45圍但7成父母朋友，俾我都會反枱
我同老公結婚時都有擺酒，25圍左右，男女家長老每邊俾8圍，親戚好朋友好，總之只限8圍，多都無（我地特登搵左個上限26圍的場地，想加都無得加）
1個讚
我同老公最初準備擺時數黎數去都係得四五圍核心成員，點知一到奶奶手就變廿幾三十圍 
真係唔結婚都唔知佢咁多親朋戚友 
好彩最後唔洗擺。
我媽連嗰啲1X年無見，我都唔認得的親戚都話要請
我話「請丫，你請少啲朋友之嘛，唔關我事」
最後死死氣話唔請
我完全吾介意， 如果可以只想一齊4個去一次日本玩當大家畢業旅行
2個讚
我唔介意，亦都無資格介意，結婚主角唔係我，但係希望仔女有個正式的婚禮。會係一個美好的回憶。
我有擺酒，男女家都算易話為，所以擺左十幾圍全部熟嘅朋友，親戚，當晚係好開心，因為全部都真心黎祝福我地，而且無搞咩特別節目，反而好多時間影相同埋傾計，又可能因為熟，我地擺完係有錢入袋。到而家都好開心嗰時有擺酒。
不過前題係男女家都任由我地去搞，又無咩麻煩情況出現。
如果我仔女唔擺，我又無咩所謂，佢地開心就ok!
未有小朋友，但我諗我是個新潮媽媽，唔鍾意中國傳統野，好無point 又過時
唔鍾意仔女擺酒咁老套,好似做show 比親朋戚友睇咁，反而一家人開開心心食飯食鍾意食既野好casual 仲覺得實際，只要仔女覺得開心就得
2個讚
我父母唔MIND.
我自己都唔MIND
1個讚
唔mind, 結婚係佢地兩人嘅事。
1個讚
何止可以唔擺酒，就算唔結婚同居都無問題，我唔明點解要介意，又唔係自己結婚
1個讚
我地只係登記，期望子女一樣，唔好嘥時間心思，除非他們自己想搞。
我唔擺
我屋企無所謂
男家有小小想擺 但又無逼
所以最後證婚就算
我自己好唔中意, 但我媽一定要我擺酒, 奶奶就偏向唔擺都得, 最後係有擺。
我自己就想做一個尊重仔女既呀媽。
我同老公冇擺酒
只係註冊同屋企人食咗餐飯
我都煩緊呢個問題
儲蓄唔多 擺一擺好花錢 又離遠個儲蓄目標
我當年都係為四大長老而擺，全場都係佢哋啲親友，擺左唔使俾佢哋講一世。
但如果我仔女，佢哋唔擺，我無問題，一來擺一次用太多錢，二來擺的過程中好傷和氣，旅行結婚算了，派餅卡當通知左親友。
1個讚
冇所謂,不過要兩家人坐埋一齊食餐飯
自己喺經濟能力方面唔係弱勢的話，
話事權就喺自己手上…
我果時父母係唔想我擺既
佢地覺得麻煩
但最後我地自己擺左十圍lunch 到
因為每邊家人分開食餐飯其實仲麻煩
仲有d 長老係大陸tim
不過擺完後我同父母都好開心
擺lunch 幾個中唔太chur
又可以見到好多重視既人
同埋我地本身係旅行結婚
不過計晒book 場請屋企人去其實唔平