(On.cc)「歌神」陳奕迅（Eason）的女兒陳康堤已長得亭亭玉立，為保護女兒，不讓她活在公眾目光下，Eason與太太徐濠縈近年都甚少公開提及她。
昨日有讀者爆料，指康堤今年要留班，據知，現年15歲的她就讀九龍一間女校，今年9月理應升讀中五，若留級即要重讀中四，而Eason對女兒被爆料一事僅以短訊回覆：「冇回應！」
1個讚
女拔是吧，咁隱晦
1個讚
佢肯定送個女出國㗎啦
唔係話去美國咩
冇所謂啦、留又好、唔讀又好
呢世都唔洗休啦
2個讚
怪獸+藍+公務員阿爺，肯定本身打算去英國，上年hea 讀啦
我就唔信佢會留喺香港考DSE
3個讚
佢老豆讀書都係咁既料啦!嗰陣又係讀唔掂先出國!有咁既 DNA 遺傳係常識啩!要唔要驗下?一定係,除非唔係佢個女! 
我印象中佢哋兩公婆都係名校生，個男嘅係聖若瑟，個女嘅唔記得囉。讀讀書都唔會太差掛
名校都有包尾架!係佢自己講讀唔掂,轉左間飛仔學校讀!你聽返佢d 訪問,佢自己爆既!寫梗寫名校啦!出嚟撈要光環嘛 
嗰個年代公務員有津貼去英國讀書，佢都好幸福，細細個去英國寄宿，香港讀唔讀到書都冇所謂，去英國幾年返嚟都流利英語
3個讚
唔一定，讀名校可以係好彩入到，尤其聖若瑟係津校有得抽獎，一路 12 年讀得上係另一回事，唔洗靠錢入大學（即係唔夠高分所以讀 foundation/international year 1/野雞大學之類）又另一回事。據網上資料，佢係政府津貼去英國讀中學大學，但大學讀 Kingston U 建築學。咁根據網上分享，英國 AL攞 D、E 都入到…不過我諗如果係考得好，除非有特別原因，應該會報啲知名度高又襯得起自己成績嘅大學。
佢老婆係小白菜出身，但網上冇寫佢入行之前有冇讀大學之類，亦冇講佢考試成績。
佢算係好彩，唱歌都唔錯仲贏埋比賽，可以簽約做歌手搵錢搵到依家唔洗再讀書。
（補充：睇到前幾個月報導，寫話佢女女唔洗補習都可以考到唔洗擔心嘅名次…）
2個讚
公道啲講，佢唱歌係有天份嘅，我都好鍾意聽佢唱歌有感情
佢成世都幾好運
對佢嚟講唔係錢問題,係有無讀書料,係資質問題,佢仲賴佢老豆幫佢揀晒名校唔派唔中!如果叻既,叩門都入啦!仲要聖約瑟不留有直升唔少位啦
St Jo 唔算多直升位。
但 30 年前，肯讀下書，家境 OK 可以請到補習同跟功課，要考返入中學部都唔難。
睇佢平時嘅談吐，都知佢係個醒目仔。咁細個讀書唔好，可能係唔鍾意成日死鋤書。唔代表唔叻嘅
2個讚
好似佢阿哥都係英國寄宿，咁有前車可鑑可以去外國寄宿，我都唔使話咁勤力留喺香港讀中學
可能外國嘅月光特別圓，你俾我揀聖若瑟中學畢業十香港大學畢業。
定係10歲多啲就去外國寄宿，英國普通大學畢業。
可能我會覺得去英國個exposure 仲好啲，尤其佢唔係打工，做娛樂圈，有一口英式英語幾吸引
1個讚
叻既話,可以考住第一照出國讀!關 hea 唔 hea 咩事?好多人好 hea 讀書都好叻!又唔可以話因為 hea 讀得差,搵藉口啫!只可以話佢讀書本身無天份加上懶囉! 
佢唱歌有天份又係另一回事啦! 
你睇徐濠縈個樣都知佢好要面啦，個女唔係名列前茅，就吹捧個女唔使補習都考得OK
我記得以前個女細個嘅報道，又話去搵神級playgroup學中文，又寶山幼稚園， N咁多樣野，我發現一個好老土嘅道理，讀書都係要靠自己，要努力,路遙知馬力
2個讚
你講得啱!佢老母都唔係咩讀書勁料,全家都係靠陳生個名係樂壇先響噹噹! 
1個讚
不過講到尾，屋企家境咁好，讀唔讀到書都冇所謂啦，何況你肯捐錢，一定有好嘅大學