最近老公日日都睇有關移民英國嘅資訊，老爺更加時不時都叫我老公好諗下移民嘅野。可能大家都見到香港變左唔再係以前我地熟悉嘅香港，再加上依家多左個BB，點都想俾更好嘅野佢。
但係，BB今年先出世，移民英國又要成家一齊移。講真，我英文唔好，又要湊住阿囝，老公根本（或者啦）冇能力可以過到去就搵到工，仲要可以養得起成頭家。
其實就咁樣講都覺得冇可能，但係見到一日比一日更陌生嘅香港，實在唔敢想像將來如果繼續留係度，囝囝會被教育成一個點樣嘅人。
可以先搵左工，有人請先再過去
本身有冇積蓄? 香港有冇物業可以套現? 英國樓價低過香港好多，有香港物業喺手，真係可以套現換到2~3個英國物業(當然唔係倫敦啲咁貴的地區)。我有朋友真係賣左香港層樓，再喺英國買返兩間，一間自住，一間收租。唔洗交租，唔驚零收入，又唔洗急住搵工。
1個讚
英國買屋收租得幾百鎊，遇上個麻煩客你就煩，買咗屋又要比啲錢執下，要好有鬆動錢先好諗呢個計劃
我果日上網搵盤，兩房單位佢要求無小朋友，無學生無寵物
潔癖到咁
呢啲好基本野，仲有啲係唔比係屋內食煙，要求有穩定工作。。。
英國好多租盤都要求冇小朋友，驚整烏糟啲牆身/地氈/傢俬，又驚小朋友太嘈會俾人投訴。我自己早兩年租屋都問左十幾個盤，最後得一間肯租俾我。
寵物就驚有虱，有味，九成業主都唔租俾有寵物。
1個讚
客源少好多架喎
淨得大人住咪一樣整爛嘢整污糟
有啲過份喎
睇個盤本身喺邊啦，近車站/ 舖頭果啲根本唔驚租唔出。我住緊appartment，成棟building得我一家有小朋友，其他都係打工仔/退休人士，個地產都好surprise呢個業主肯租俾我
咁我自己都覺得有小朋友係難控制啲嘅，日日唔係倒瀉呢樣，就畫花果樣，可能我果啲仲細啦。我而家都預左將來退租可能要賠多一筆清潔費
好誇張下喎，咁有小朋友咪麻煩
冇
62可能一心諗住叫我地過到去然後投靠親戚，係親戚屋企住咁。但我老公覺得冇乜可能，始終講緊唔係一個人，兩個大人就話姐，依家多埋個小朋友真係難左啲
我地又冇留意到哩樣野⋯⋯⋯
長住親戚屋企又真係難啲，相見好同住難，我都係過來人，靠自己最好
積蓄唔多，可以喺香港遙距搵工，試下水溫先
所以好多local有小朋友都會買樓。如果唔介意住偏啲(一定要揸車先出到街)，其實會易搵啲。我要就小朋友返學，間學校近town centre，所以先無乜選擇。
1個讚
有無得分享下經驗呀？睇緊要幾多錢出發先穩陣D
呢個初步階段，疫情後可以先去下英國旅行，感受下先。
你又學下英文先，將來唔知幾時會用。我推介呢個podcast，學英文兼講下英國文化，睇下岩唔岩自己。萬一唔去，學左英文都實有用。
你老公就學多門英國用到既手藝先。你又結交下D去左英國既朋友，打通定渠道。
上面既野一搞就兩三年，小朋友讀小學前兩年，係移民比較好既時機，你地再決定去唔去啦。
1個讚