隔離鋪講緊，我感同身受
話說我奶奶份人都幾好，對我冇乜嘢，少少煩但唔一齊住，可以的
不過佢成日好想我哋出席好多佢娘家嘅家庭聚會
有個阿姨成日請食飯，我唔鍾意嗰家人，一早講咗唔去，我老公就冇講比佢媽知(佢係豬油膏+逃避type)，到最後兩日奶奶知我哋唔去就哦我哋，我一嘢表明我講咗比老公知我嗰日唔得，但佢冇講
奶奶知係佢寶貝仔事，即刻唔哦我，最後當然係老公自己去
我每次奶奶想煩我我都踢個波比佢寶貝仔，佢吹我唔漲。我嗰位唔踢唔郁嘅老公，當然食幾次C 之後以後有乜事自己衝出出嚟承擔責任啦
大家分享下？
7個讚
你奶奶算明白事理
因為有d奶奶會怪你點解要你老公傳話，自己唔講
呢個行為姓賴到同依家個政府一樣
6個讚
好在老公企您果邊，但隔離鋪似乎唔係，以一敵男家，自然難搞d
2個讚
係呀佢份人算好好，所以我都孝順佢
但佢想要求啲咩時我絕對唔比自己上身，有乜就佢寶貝仔講同埋回應
我老公以前成日闊佬懶理，想啲女人決定晒，唔好煩佢。佢唔使旨意，我同佢鬥軟皮蛇，佢唔夠我嚟
女人智取最重要
當年搞結婚時已有啲端倪，佢hea，以為我會搞晒，點知佢預著我唔好彩，佢唔參與丫嘛，我就連註冊、book 酒樓，試衫都唔理，佢問我以為我做好晒，我答佢我乜都未做，我大佢話咪著便服擺酒囉。佢即刻驚，係咁問人又上網 check ，最後佢係一腳踢做好晒
9個讚
我想喺嗰邊答但唔好意思搶樓主個鋪，所以開新場
2個讚
一切取決在老公。
老公企自己到，好多事情都順心。
揀老公，錫老婆要比孝順位置高。
10個讚
老公企自己嗰邊，完勝！
就算奶奶幾野蠻都好，唔使見唔使聽到佢把聲都奈你唔何。
但唔係人人老公都企老婆嗰邊。
2個讚
佢唔係次次企我嗰邊㗎，佢都想我讓步㗎，佢想乜都唔理，但一來奶奶都冇話好 chur，二來我每次極速將個責任射去佢度咋
如果我奶奶係咁，我會話我阿媽問我嘢我老公都要我處理，所以奶奶你問我我要老公答囉
1個讚
野蠻奶奶一句：咁點同呢
一知道係陀仔就每日洗自己腦：要做個通氣奶奶，否則仔都無埋
3個讚
如果唔計男家，淨係講老公既話，我通常係慢慢落藥。例如未黎香港之前，我話想返到香港一齊住，但佢想同朋友住。跟住果一年我每隔一段時間就睇下D香港租盤，有意無意比佢睇下話好似幾靚喎，都唔算好貴，如果個間隔係咁我會點decorate間屋，聖誕可以煮聖誕餐招呼佢班FD，得閒可以叫佢D FD上黎打機睇波，Bla bla bla。每次陰D陰D講少少，等佢慢慢消化下，幫佢build dream。最後成功一齊住。唔單止呢樣野，其他要花時間考慮既野我都唔會一次迫得佢好勁，因為一定反效果。
1個讚
首先我答呢句時我會 make sure 佢個仔在場，叫佢個仔答
如果係text 我會覆：一樣。
如果係獨處我會問：有咩唔同？以前老婆唔使做而家我都要做嘢，奶奶你生個仔，我阿媽都生個女，奶奶你唔係重男輕女呀嘛
Yes…我6299就係呢類人，所以我退左家庭group
完全唔會答問任何野，等老公搞
Good…等我記低佢下次咁答先
老公角度，太太有陵角，奶奶有陵角，老公都有陵角
兩個女人過招時，老公就要變到軟林林，企係兩個女人中間擋曬d陵角，令佢地順利溝通，有咩一言不合就要攬曬上身，開頭真係要坐係廁板上靜靜，都未講d妹妹姐姐
有次朋友講起佢都有咁嘅感覺，真係好感動，原來I am not a 窿
當然我知兩個女人都已經盡左力避免夾死小弟
1個讚
我覺得你咁樣其實係硬碰 
其實係半硬碰，因為我唔認為乜都要奶奶大晒。嗰個係佢阿媽又唔係我阿媽，憑乜要我硬食而男人可以置身事外？
如果我老公娶咗我但乜都幫住佢阿媽，咁我先要佢試下我阿媽有幾厲害
而且呢啲男人唔要都唔使可惜
1個讚
我都好想請教下！
如果老公成日話佢阿媽煮野好食
我煮野難食 咁可以點
(以前都會負責煮晚餐俾媽咪爹哋食，媽咪都會話好食的，應該正常未至於難食吧)
只可以話我落少鹽少油係冇咁好食(佢媽咪炒個菜都落好多油!!)
佢仲成日嫌我煮唔夠4餸一湯
話佢媽晚晚都整咁多
(Oh pls! 我要返full time而他媽是ftm!)
買外賣加餸、叫佢請工人或者鐘點，再唔係佢自己煮。
你要返工唔係煮食婆，你老公心態有問題，要調節一下
1個讚