成日當D仔女地底泥咁, 又成日講過比老細炒…
一世就打算去窄乾個仔
5個讚
我父母以都係咁，所以我好早已經自己住。
父母既眼界真係好影響一個小朋友既成長。
有D人真係諗住生個小朋友，將脫貧呢個責任交比下一代，所以仔女大左唯一要做既就係搵錢搵錢搵錢，或者嫁個有錢人幫屋企脫貧，親子間有幾多感情可言。唉…咁既父母真係超不負責任。
好多老人家都係咁 養兒防老 生育子女係為咗退休唔洗做又有錢收 收成期嘛。。。佢哋擔心份家用同自己層樓 多過啲仔女生活過得開唔開心
2個讚
我有見過…仲要生多個仔…細十幾年…
個大要搵錢供個仔去外國讀書, 再大D…買樓又要用大個名…再比細果個住
1個讚
係囉, 早結婚, 未夠50歲就唔返工都大把
有時，仔女掉低父母唔理，唔係冇理由。
旁觀者唔好一句「天下冇不是的父母」， 而要仔女迎合父母，犧牲自己的人生。
8個讚
佢地最鐘意話…有比書佢讀, 有飯比佢食…
WELL…而家返學係規定O既…
養條金魚都會比飯佢食丫…如果飯都冇, 可以拉左佢
好似我父母 「銀行工或者政府工先算係一份好工」
50年前諗返咁
老一輩想法好多都係養兒防老
呢個真係自古以來…
農業社會, 養個細路成本好低…
點解男人會地位高D, 因為女人嫁入去又係多個勞動力…生仔又係…
10歲都已經可以幫手做野啦…
個仔咁大個仲去報警，又去銀行搵佢
好在個仔都醒，知佢哋睇錢重一定去銀行搵佢，賠錢都走
我細個的時候就係咁, 想轉工比阿媽話, 所有興趣都話我浪費時間, 去到好大個先驚覺呢D係情緒勒索. 之後學會忠於自己, 雖然一樣咁錫阿媽, 但就開始將阿媽的意見聽下就算.
1個讚
真係好多都係咁。我父母都係講呢D說話，但我從來當耳邊風。係佢地果代人思想既問題。老老豆豆日日比佢地咁鵝發真係會被佢地潛移默化影響左，攪到自己都會同自己仔女講呢D野。所以對住自己仔女一定要成日跳返出黎睇下自己對佢地做緊乜講緊乜。
2個讚
衰D講…我地果輩D阿媽打左幾多年工…佢地好似懶係明白職場O既野咁
真心…年代唔同左, 分享唔係唔可以, 但冇得強行要人跟足佢100%
1個讚
我要警惕自己，唔好做咁樣既父母，有唔同睇法，輕輕提下意見就算，千祁唔好強迫，時代不同，好多新野父母未必識得多過仔女，要避免做囉嗦父母，多啲理解，唔好等失去仔女先來後悔。
另外，盡量儲多啲退休金，老左都唔好靠仔女，經濟獨立，父母得到尊重都多啲。
4個讚
我次次見到有人話要計返屋租, 計返電費呢D就覺得超過份…
如果佢話計屋租, 咁不如佢租左個床位出去算啦
有D父母覺得仔女搵到錢就應該比返多D"家用", 唔比等於唔孝順/唔乖仔。但又唔理下D仔女自己出黎住, 都有自己既壓力… 唔通比多D家用就可以等於孝順, 比多D家用就可以唔洗返屋企探你地? 點解有D父母要將孝順同金錢睇齊
3個讚