我親戚有2個女,大女初中,細女高小,父母都有返工,唔駛供樓,用緊工人,堅中產~ 呀媽好鍾意扮靚,但唔會幫2個女扮靚,試過買件新外套俾大女,細女忍唔住喊,因為佢無份著新,佢好多時只可以著家姐舊衫 
又試過大女用自己利是錢,同同學一齊買左個日本布袋(好似係1千蚊),俾佢呀媽鬧到痴線,但如果係另外既親戚買黎送俾佢女,佢呀媽一定會笑曬口咁收(以前試過) 
得閒再打…
補充，大家對物質上都分析得好好，佢係孤寒唔係刻薄～日本袋果度，我親眼見佢呀媽新年尾，當眾鬧爆個大女，我覺得好慘，個大女當時只係想開心分享自己同同學一齊買左個新袋，14歲買個接近1千蚊既袋，可能真係貴左d,但最多教佢下次想買要同父母商量左先，而唔係鬧爆佢…
更新埋照顧方面,2個女都係工人+婆婆(唔同住)湊大,父母唔會做家務,呀媽唔識煮飯,以前2個女細個時試過工人放大假,我上去見到個廁所有屎+尿漬,好心同佢呀媽講2個女去廁所要坐低,個馬桶咁DIRTY唔好,佢呀媽話:我唔負責做清潔架!",之後無理到…
呀媽話等細女上埋中學就唔用工人,平日改做家姐煮飯(家姐有上家政堂同玩過烹飪班),加星期6請鐘點,但平日家務就未知邊個做…我心諗到時家姐都就黎考DSE,唔好玩啦 
係咪想小朋友唔好太「公主病」呀
如果d衫冬天夠暖，size啱著，覺得唔使下下都扮到「公主」咁
好簡單，姑寒
1個讚
可能係工作需要呢⋯⋯好多工都係先敬羅衣後敬人
講真小朋友一個月返足20日學
出街衫最多著幾日，買太多係比較浪費
理性黎講買少d去街衫係好事
因為人地送禮，無可能唔咁樣呀
我自己收禮都會，但會轉個頭掉
無辦法阻住人地送（我覺得好浪費）
我覺得係價值觀問題
初中追名牌，媽咪覺得唔ok好正常
$1000個布袋，一定係牌子嘢
我覺得刻薄小朋友係：
衫褲唔啱size都比小朋友著
無理天氣比小朋友著衫，eg太凍、太熱（即係媽咪無為小朋友著想）
比小朋友食垃圾無營養食物，eg快餐、即食麵呢類… 求其食
8個讚
唔算刻薄
我都係咁
樓上講得啱，應該叫姑寒、慳
2個讚
冇比到基本需要先算刻薄，唔係搵幾多洗幾多先係對個女好，冇買靚野可能覺得啲細路大得快好快就唔啱用，如果個女初中就覺得只要用自己錢就1000蚊買個布袋都冇問題，太虛榮都唔係咁好
4個讚
認同，刻薄係基本生活需要都唔提供，而其他家人就有滿足嘅生活需要
物質上咁有機會想個女由細到大學會節儉，唔好太追求名牌，我諗要睇埋平時生活點對個女，多唔多陪d女玩,傾計,有無耐性果d。不過我自己就調返轉，成日買衫俾個女扮令，反而自己好少買，我fd就話，小朋友d衫好快唔岩著，而大人衫可以著好耐，叫我買多d衫獎勵自己
3個讚
反而覺得要教係中產家庭成長嘅小朋友唔容易
因為好多物質嘢唔缺
小朋友好難懂得珍惜
如果個媽咪只係唔買「靚衫」比小朋友，我覺得係教育方面完全無問題
不過都要睇吓樓主點解話
媽咪有理到小朋友儀容，eg乾淨整齊就OK
2個讚
我見到有d家長係比小朋友著到一身名牌
但只係比工人照顧小朋友
究竟邊種先係好家長呢⋯⋯
2個讚
其實佢錫細女多d,因為細女成績好d,佢好少打鬧細女
又未太算
小朋友都整潔既，但係衫褲方面就細女慘d ，佢大個唔想著家姐舊衫，亦表達過唔想再係咁，但父母唔理。。。調返轉我覺得好奇怪係，咁點解家姐唔會著呀媽舊衫，佢呀媽買衫都買得多，有時都係淘寶貨或日韓衫，中三著都ok呀，但個呀媽會寧願掉左佢
吓，媽咪著嘅衫同少女點同呀，比我都唔會將我嘅衫比女著，太成熟啦
既然媽咪淘開嘢，根本佢本身都慳開，唔係好捨得洗錢買衫
人地堅中產睇黎係慳返黎，請工人只係因為兩個都要返工，無人睇小朋友
1個讚
除非個阿媽人到中年都仲著粉紅色短裙仔，都仲勉強有機會比大女（事情係而家真少女無乜幾可著成咁）
踏入青少年，女仔開始貪靚
講真兩個姐妹年紀差得唔遠，著家姐舊衫我覺得好合理
其實佢哋一家慳開
媽咪扮靚都只係著cheap嘢（淘衫我預佢一件唔會過$200？），佢要返工見人㗎
佢會用名牌手袋嗎？