我抖唔到氣，日日對住奶奶好辛苦
佢開門關門嘭嘭聲，真心我耳仔都痛埋，訓緊覺佢出門返工一嘭門我成個人彈起，
現在我已用耳塞瞓覺
關窗好似地震咁隆隆聲震哂，放工返黎唔洗手周圍掂開雪櫃又睇我煮緊d野食（其實轉頭佢都知架啦）一齊住左未足夠三年
我好辛苦
我就頂唔順想同老公分開
因為佢話唔可以掉低佢阿媽一個
之嘈過過我冇諗解決方法
因為佢阿媽成日掉野食落
我起身返工就見到好多蟻圍住
現在改善左
但我明白嫁入黎冇法去改人地既習慣
但我真係頂唔順
洗唔洗手唔係個疫情開始
係一直既問題
當然現在疫情緊更加關注
太多種種細微既問題
生活習慣不協調
之前去完街返黎就黑口黑面
總之就乜都搵個仔
仲同姑仔講話我同個老公一星期返唔到黎食3餐飯？大佬一齊住仲想點？
憎到佢不能自拔
以前我放工故意夜點返等佢訓左先返屋企
見唔到佢個心舒點
現在疫情限聚令放工只可返屋企冇得避
有冇人試過咁既情況
我可以點做
我就黎想自己搬走住 
一齊住三年好利害！
搬近d有無得諗？
叫做比你老公容易點接受
住附近有咩事照顧到奶奶
我都同過奶奶住三年幾，好多生活習慣夾唔到，我脾氣較好，試過好聲好氣勸過要乾淨啲，但始終我嫁入去，呢到係佢屋企，道理上應該我去就佢，最後講左都改變不大，因為老人家有佢嘅執著，佢做左咁多年習慣，唔會變。
所以我收工都同你一樣去行街行到好夜先返，覺得嗰個唔係自己屋企，返到娘家自己間房先最最最舒服。
最後連老公都頂唔順佢地生活習慣，佢哋好夜瞓，仲要開到電視爆大聲，我隻耳都就快聾，我哋夜晚無覺好瞓，三年後就租地方搬出去，搬出去簡直係解脫。
提及過冇行動過過搬出去
借d意不了了之
冇解決過存在的問題
實在真係一間屋好難有兩個女主人…
有冇諗過搬附近單位？
又可以有私人空間，又有個照應
唔嫁一定開心過嫁
我同老公一出街唔同佢食飯就黑面
有但唔知點開口
老公冇理過
同奶奶一齊住過兩年，期間有大肚同生仔，難頂到死，佢眼裡面得個仔同個孫，完全當我係生仔機器&工人。野蠻唔講道理都算，大緊肚嘔到暈都當我工人咁洗，生完連月都冇得坐，買餸煮飯洗衫抹地所有家務繼續係我做，又要我幫手湊埋佢其他孫，當時我自己個B都未滿月。仲要個個星期六日，姑仔姑拉姨媽叔父成班親戚輪流走上黎，奉旨要招呼佢地。後來有日終於頂唔順，喊住抱埋阿B自己搬返娘家，最後老公先肯妥協同奶奶分開住。但搬走後仍然每個星期六日都要做人肉佈景版陪足佢一日
基本上我同老公次次拗交都係因為奶奶，老公勁錫奶奶，幫親不幫理，真係試過好多次拗到想離婚
樓主你再同老公傾下啦，一齊住落去都唔係辦法，搬去格離座/格離屋苑都好過日對夜對
係都好叻叻，忍到奶奶
所以我仲未諗生仔，因為奶奶呢問題解決唔到，真係心情都影響唔埋
就算生到我驚生左害左個小朋友
好似今晚咁我老公都知我嬲
但解決到咩
之前傾到離婚…佢話阿媽冇得變
唔想阻我幸福搵過第二個
我近日都好燥
真心，多個小朋友只會有更多問題要解決
未生仔你老公都唔肯去解決問題，生完更加唔洗諗。我果陣都好天真，以為有左小朋友，大家多個寄託情況會有改善，但結果係更差
其實你老公有冇試探過奶奶對分開住有咩睇法? 你奶奶仲有返工，年紀都應該唔大，仲有能力照顧到自己。而且就算分開住，最多咪你地同姑仔輪流去陪佢。
不過點都要你老公肯行動先有用。你老公講到叫你搵過第二個，咁你奶奶又係咪寧願個仔離婚都唔肯分開住先?
當你真係要行到離婚呢步，可能你老公/奶奶就肯讓步 (我當時就係咁)。
樓主你加油，明白你一定好辛苦好唔開心。先照顧好自己，再慢慢解決問題。
喺同一區揾個地方住得唔得？
最多返多d去食飯等老公奶奶可以見下面
未解決呢個問題前千奇唔好有b，當你有左但連一個舒服休息地方都無，你會崩潰，仲要通常個奶奶實霸實個孫，你老公到時更加唔會搬走
搬開啫，邊個話唔一齊住代表無阿媽，佢想法咁群腳仔
佢一日唔解決到問題，都唔好諗生仔，到時真係想走都唔係咁易。
結婚果時佢講明話要同奶奶住
佢現在就捉住這點，話我應承在先
一拍拖佢都有講知自己阿媽”cam”
難攪啲咁果陣未住埋一齊真心未感受哂所有
我要走唔抵齊住就我不孝咁？？
我好唔開心
你不孝佢阿媽冇所謂啊，又唔係你阿媽，不過你又真係唔可以阻止你老公咁孝順喎⋯⋯
我都想生個咁孝順嘅仔，因為我自己同老公都係好早就搬走脫離父母嘅類型～
其實好難改變老公嘅諗法，阿媽得一個，佢年紀大（驚佢獨居有咩事，例如病咗、跌親冇人知）。又覺得阿媽都差不多70yrs，仲有幾多年命吖？其實我諗法係，奶奶先70歲人，宜家香港人噤長壽，普遍仲有廿幾年命喎。（不過調返轉諗，如果我係佢，都唔想阿媽孤零零）
老公同99由細到大都一齊住，又點會覺得有問題呢？可能會有嘅，不過新抱睇到嘅係10樣，而老公睇到嘅只係1-2樣，其餘嗰啲佢習慣咗唔覺係咩問題。始終原生家庭嘅文化差異，大家生活習慣唔同，而每個屋企都好大差別⋯⋯
佢哋唔係做新搬入嚟嗰個，係唔會體會到嗰種寄人籬下嘅感覺。
老公只會認為媽媽一定要尊重！
即使99係個好人，我都覺得好大壓力，講每句説話、每個習慣都要諗下會唔會令99唔鍾意。當知道99喺屋企時，收工都會想晏啲返去，返到去見佢冇喺度會夜啲返，我成個人都會感覺鬆一鬆。
冇㗎，如果改變唔到自己諗法，唯有離家出走。我有時諗，生活存在問題，會唔會有日去到要離婚⋯⋯
係架，改變自己想法係最可行嘅事，唔好話奶奶，就算結婚之後老公都有大把壞習慣脾氣我要忍，而你忍緊佢時，佢都忍緊你，樓主唔知其實你99都可能對你都有唔少不滿。
所以好簡單，拍拖我已經會專登揀啲唔孝順嘅仔，最怕係乜都阿媽行先 驚阿媽唔開心呢樣嗰樣嘅人，仲有一定唔要同對方父母住！（我連自己父母都頂唔順）
其實你老公都講明自己阿媽cam⋯⋯你仲中個頭埋去⋯⋯
你都可以捉住結婚誓詞嚟同佢爭論：無論疾病苦樂，佢要同你分擔，要愛護你，同你解決面對問題
有，煩到想靜音自己個世界
