疫情在家學習期間你哋覺得細路學習上係進步左定退步左?
我講先…我仔係疫情期間因為有老公旁住（監住），
上ZOOM陪住，功課壓力細左，即時知道佢有咩唔明，可以盡快解決，暑假期間我自己再安排功課同補習俾佢，响多方面都見到有明顯進步。
我心裡面希望在家學習可以再長啲時間。。。但另一方面又想佢返學睇下實力係咪真係有提升。(我仔之前係中下游，上堂發夢果啲）
你哋呢？
1個讚
矛盾、仔女唔自律、你係隔離捉住就比平日要返學好既、可以集中處理佢唔識既、唔駛應付學校d野、但要家長超有耐心同時間、所以都係…
我都有啲內疚
我仔學校做得好足，中英數日日有教學短片有功課，常識一星期有兩條片加功課，其他閒科一樣有片有功課（一星期一次），中英數常一星期都各有一堂ＺＯＯＭ，其實學既嘢無少過。。。
但係1:1 幾時都好過1:25…
但我仔有啲同學其實不斷欠交功課(家長唔理/理唔到)…有啲本身排名較前的都退哂步
1個讚
小一，每日都要做功課同默生字，
自己就覺得進步左，但一有比較就唔知
我果個升小四，都覺得進步左，不過同你一樣諗法…復課又比較咁會點…
香港教育唔認同自己進步係進步，排名有前進先係進步，好可悲。
有進步嘅，除非計埋不進則退，只係慢快。
學業進度就視乎學校安排，有啲學校係可以繼續，甚至因為上堂時間珍貴而縮短，會專注啲，家長亦可以聽住輔導。但有啲停濟不前冇乜 zoom 堂，進步就慢啲，如果自己再唔做野嘅話就一定退步。但有啲又因為冇乜上堂時間同功課，自己有自己嘅學習進度同方向，嗰方面又進步。
我覺得自己教，小朋友進步咗，可能因為一對一的關係。
學術進步左好多，因為覺得佢冇嘢做，我第一次買練習比阿女，要佢日日中英數做一個練習。本來係想KEEP住佢規律生活，但做做下依家已做到小二英文同一年級下學期數學(阿女升小一)。
讀書讀多左，未疫症前都鐘意睇書，疫情期間冇課外活動、冇得成日出街、冇晒小朋友聚會，阿女響屋企「瘋狂睇書」，因為我晚晚都會同佢睇一陣書先瞓，所以好清楚佢進度。依家已可睇中英文chapter book, 最近開始自己寫故事。
但係，有利就必有弊，阿女體能係差左，有時會去公園同爸爸跑步，依家跑一陣就話攰唔願跑。我WFH之後開始每星期起碼兩日帶佢落平台公園走動，希望可以操返好體能。
另外就係生活規律，一開始果時竟然瞓到十二點先起身…夜晚又夜一夜都唔瞓，試過一點都唔肯瞓。亦都係因為咁我先買作業要佢每朝十二點前做好晒。依家都仲係要八點幾九點先起身，下星期開始上堂都唔知點算…
人際關係…為左比佢見多D同類，我同幾個媽媽Keep住每隔一排就比佢地同朋友仔zoom，so far未見到問題。
1個讚
升小二生 
同樣覺得進步左
無曬啲無謂野 唔洗日日追功課
更加專心 同埋有精神去學習
1個讚
我覺得有好有唔好,好嘅就多了好多時間靈活運用,唔好嘅少了一些在學校社交關係,若是中學更少了一些實驗性的教學,始終中學係步向更專業知識門檻,少了這些實驗性的教學總係有點不太好.