其他乜都唔掂（當然入屋係洗晒手啦）
等全部人沖曬涼後
用消毒紙巾淨係抹張凳就得喇
1個讚
我哋返屋企入屋時會用lysol噴衫褲、稀釋漂白水噴鞋（鞋要屋外除），然後會即刻洗手腳洗面同換衫。
依家慣左早沖涼，沖完唔出街。
唔會
最基本清潔下對手先，然後唔俾出街衫上床（呢個習慣一直都係）
如果遇到小朋友太眼訓支持唔到沖完涼先訓，都會同佢換套乾淨衫褲先。大人都係，可以沖涼就沖，唔可以的話換套衫褲先。
1個讚
我會同小朋友回家冲涼先，未冲涼唔會入廳及周圍摸！
老公在樓下商場行一陣，我們冲完whatapp 叫佢回家冲，已經實行左由一月到而家
D衫亦都立即洗
1個讚
我個仔17個月大,帶完佢出街,返屋企先同佢洗手,之後放highchair,等老公沖完涼,就同BB沖。之後消毒highchair~
7月中無帶過小朋友出街
大人出街後會換衫洗手
一家洗手
我沖涼，老公抱住bb
BB換屋企衫
老公沖涼
我餵bb食固
食完bb沖涼
一定俾細沖先，佢地點同你坐定
只會平日先出街咋，所以得我同小朋友，呢家天氣好熱，出完街即刻洗頭沖涼。
如果一家出街，返到屋企，我老公會同小朋友先沖涼，我自己最後沖涼。
1個讚
一家出完街會我同小朋友先上樓沖涼，老公去超市補貨。佢入屋我同小朋友已經沖完，就抹野入櫃。
（或者去超市執完一車野，c6排隊埋單）
2個讚
我同老公都係一出完街會立即沖涼
入屋前會先除哂外面件衫同褲，入洗衣籃（住村屋，有樓梯位）
入屋時先沖涼果個，立即飛奔入去沖涼
遲沖果個先用消毒濕紙巾抹一抹手手腳腳頭髮，唔會坐低或掂屋企其他物品，企係度等沖涼
沖哂涼，就一身鬆哂
2個讚
呢個都係好辦法喎 多謝提供
我先生話如果佢要抹手腳面，不如沖埋個涼仲快…
原來都有家庭係咁
我地都堅持到而家
但真係有抗疫疲勞
所以想問下有無同路人
咁我地都繼續