結婚前聲明唔生仔，結婚兩年，矛盾浮現，點搞
5個讚
甘結婚前講好左
如果你本身吾想生
除非你隔離個係神隊友
我勸你吾好生 吾係你會怨一世
22個讚
結婚前你老公係咪同意唔生？點解突然又想生？
1個讚
女人生仔始終有保質期，
就好似結婚咁，
好多事業女姓都唔想
30歲前結婚拍拖，
有少少唔順利就輕易放棄戀情。
有部分人真係好鍾意單身，
但唔擔保其實當中真係有啲人會後悔。
如果丈夫真係好想，
咪重新考慮下，
當最後一次考慮囉。
3個讚
要理性地商量下。始終你唔鐘意小朋友，夾硬生出黎可能會影響小朋友成長同心理，唔係真係生完可以唔理
5個讚
其實人係唔同階段有唔同喜好同需求，我有朋友年輕時話明唔想生仔，後尾做埋ivf都係為左生bb，其實你都可以慢慢理解下你先生的想法，一係你改變，一係你先生改變
4個讚
多謝大家意見。我好羨慕一d與生俱來就好想結婚生仔嘅女性，會少好多煩惱。十幾廿歲時，已經好懶拍拖，到適婚年齡，就自自然然地同拍左好多年嘅伴侶結婚。唔知係好彩定唔好彩，伴侶好清晰係要結婚生仔。我心理上唔想，但無勇氣面對外界壓力，呢個完全係我責任。結婚衰左無所謂，但生仔會累左個小朋友，所以真係要俾d掙扎。
6個讚
我覺得妳都有少少動搖，不如你接觸多少少小朋友再決定都未遲
3個讚
咁你要好小心處理，如果搵唔到個平衡點令雙方都覺得可以接受既話，日後會有更多問題。
聽過朋友d朋友既故事，又係雙方後生果陣明明有共識唔生小朋友，後來結婚耐左唔知點解男人可能改變左諗法，開始有裂痕，有次嘈交爆左句:你都無幫我生BB!,個老婆呆左，先發現佢老公開始介意佢無生小朋友，果陣年紀都開始大，先爆哩d問題出黎，好彩都仲生得出，後來真係生左。
你知啦，男人到90歲仲可以生小朋友，女人就唔係咁講喇，40已經好忟水。
你地坐低好好傾下啦，唔好等過晒生育年紀到時咩都無得傾架喇。
4個讚
唉……結婚前講乜都得，氹左你上轎先
但其實我只係唔鍾意細路，未絕情到可以唔理佢感受。你見到一個男人恨生仔恨到發曬癲，次次人地講湊小朋友嘅野就灰到喊出黎個樣，我都會反省係咪我錯呢？係咪我唔成熟呢？係咪我唔珍惜一個“好爸爸”呢？我係咪會搞到人絕子絕孫呢？
接觸下先，身邊有無朋友有小朋友？
我有個朋友由細到大都唔鐘意小朋友，之後意外有左，佢發覺佢只係唔鐘意人地D小朋友，自己個小朋友佢係勁愛
5個讚
我家姐個女性朋友都係同老公講好唔想生，因為唔鍾意小朋友
但結婚幾年後，就算做左安全措施都中左，生左個女
佢一開始都幾唔開心，但而家當佢公主咁錫
其實就好似ｄ長輩咁，話唔俾養狗，點知養左之後又變到勁鍚隻狗
有時ｄ野話唔埋既，不過如果你真係好反感就算啦
11個讚
我都係唔鐘意人地既細路，但可以好鐘意自己既細路。
5個讚
我身邊所有有小朋友嘅朋友都俾我問到煩 我唔知"怕後悔"係咪一個充分嘅理由去生。d媽媽朋友覺得我諗多左，大部分都話生左就自然中意。到呢一刻，我完全感受唔到1%嘅可能性。媽媽朋友會製造機會俾我接觸小朋友，我出於禮貌一定會好好同佢地相處，但心底真係覺得好嘈好煩。我先生就真係好enjoy同佢地baby talk, 我笑笑口，心底裡淨係覺得屌好撚低B走得未。
其實我個人唔係咁黑心，我照顧好多流浪貓狗，但唔知點解細路呢瓣我fit in唔到
4個讚
咁要睇下你係咪愛佢愛到願意為佢犧牲自己既生活喇
我岩岩2月生左個女，坦白講我自己唔係好有愛心既人，又中意私人空間又中意自由，生完真係覺得自己同過去既風流快活講拜拜，唔好講私人時間，湊女泵埋奶覺都唔夠訓（已經係有工人姐姐但我都覺得喘不過氣）。簡直係開始有抑鬱，但自己生既點都唔會嫌棄，只係我想講真係辛苦同真係要犧牲囉。
6個讚
其實我地講就緊係輕鬆啦，叫你生啦，試下啦，你會鐘意架…但係最後要負起責任嘅始終係你地兩夫妻，要克服或妥協都係你兩夫妻是但一個
不過我係贊成生，一個屋企有多個人會熱鬧好多，家嘅感覺會更強烈，兩公婆雖然會鬧交多左，但同時共同話題亦會多左，當然你私人時間亦會相對少左啦，值唔值得，就要你自己決定喇
5個讚
如果你吾係好抗拒既
可以試下身邊朋友啲小朋友代湊幾日
等你同你老公都有個體驗湊小朋友感覺
我本身都吾鐘意小朋友 無奈對方長輩要求
而決定懷孕前我亦同我老公講明矩一定要幫
頭一個月初生時餵夜奶(凌晨2點同5點)
洗奶樽 洗揼奶parts 幾乎我老公包辦哂
到我囝而家2歲幾
我老公放工返黎會幫囝沖涼同幫囝食晚餐
有時訓前陪讀都會幫手
仲要幫我頂住長輩啲無理要求
所以話 神隊友先係最緊要
9個讚
早生早享受冇自由的生活
利申：無左自由三年，但好開心
2個讚
你佩服佩服，恭喜恭喜! 係咩原因驅使你做呢個決定呢？你點面對呢？
你先生係先天神，or 由你一手訓練出黎?