想請教大家，in直資傳統名校是否一定要校長推薦信？小朋友小學係KL3校網一線尾或二線頭小學，呈一級十名以內+音樂專長,小朋友自己堅持要考，請問是否等中學校網出左通告再去填表交？謝謝大家！
推薦信無用。
考得又選出嚟面試直資名校個個都係級頭、有專長、好多服務、好多奬。
到八月尾九月留意下學校網頁
謝謝回覆，咁我唔去打擾校長攞推薦信了，thx 
冇特別用處，一面試就知你幾多斤兩。如果表現冇信入面講得咁好，落差大，反而會扣印象分。
八月尾啲中學開始出資料，到時候再寄，記住谷小朋友英語口語能力 (最理想一星期兩三日不斷有人同佢英文溝通，等佢習慣用大膽講)，你知喇，啲傳統名校，10 個 7 個都流利，如果口語表達唔好，會吃虧。加油！
小朋友就係呢方面輸蝕D，謝謝提醒，我地會盡最大努力
身邊幾位得到直資名校offer嘅，都無校長信
多數屋企有錢…
個幾位小朋友一定好叻好叻 
都正常，屋企有錢就多D資源俾小朋友學嘢，小朋友都會多機會特別叻D
你可以留意下過去幾年同校師兄師姐入讀你地心儀學校嘅情況，如果同你小朋友成績才華差唔多都入呢間學校，咁就證明該校揀學生嘅喜好。
因為掉返轉睇，學校都會追蹤同一小學嘅往績，佢地收生都會有啲啲跡可尋。
至於係咪個個有錢人呢，
直資真係咩人都有，
住半山、獨立屋又有，住公屋嘅又有。
入得去嘅小朋友個個都有本事，
唔關家底事，亦未必同起跑線有關。
幾有錢嘅細路都唔一定讀得書呀，
自己小朋友入到去有好嘅發揮、好嘅發展就得啦！
至於校長信，唔係必須嘅。
如果所讀小學同心儀中學關係良好，
就好似有啲用嘅。
最緊要屋企支持小朋友培養多種興趣、唔介意送出送入等放學。
見過唔少老人家包括我老爺奶奶埋怨地點太遠、放遲少少又話放得太晏、埋怨個課程搞得唔好，最好留喺屋企咩都唔玩唔學
謝謝詳細的回覆!師兄姐們入華英、迦密…既多，傳統直資名校既極少，所以都擔心。對小朋友音樂特長方面好有信心，但英文口語遜色D，擔心呢樣會成為阻礙。
老人家都係會咁諗，所以我轉返半晝工，早D放工可以陪伴小朋友上興趣班，參加比賽到處跑，現在回望呢條路，都覺得自己係super woman 
1個讚
可以試埋新派直資，如果唔嫌遠
唔需要教長的信件,相信自己嘅孩子,多年在小學的名次若是在級十以上,加上有一樣體藝能力就已經可以嘗試去報,藉此也可知道報自行安排及填寫大抽獎排列(當然抽獎部份也要睇運氣).