傾移民，老公懶懶閒，唔做research，未有共識係英國定澳洲。。。同老公好難坐低平心靜氣咁傾，一傾就鬧交收場，大家著眼點唔同，我好緊張啲細路生活同讀書，佢覺得細路自己都一定要捱架啦，我覺得做多啲research 行少啲冤枉路。
有冇人同樣慘況，呻下。。。
1個讚
呢句好惡頂，俾我會駁咀：
根本唔是講緊捱唔捱，是講緊生活喺自由世界定獨裁世界，咁大個人唔得搞錯重點
5個讚
佢以為去到外國就唔洗捱？
我覺得要揀個合適小朋友讀書成長嘅地方（英國or 澳洲，仲要揀省份），佢覺得小朋友跟住我地去到邊就生活到邊，如果我地落腳點生存唔到，隔几年小朋友又要跟住我地又移去第二個省份地區。。。大佬小朋友咁唔安定點成長。。。所以先叫大家做好research坐低傾，佢唔贊成，仲起晒剛咁，呢個關乎成家生存生活，大事黎架
1個讚
Feel到你的著急，但有時男人好似有個殼罩住咁，要殺到埋身先知死
2個讚
等佢個mood好D先講。一係比個時間佢，早幾日同佢講話不如星期五晚大家一齊睇下。或者你自己睇住先，跟住試下佢水溫比個電腦佢睇下，話呢到好似幾好喎咁，慢慢搵位入。試下唔好一野就話不如我地而家坐低傾，通常無好結果。
1個讚
如果你老公懶懶閒，不如由你research資料及比較，自己揀定後同你老公講去邊度，唔一定要由2人慢慢睇資料。
1個讚
雖然我好有主見，但老公更加係，我地有認真傾過，方向有好大分歧，但諗深一層我會覺得同邊個一齊生活，重要過去邊到生活。見好多post都夫妻一個走一個留，唔知佢哋係想long D定離婚呢？我預左反正去到邊都係辛苦，已經對人生冇乜希望，見步行步。
我地兩公婆係香港都係專業人士，但去到外國應該都係一齊做最低級嘅工作⋯⋯有冇得做都成問題，衣加係走難，邊有咁多得諗。
Btw，我哋嘅方向係先諗大人後諗小朋友，如果必要時二選一，我哋一定會諗大人先。大人自己都生存唔到，點照顧個細？
4個讚
我禽晚都傾到好煩，阿哥仔(我老公)佢嫌自己英文唔好唔想去英國，我話台灣可以，但佢又唔肯搞申請
我已經講明我唔會搞，台灣係佢想去咪佢搞，我肯去已經讓步，但佢一定唔會做到繁複嘅申請
所以我幾肯定如果最後走一定係英國
我已經好平心靜氣傾，最後都炆炆地
男人就係咁 永遠都要急埋佢嗰份
有d嘢佢哋明知一定要做都硬係要拖拖拖拖拖到最後嗰0.5秒先去郁
“小朋友條路係自己挨” 呢句真係好多 C6 講。
小朋友係要自己行路，但如果條路係 touchwood 陰司路、崛頭路，係咪都由佢年少無知咁行？父母責任唔係應該幫小朋友提供最適合最安全嘅路行咩？如果有條路係唔需要挨，舒服都可以去到同一終點，咁做乜要挨冤枉路？
既然佢唔肯踏出第一步，你唯一做多啲資料收集，好似啲投標公司咁，做曬全盤計劃先俾佢過目揀。不過會唔會其實係佢冇安全感，唔敢去行？你小朋友都可以落下嘴頭， tum 下爸爸，等疫情過去就飛過去行兩轉。啲男人唔到眼前，唔會覺得存在。要冇實在感而咁快跳出 comfort zone，唔係個個男人得。
4個讚
大家有冇共同朋友?可以吹下水移民~
或者同佢朋友d老婆傾下講下,咁d老婆就會同自己老公傾
咁佢地班麻甩佬就會都傾下架喇
宜家佢地班友仲上心過我地
我想問下你同你老公 搵咁高人工 都肯走？？？？？你地未有小朋友，會唔會考慮小朋友讀完小學先走？？？
我老公打自己工，6位數字，唔肯放棄香港呢邊既生意
我就隨時走得（搵好低人工，去外國無分別）好煩惱，我地30歲，未有小朋友
Worst case 係我地離婚然後我係外國湊小朋友 
1個讚
咁唔傾又點知第一站去邊…就算佢的論點話小朋友係跟住大人是正確的, 但總要做RESEARCH 找到第一個地方落腳, 咁其實佢即係覺得應該去邊?
無共識就唔好移民, 唔係個個都一定要移民架嘛
一家人一齊, 重要過移民
2個讚
咪就係囉，exactly
贊同無共識就唔好移，一個走一個留同離婚有咩分別
我同老婆都無諗過移民，大家香港長大有感情，而對自己個b，教育係自己睇住，唔係教育焗腸想洗腦就洗到
3個讚
男人怕麻煩怕用腦， 最好按排哂，出＄出力邀請埋佢⋯⋯
2個讚
其實你未有小朋友就唔應該連離婚都唔介意，結婚係一世嘅承諾，你唔係為小朋友而結婚
未有移民共識更加唔好生住
1個讚
我哋有共識移民(都係呢兩三個月嘅事)，佢根本知道英國係最快途徑，又想台灣又唔肯搞手續，handle 唔到複雜程序，所以我先由得佢
我已經好好，如果佢真係去台灣我都 ok，只係我唔會主力幫佢搞移民手續
太多男人大安旨意，我炆，但都冇嘈交，最後忍到 