當時我地有去婚姻輔導，輔導員建議一樣一樣黎，先處理好婚姻，再諗下一步。我同意的，今日唔知聽日事，眼見好多人都係"意外"地自自然然地生左，我以為我都會係。我以為過左30歲個人會好似襟左掣咁突然想生，但暫事未有奇蹟發生。
唉… 我都唔知可以點，有咩辦法可以交換 :…(
將來你可能會好開心你自己咁後生就生咗, 因為個小朋友大個咗你都仲好年輕, 只要你地心智成熟就無問題, 加油! 痛嘅野, 人人接受能力都唔同, 唔好睇人地喇 
1個讚
好欣賞你o既果斷！你點面對對老公個份…呀咁講好似唔係好o岩… 內疚/虧欠o既感覺呢？
結婚前最要有共識，當然時勢令人有改變也合理。我識的不少couple 冇小朋友，生活條件、感情，各樣都好
1個讚
我咁講可能嚇親你︰我好認真諗，又同佢傾過，我分分鐘係嗰種生完唔理細路然後成日出去玩既人(唔係搵第二個)。一係就我嫌老公教得唔好湊得唔好對佢唔順眼影響夫妻感情
我係好衰，但最後我認為生咗有七成機會會離婚(唔同原因)，但呢刻我好愛我老公，老公都好愛我，我唔想博，寧願要婚姻。
當然決定之後我對我老公好咗好多(本身都幾好既)，改咗啲衰格嘢，暫時婚姻相當幸福，我就肯定老咗住老人院都唔會後悔
4個讚
其實我都係咁o既人，為逃避生仔責任，我轉左一份要經常去外地o既工作，換左一架單座位o既車，夜晚就話要暖車借D e 出街。你想像到咁o既情況兩年，大家心情會係點
我唔敢幫你下決定，不過坦白講，呢啲時勢生唔生已經唔係錢既問題，係社會環境問題，要考慮
就咁睇知你係好唔想生
4個讚
對！ 唔想佢出嚟要受苦、明明做緊正確嘅事都要俾人打 /死 
2個讚
唔會㗎，生咗就鍾意㗎喇，我有個朋友都係咁，我老公更加由唔想生，之後生咗兩個，超鍾意
1個讚
同意呀 
真係唔得又同老公傾唔掂數嘅可以搵啲婚姻諮詢
有冇了解過老公點解突然「反口」？我身邊有唔少年輕夫婦都寧願養隻貓
1個讚
我33歲生，其實有d後悔咁遲，有得揀會寧願早少少。早生有好有壞，我妹同你一樣24歲生第一個，依家大仔讀中一，可以照顧埋細佬，佢就半甩身，得閒可以跑下步做下facial, 得閒過我。
2個讚
講左唔生, 又突然好想生…冇得咁架WO
1個讚
其實我一開始同你一樣好唔鐘意細路，加上我由細比我媽洗腦唔好生小朋友，所以拖到高0先妥協。但生左我先明乜嘢係母愛，我依家只有後悔太遲生冇好嘅體力去陪佢跑陪佢跳。生仔係我人生做過最好嘅決定。
2個讚
如果係我，我都會生，既然老公咁想要，我唔會逆佢意。而且好多人冇生老左後悔，你係咪肯定你將來唔會後悔？
有仔襯嫩生，高齡產婦高風險，生完又冇精力湊。如果有得比我揀，廿幾歲生就最好。
1個讚
我就係過來人~~我真係以為女人生咗BB就會有與生俱來嘅母愛！但係原來有啲野係無就無架啦！真係逼唔黎！因為意外有咗小朋友，陀咗10個月都感受唔到做媽媽嘅偉大！以為生咗見到佢就會愛佢，但係其實都無！單純就係一份責任囉！所以真係要諗清楚呀！真係唔想就唔好逼好自己！真係唔會生咗之後突然改變睇法同諗法
10個讚
我有個朋友以前好恨生bb
結左婚一段時間就開始唔想生bb
但佢老公突然好恨要bb
考慮咗一段時間
就決定生啦
始終大家都唔細
但條件係
生一個就要生第二個
點知生咗之後佢老公三分鐘熱度
根本唔願意/唔主動 照顧/陪個小朋友
都有少數時間會陪/照顧小朋友嘅
心情好嘅時間囉, 呢排冇得去街就日瞓夜瞓
攪到我朋友成日要自己睇住個細路
煮吓野食去個廁所啫
個細路又要痴住 好困身
佢都覺得伏咗
點敢諗生第二個細路
所以都要睇吓你老公本質係點
6個讚
生左人生就180度轉變，諗清諗楚
1個讚
識有人又係婚前講明唔鍾意小朋友，唔生。過左30幾，突然話要生個B，真係好突然…（可能已到高齡產婦）
1個讚
我掉轉，我好想生但老公唔想所以我決定放棄想法，因為我好希望自己仔女係爸爸媽媽同樣愛錫有美好的童年。
1個讚