拍左幾年拖, 同男朋友打算結婚, 但一直有個問題…
我本身好鍾意小朋友, 想結婚之後生個bb
但男朋友對小朋友好反感, 更加唔好講話生返個
點先可以令佢對生小朋友冇咁反感
呢方面無共識好大件事，真係要慢慢傾個共識，否則後患無窮
3個讚
表示每次搵男朋友個時已經係以結婚為前提，如有重大價值觀不同，我唔會選擇一齊⋯⋯改變自己容易，改變對方刀難。
2個讚
每次同男朋友提起依個話題, 佢都話幾年後先算
唉但男既等得, 女既好難等咁耐, 愈遲生小朋友愈容易有問題
佢打唔打算結婚？定只係你自己打算結婚？
係，如果咁情願分開…
1個讚
要大家互相商量
佢都打算結既, 想申請消防員宿舍
你男朋友唔想生係咩原因？
如果雙方無共識就唔好結住。
呢個時勢，你覺得你俾到好環境小朋友？社運後我後悔自己生咗
3個讚
學樓上話齋，改變自己比改變對方易。你要問自己你可唔可以為佢放棄唔要小朋友，而唔會埋怨佢一世？
佢覺得要照顧小朋友好麻煩
其實都係, 一隻手掌拍唔響, 要對方改變真係難
佢咁講唔係錯
啱啱岀世煩佢病，點照顧
大咗煩讀書，未來
環境唔一定係外在既, 好既父母都可以比到好既環境小朋友健康成長
好多時每日係屋企對住點既父母, 大個左就成為點既人
我結完婚先知我老公唔想生小朋友。慢慢我都接受左，過左幾年佢依家唔抗拒生。有d野好難講
係啊我都明, 佢唔想小朋友出世於亂世, 大個左仲要面對咁多無稽既事
聽啲朋友講話, 本身唔想生, 但當見到身邊越嚟越多人生bb, 就變到冇咁抗拒, 如果另一半想生都可以
呢啲野都係價值觀問題 好難改變大家思想
咁真係要考慮清楚，我朋友同你情況一樣，佢說服到老公，但生完bb好多時都係佢自己湊，老公本身唔鐘意(&唔識)照顧小朋友。每次為小朋友的事嘈交時，佢老公就覆一句：都話唔好生架啦。都幾辛苦…佢宜家成日話好掛住2人世界的日子