我覺得我阿媽太錫我C6，乜都夾去佢碗度先，明明佢條手臂最長，我媽成日食飯問佢夾唔夾到呀，推埋啲比佢夾
C6 就唔識氹我媽，木獨人一個，入屋叫聲阿媽就坐喺度
女婿同外母關係多數冇大問題，係咪？
我呀媽好錫我老公，可能係因為自己生既都係女
佢仲成日叫我珍惜我老公，要對佢好，好似我老公先係親生咁
不過我老公係對我呀媽好好既，態度好不得之，仲會整埋野拎埋俾呀媽食，又會同佢傾下點種花果啲興趣野
3個讚
我阿媽都係
好似成日講到我使老公使到好似工人咁⋯⋯ 
我媽咪都係咁講 話我洗個老公做嘢 
而6299就睇唔過眼自己個仔要做家務 成日畀說話我聽
1個讚
我老公好木獨，又可以話佢係不俏同人講嘢，包括佢自己屋企人
佢連自己屋企人都唔會孝順，節日定平時關心等等全部嘢都要我提，佢一開始見我父母都唔識同人打招呼（佢番自己屋企都唔會叫人，家教問題 
）所以唯有等我教佢⋯⋯衣加佢見我阿媽就識叫阿媽，見老豆就識叫老豆，已經好好架啦！
我父母冇特別錫佢，大家當屋企人平起平坐咁。
我諗係呀媽一方面好開心呀女搵到個好老公
但一方面擔心個女會嚇走左自己老公
因為知道個女可以有幾懶/任性
1個讚
阿媽同我老公講到有眼無珠先會娶我咁濟
但兩個都係錫我的 
1個讚
我媽對我99好d, 成日叫我要對99好
C6 會叫你地媽媽做 呀媽 定岳母架？
你哋又叫佢媽做99 定係呀媽？
就嫁…呢個問題我都諗左好耐
我姐夫叫外母，我老公叫阿媽，我媽比較隨和，佢話鍾意叫乜就叫乜。
唉, 我果個又係成個機械人咁, 唔會主動同人講野, 之前叫人淨係識叫"HI"
不過我都覺屋企人對佢客氣D/多野講D, 可能我太惡掛
我老公叫阿媽，我叫奶奶。其實結婚時奶奶話叫佢做阿媽，係我自己叫唔出
我阿媽對老公冇乜特別，老公係我屋企都好少出聲，佢本身唔係好鍾意同其他人講嘢，係老爺奶奶屋企都係咁
我老公對我爸媽都非常好
一樣跟我叫 爸爸 媽咪
一出bonus一定分埋錢比佢兩老
平時佢地想要買咩 老公都自動波買晒比佢地
有次媽咪話凍（冬天）老公就馬上買個暖爐比佢 連我媽都話 覺得好安慰有個咁好既女婿
我開始懷疑佢地錫老公多過錫我
1個讚
老公叫我呀媽做"呀媽", 我叫老公呀媽做"99" 
媽咪對老公好似自己個仔，老公對媽咪直情超乎想象！
小朋友細時媽咪日日嚟孫，老公一早配定鎖匙比媽咪。見媽咪有時夜走，於是叫媽咪放定D衫係度，留定間房比佢！
後來我爸爸走了，老公怕媽咪觸景傷情，話日日對住d孫可以令媽咪心情好返D，主動提出叫媽咪搬嚟一齊住！
我真係好感激老公對我家人咁好！
3個讚
叫阿媽好架等佢潛意識當你係女
我都教老公叫我父母做阿媽老豆，close啲～
點會有男人咁細心架！我唔相信