母：外國唔係你想像中咁好架
我：咁香港好好咩？打份幾萬蚊人工，一日返12個鐘，層樓仲要5、600萬先得豆腐膶咁大
母：以前你老豆一份人工$11000養哂4個人
我：以前？以前層樓80萬咋，依家都升左6倍啦，人工有冇升左6倍呀？大學畢業生出黎都係得$13000
母：你仲有咩唔知足呀？供你讀大學、比你出去交流，要咩都有咩
我心諗：我仲還緊grant loan, 結婚既時候首期都係老公屋企幫手先有地方
母繼續：如果我當初唔落香港，係大陸50歲都可以退休啦，依家香港醫療幾好呀…（覺得將來香港愈黎愈好）
我心諗：你真係唔知依家醫療發生咩事，十幾廿年後分分鐘中港學歷互認，大陸醫生進駐，不過十幾廿年後你又有咩所謂，受既都係我同我啲仔女
（我唔繼續講係因為有前科，佢試過拎刀仔出黎，嚇屎我）
結論：夏蟲不可語冰，井蛙不可語海。一係成日講錢，一係就話我唔知足。同藍母好難溝通，好彩結左婚搬左出去住。
唔駛同幾十歲果d講啦，佢地揾食樹葉同食白飯比較架
係，好彩呢度同聲同氣
當初做乜落黎香港？自己移去香港、唔比人移去外國？
我個藍絲阿媽又係咁，自己又井底，一講移民，就話你有一億幾千萬身家？外國有咩好，大把人回流，請我都唔去！你過到去無錢洗，千祈唔好問我攞（其實佢自己都無乜錢)！
好難溝通架，次次講親都係差唔多嘅野，所以已經減少聯絡
真係減少聯絡，費事勞氣
請我都唔去，其實又真係冇人請佢去呢
同輩都仲有人講緊政府有$2 搭車幾咁德政，佢個人要求低到咁，再者，到佢有資格果時，庫房應該冇錢再貼出嚟
係呀，本來想帶埋佢走，但聽到呢啲說話真係好心淡
到時真係好大劑，唔到佢唔走
好多野佢地根本答唔到, 唔夠講就轉話題, 或者話人諗野偏激, 藍廢老最叻
我試過答佢「我預咗入勞改營㗎」佢嬲到話「唔再同你講」
唔夠人講會揾輩份壓人囉
我家62都係架 
佢同我哋講：而家中國好強大經濟好好 好多高樓大廈 啲建築宏偉 好過外國架啦 你哋應該見識下啦！
而佢嘅見識 係睇CCTVB得返嚟 
我唔排除有高樓大廈都算有錢，但我地唔係要呢隻土豪呀。
同埋外國係邊個國呢？？佢去下杜拜就知乜嘢係真有錢
咩邏輯？
天津有個商業區，好多高樓大廈，但係鬼城嚟，咁係咪經濟好？
我阿媽都係咁講！
仲有:想當年,無冷氣機咪又係咁過… 
咁你自己行樓梯上30樓囉，煤氣爐唔好用啦，燒柴啦
唔係有錢無錢嘅問題 而係一個國家嘅文明並唔係睇表面 高樓大廈宏偉建築嘅背後 唔計啲設計同專利係點 更關注係幾多低下階層嘅付出同犧牲 當中貪污腐敗幾嚴重 大家心中有數