吹下水
你地有冇消息 搵成點呀
我都搵緊 
有時都會有啲 agent 打嚟問我係咪仲搵緊工, 但問完同講完佢手頭上嗰啲工話幫我試, 但通常都無回音 
自己 send 出去啲 cv 又石沉大海, 而家真係好難搵工 
我搵左一份，明明做普通文員，我想冇咁辛苦，人工少啲都冇所謂，點知呃左你入去（因為隱瞞工作範圍），額外工作係唔止呢個人工，而且最奇同一時間幾個人一齊resign , 間公司只得6個人，但4個同事一齊劈炮唔勞（唔包括我），做左4日我都即閃
1個讚
我伏過2次agency 所以都算
我都試過，仲要一年七日假期得新年先可以放，食飯又得9個字
2個讚
有啲工 有啲人 真係賤到x街 唔知咩心態
香港好多僱主好無良，黃絲僱主都會架，朋友試過
而家最缺人手嘅工應該係做外賣仔
1個讚
我 4 月尾開始搵，通常啲 agent 好快覆，然後了解你工作經驗就話有份工可以試，之後就石浸大海冇回音，其中只有一個 agent 嘅工真係見左，但其實工作範圍唔係咁啱我做，都心諗對方唔會揀我，叫做拎下見工經驗啦。
之後都隔一段時間上網襟下 apply. 但都見到有一半左右來來去去都係果啲 post. 感覺啲公司好似放個 offer 出嚟表示公司有 headcount，但其實都冇真係請緊。
6 月中至 7 月頭，唔知係咪疫情緩和左，同埋我都降低左啲人工去搵 (之前份工嘅 8 成人工左右)，突然又有四份工聯絡我去見，三份上門見，一份視像見，見完感覺有兩份都適合同見得唔錯，不過最後都冇回音。感覺出面人多過工，啲僱主有得揀會揀得 specific 啲。
早一兩星期再降低左人工 (之前份工嘅 7 成人工左右) 又襟左啲工，但係除左一個 agent 打嚟傾，都係冇回音。
好難搵工，jobsdb嚟嚟去去都係個幾間公司請人。想cut人工轉行又唔知可以做咩
我有一下諗過，
resign 抖一兩年先搵野做，
不過擔心一兩年後仲衰過依家
年初見左一份工, 已經話請, 搞緊手續, head hunter仲叫我俾埋D supporting doc個間公司, 最終請左個internal transfer 既人. 最近有朋友又見呢間公司, 應該係同一個位, 又係話好適合, 點知最終都係話有人internal transfer, 唔請我朋友. 呢間唔算細公司, 唔明點解咁玩野, 玩申請者之餘亦玩head hunter
Internal transfer 唔洗比agency fee
又可以順便cut headcount
公司會因公平情況需作公開招聘，同時會供內部apply。
成功受聘公司要比錢Agency，另有些職位會因個別原因而經獵頭公司請人。
所以評估下該職位及公司係米願意比錢，佢揾你in好容易，唔好有挫敗感呀！
該主題在最後一個回覆創建後30天后自動關閉。不再允許新的回覆。