結婚十幾年，3年前發生咗啲事令我對佢冇猜疑，佢話改/又話無做對唔住我嘅事。拖拖吓2兩個半月前大家頂唔順大爆發，佢話大家一開始性格唔夾、又話結婚後自己嘅家庭應該是2-3人口，但經常見到外母好有壓力（根本佢唔鍾意我媽）。
話大家要冷靜吓，咁就搬咗去細妹屋企到現在2個半月，屋企只有我和個囡，現在佢每星期六會返來一次食埋晚飯就走。其間間唔中WhatsApp 吓。
我同囡兩個都習慣佢不在家的生活…
其實佢仲會唔會返來屋企呢？或是會分開？
掉低你同個女喺屋企已經係不負責任嘅行為
子女唔係大家嘅咩
你期望佢搬返嚟想和好？
還是想了結左件事去
2個讚
都係現實啲先，財政如何，先可以諗下一步
不如你襯佢下次回家，問清楚，問佢想繼續過呢d生活，一星期一次回家食飯，定係想一家人再係埋一齊生活？
當然佢未必會即時覆你，但拖係解決唔到問題。
但係可能樓主一問就嘈大鑊
個女喺面前又唔想俾佢見到咁嘅情景
會唔會訊息問會比較好？大家都可以深思熟慮之後先回覆
頭一個月經常喊，唔想頭家散，十幾年唔係短時間，但近個幾月自我感覺輕鬆、自在，又諗自己可以照顧自己。
但畢竟怕影響個囡心理成長，始終在健康家庭成長最好。
1個讚
財政是獨立，佢供樓，不過層樓兩個都有名，暫時仍仍有俾家用（跟之前一樣），其他囡開支佢照舊俾
好好嘅第一步
咁你期望佢返嚟和好or 攤牌？
其實有時未必係佢主導件事想點
1個讚
我自己都唔清晰方向，想佢返…當然完整家庭係最好，仍想跟他走到盡頭，話晒十幾年婚姻唔係短
但又怕返來後好難面對，有點陌生感覺，大家心裏都有條刺
其實…都唔知佢心裏諗乜…
將心比己, 如果要你成日見到個唔鍾意既99, 你都頂唔住。
有冇可能同呀媽唔好一齊住?
1個讚
由始至終無一齊住，我媽在我家幫手湊囡由bb到現在，十幾年。我媽媽晚飯後便回自己家，我老公話為咗避開我媽，每晚在晚飯先回來，基本上他們好少碰面
咁其實你老公算忍左好耐、女都大有冇可能叫婆婆唔駛黎咁密呢？掉轉要我瞓覺外就對住99都會頂唔順 
我覺得呢兩公婆嘈、有外人（雙方父母都算啦）會難d和好
三年前單嘢你放低左未
如果想維持返應該兩個坐低傾、佢走左就愈行愈遠了
同你有D似，老公因工作關系兩年前搬左出去住，後來生左細仔，佢將工作不順怪在仔身上。從他爆發那天，已沒回家7個月，就算同我whatsapp都只用文字，仲要隔一、兩日先有個whatsapp黎。
我都怕他越走越遠，日子久就唔返來，我同佢WhatsApp 都係點到即止，有時隔幾個鐘先覆、有時已讀不回，好乞人憎
依家婆婆只會來三天幫眼睇吓個囡，之前都是過節至會一齊食飯。而我對佢男家都是過節先見面，大家盡量少見為妙。
淨係食飯又唔係一齊住
我覺得無問題喎…咁大影響到老公搬走？？
如果冇第三者出現，會返來
樓主話老公唔想見外母先夜返嘛
外母成日嚟？
係咪好難頂？
我都唔like成日有屋企人嚟屋企既
唔好問點解
我自己都唔知點解
我都只想屋企得自己一家人
不過你老公問題係个都唔响到
不如坦承D
冷靜傾下係想分開定係仲有機會一齊番
想分開咪爽爽快快
無謂影響大家日後生活
咪照一星期一兩日嚟食下飯陪下小朋友
如果想一齊既咪傾下咩問題
叫外母一個月只嚟2日
其他時間你自己過你媽到探望咪得
1個讚