傾親都反檯，煩到死。
有朋友因為咁樣婚都結唔成，價值觀唔同，行唔到落去
唔擺酒都得，一係自助餐形式我都接受，包場大家一齊開心食返餐我就滿足
尊重仔女決定，佢哋擺我就出席～
我自己就淨係註冊，請咗親友來觀禮，無其他儀式，覺得非常好，又唔會打搞人哋成日～
我認為結婚係兩個人嘅事，當然中國人社會好似唔係，不過又唔係咩名門望族，何必搞咁多嘢，同埋唔明點解要早起碼一年book酒席～
我當年都無擺酒，雙方家長一句意見都無，佢哋都知自己仔女嘅性格啦。 
點樣騎劫？
感覺唔係自己既婚禮。我唔想第日仔女結婚結得唔開心。
結婚算係四大長老嘅畢業禮，我地堅持要擺
雖然佢地話唔擺都ok，最好旅行結婚，事實發現佢地根本就好開心，見到佢地滿足感動個樣乜都抵返哂！
1個讚
同意, 我當年都係細酒樓擺, 十幾二十圍, 都係十幾萬, 計埋人情, 大約係比幾萬.
當晚我只換三套衫, 鬆返時間同朋友傾偈影相, 事實都係有好多好少見的親戚, 但主要都係長輩招呼. 又見到好多朋友, 可能我人正面覺得有好多朋友祝福我地, 覺得好開心.
係, 仔女結婚算係父母的成就解鎖. 辦得溫馨大家開心, win win.
1個讚
我結婚洗左幾十萬，而家只係完成晒啲儀式，仲要俾酒店long住十幾萬訂未擺到酒呀!
俾我再揀我一定唔擺，寧願買多幾個手袋好過！
經過今年疫情咁多波折仲想仔女擺酒？唔好玩啦～
結婚係兩個人既事，希望擺酒呢個文化有朝一日會消失
我地擺幾圍咋，淨係請親戚同真心朋友，一圍親戚嘅人情已經回哂本！
人少少氣氛特別好，時間又充裕好多，唔會好似人地講到咁忙冇時間食嘢
長輩最好唔好因為自己私心而要啲後生擺啦，錢又唔係佢哋出，壓力又唔係佢哋承受，乜都係一對新人煩
1個讚
唔介意唔擺酒 不過双方最親的人都要埋一齊食餐飯 兩三圍咁樣
1個讚
無所謂，食餐飯就得，喺屋企又得，最緊要大家關係好，唔會俾壓力佢地
擺酒全世界都有，應該幾難消失
如果我有女，如果唔係太大負擔，都想佢嫁得風風光光，不過唔會勉強。可惜我兩個仔，所以冇所謂，尤得佢哋自己決定。大仔未到四歲，大長遠
我諗到下一代已經冇晒好多以前既「大家族」，又有好多人唔結婚唔生仔，親戚都越黎越少，應該趨向小型婚禮多
都有d朋友咁嘅
後悔係因為？
錢?
我唔介意仔結婚唔擺酒，最重要係仔開心就得。
由細到大，阿媽都話旅行結婚就得。臨結婚之前一年，見親戚個個攞，就改口話要擺。我話唔攞，佢話我唔出席，佢都會自己搞，請佢朋友食飯。佢仲話，唔擺酒，會俾男家睇唔起。
後來親友勸我，今次唔擺，你將來要逐個朋友交待咪仲煩。結果擺左45圍，7成係父母朋友，我超級唔開心。呢個年代亦根本無咩男家睇唔起既野。呢件事開始，我疏遠左阿媽。
我男家方面，因為只在香港擺，然後男家大陸親戚都唔多知道婚事，男家好後悔。到佢地嫁女時，就堅持要係大陸搞，叫曬所有從來未見過既親戚黎。
故事仲未完，到滿月酒，男家話一圍得，點知我自己女家搞左3圍。男家覺得唔公平，就要我係大陸又搞返3圍。
最近呢？我頓悟了，已經連新年都一個人都唔見。一於得罪曬班親戚算。
3個讚