性生活問題,養貓couple請進

我諗我冇post錯區
因為唔係一個淨係關於寵物嘅問題

我同男朋友係新手貓奴
最近領養左隻貓
貓貓入屋已經有好多嘢要適應又休息得好少
終於搵到機會可以同男朋友愛愛
但貓貓係門出面叫會令男朋友分心
放貓入房一齊瞓係佢面前做又覺得好怪

到底養貓嘅couple係點做架?
仲要養好多好多隻比貓貓一齊瞓
到底係啲couple為左照顧貓而選擇唔做?
定真係enjoy係寵物前做?
定唔放佢入黎,做完先放佢入黎?

因為最近一兩日先比貓貓入左房
諗緊係咪唔應該再比佢入黎一齊瞓
但已經開左個頭
又唔比佢夜晚入房我驚貓貓會抑鬱

我知道養貓係對佢一生承諾
但如果因為養貓而放棄性生活
我覺得好痴線

1個讚

係咪你地做緊個時你隻貓要開飯或要剷屎?

個時我養貓無呢個問題喎,房門照打開,隻貓都懶理我地…

不過就算貓貓唔入黎喵,其實你地做緊過程一定有聲貓貓都會知…

真係唔會,唔好咁傻

咩都係講習慣,習慣左佢有佢訓,你唔習慣的話就趕佢出房一陣,之後開返門俾佢入黎,唔洗咁大壓力

適應一定就無問題, 解決方法隨心 :face_with_hand_over_mouth:貓貓也隨心

我地無呢個問題咼,我個2隻會系我房訓:rofl:
佢地一系岀廳,一系當我地無到照訓

Sorry 我睇到個topic本身笑左:joy:
入到黎就明白你既難處
講真隻貓唔係7/24要入你地房既
就算我都有試過佢響房都唔理:see_no_evil: 佢又唔係小朋友又唔洗同佢解釋番既
站在動物既立場 其實係天性 即係好似要食野飲水一樣
所以你講果句「但如果因為養貓而放棄性生活」,唔單止你,我都覺得好痴線:joy::joy::joy:

3個讚

我養左貓咁多年都無呢個問題喎!! 畀佢哋習慣下個模式就OK 啦, 又會唔會貓貓岩岩入屋, 想要安全感先想入房?? 下次想做之前, 就抱啲貓貓出去, 佢叫多幾聲就唔叫嫁啦… 你男友聽到貓叫會分心咪播下歌囉…做完再開返門畀貓貓入房一齊瞓, 自自然然就會習慣~

1個讚

其實你唔好覺得隻貓好似人咁就得

你以為佢想成日痴你,其實唔係,佢都好需要私人空間

sex 亦唔需要擔心,佢唔係人,佢唔會明你哋做乜,通常會走開,因為你哋可能嘈住佢 :joy:

閂門都得,佢抓幾下習慣咗冇得入就唔會咁堅持要入,因為貓冇乜耐性

放心!

PS: 貓奴年齡十幾年,專業湊貓員,冇咩貓未見過。一去旅行冇貓陪瞓會唔舒服

1個讚

養狗couple表示面對同樣問題
可以考慮xx時唔俾佢地入房住

1個讚

No problem just do it

餵包隻貓先愛愛

其實寵物知唔知主人做緊乜?

剛養貓真係超攰。。。

我D貓係鍾意開頭企喺隔離睇,個樣好好奇,好似喺小朋友面前搞咁 :see_no_evil:
一上床就會喺我地中間瞓,真係唔會有做嘅mood
唯有日頭或佢地喺其他位置瞓緊時搞 :joy:

做之前開罐罐比佢地食先?

阿貓唔會第一個上床瞓,通常都係我地瞓著先捐入來

由得佢係出面叫
入面播啲催情音樂囉
(我地都冇比貓入房)

我都係房門照打開,
而我隻貓可能見慣不慣(養左14年)
當佢知道我地預備玩床戰,
佢就好醒目自己行出房。
然後我老公就關房門,
完事後,我地一打開房門,
就見到佢好型咁:sunglasses:(成個智者咁)
坐喺梳化邊望住我地,
好似等緊我地完事咁:face_with_raised_eyebrow:
然後佢就自己行番入房再瞓過:rofl:

而初初養嗰陣時,佢會照瞓覺,
唔多理我地