你唔係呢種家庭大，你唔會明。
我宜家都孝順父母，只係因為老公叫我咁做，唔係發自內心嘅。
關係唔係一朝一夕可以建立，所以點解我咁緊張我同仔嘅關係是否親密
7個讚
天下絕對有不是的父母
你都識講關係係雙向, 親子關係加深定破壞, 父母都有一定責任
家家有本難念的經
6個讚
無錯, 所以都唔係你主動就有機…not 2way 
諗起有個小學同學…
廿幾歲生左個女, 個女3歲倒, 同個女既爸爸分手仲唔要個女, 咩人都有。
佢係唔想個女阻住佢下半生。
我明白呀，我亞媽老豆都係呢啲好superficial ,無乜感情交流既人。
唔同既係我亞媽仲係充滿批判性、細個同佢分享，佢只會批評我，玻璃心既我只會慢慢收埋自己。
好記得一年級時，我分享同學送左個小文具比自己，亞媽第一句「得」咪黎，「你係咪偷返黎架？」，個一刻我喊住離開廚房，心底同自己發誓「以後有咩都唔會話比媽咪知」。
我地成家人都無乜交流，我對上仲有兩個亞哥，我地屋企都唔會交流同講野，係街遇到都當陌生人。老豆當然都無理我，全屋惟一同亞媽有交流，可惜佢只會批評我，我地幾兄妹性格都好孤僻，但我媽當然唔認為係自己做成，只為責備我地性格怪。
入大學，住宿舍離開家庭簡直係重生之日，我係大個左有對比，先知原生家庭有問題，可惜後來搬返屋企令我患上抑鬱。我因為成長背景，對人好唔信任好被動，近30歲先夠膽拍拖（之前有人追但從未成功拍過拖），好彩依家另一半好成熟，比左非常多既愛我令我感覺舒服，我先變得堅強，好似重生咁。
11個讚
對！自己嘅定位好影響小朋友點對自己，小朋友嘅態度大部分都係父母自己做成。
1個讚
點會有媽咪咁樣話自己個女架 
原生家庭真係好影響一個人。恭喜你重生！
1個讚
尋晚食食下飯，見到舊薑，突然諗起細個阿媽會鬧「拍薑咁拍你」，其實個畫面都幾恐怖 
我仔剛上小學，雖然教佢好勞氣，但我真係未試過用咁粗魯嘅說話鬧佢。
宜家嘅小朋友真係幸福得多 
1個讚
係、有啲人覺煩、有啲人覺關心
所以真係自己舒服就算
1個讚
係，我阿媽都係，咩都係人地錯。
1個讚
睇完你呢篇以為係自己寫…
我媽都成日話我性格怪, 唔同佢分享, 唔同人地個女點點點好
點同佢分享? 每次講多少少就俾佢勁負面咁回應 (佢覺得係教緊你做人)
我試過分享我唔鐘意食工人姐姐煮既野, 最後都係我錯我奄尖搞到佢唔知點滿足我 (我完全冇怪責邊個, 口味係好主觀既野)
到我出黎做野, 覺得政府工唔適合自己辭職
表面話俾好大自由度但就日日愁眉苦臉 情緒勒索
都仲未講到而家政見係兩個極端既問題…
3個讚
有同感，我媽都係咁
試過有排好忙，個人真係堅攰，日日都已經講好多嘢
難得有一個weekend返去陪佢食飯
佢發我爛渣話「乜宜家你無嘢同我講架喇？」
講埋話我有幾攰就話我搵藉口，係我特登返去激佢嘅
嬲嬲地我走鬼左 
1個讚
同感，講親乜都負面回應，仲分享就我自己犯賤啦。
見到人哋個女嗲阿媽，佢問點解我唔嗲佢
咪玩啦，幾十年來都冇嗲過，我點知嗲完有乜後果
2個讚
我同屋企關係唔好，同你一樣人際關係亦好麻麻，特別係同性
[quote=“Happiese, post:33, topic:30250”]
講親乜都負面回應，仲分享就我自己犯賤啦。
[/quote
同我阿媽一樣，我都係想搵個人呻下，點知呻完仲俾佢話返我唔岩，早抖啦。
係呀，好鐘意講人地個女乜乜乜，人地個女日日都打俾個阿媽，人地個女每個月俾幾多幾多家用。
同佢講左十幾廿萬次個個人性格唔一樣，係唔係我要好似個弱智既咁樣樣野都問過你先識做決定先係好呢?
1個讚
上一代真係咁、呻就係俾機會佢鬧多次咁、可能係咁、我都唔識點分享自己、收埋自己解決。
因為你驚有報應