哪種香港人最痛苦？ - 曾志豪
在這種大時代的變局，哪種香港人最痛苦？朋友認為，年輕人犧牲最多，流汗流血流亡，前路茫茫，應是最痛苦。
這場抗爭運動，香港人都欠了年輕人太多，不過，他們並非最痛苦。因為年輕一代，目標清晰明確，就是鐵了心要留在香港共存亡，而且他們不會覺得自己欠了香港甚麼，他們已經付出了最多。肉體折磨固然是苦不堪言，但至少，他們心理上完全對得住自己。
那些藍絲廢老、等收成期的那群人呢？他們一點不痛苦，或許他們同樣遭受了經濟上的損失，但由於他們不會覺得自己有任何責任，只會諉過他人，包括怪責政府軟弱無能。這群人會理直氣壯的開罵，仿佛全香港都欠了他的「收成期」；於是他們坦然自在，無論是留港或者離開，天經地義，問心無愧。
最痛苦的不是年輕黃絲前線、也不是藍絲廢老，而是剛好夾在中間的一批，「中年黃絲」。
這些中年黃絲，思想激進、行動溫馴。或許每一個「中年黃絲」都會用最惡毒的字詞咒罵港共政權，光時、天滅之類的口號也是時常背誦，但行動上，都各有包袱，各有猶豫。或者因為工作或者家庭或者單純承擔不起法律風險，或者更簡單：怕死。於是這群人聚會，高聲咒罵政權，然後便唉聲嘆氣，「可以點，又唔敢出去，好鬼無用。」更甚者，中年黃絲為了下一代選擇移民，每念及獄中被折磨的年青港人，都會自責愧疚，覺得做了逃兵。
「中年黃絲」常會怪責自己「只懂後勤、躲在鍵盤、只懂捐錢幫襯黃店」，卻不知道還能再做甚麼。點解國安法拘捕的會是16歲的學生，而自己看直播，「苟且偷生」。
中年黃絲又做不到藍絲廢老般「下流」，如果可以盲撐警察，或許721的傷痛便會消失。
於是中年黃絲便陷入「道德夾心」：勇武他們不敢、墮落他們不肯，日夜為自己「獨善其身」感到自責。為何我這樣說？因為，我也是一個「中年黃絲」。
23個讚
係，好想去盡d，但人生太多責任（又或者借口），只能眼白白睇住班後生前衝，自己又幫唔到幾多，亦唔夠勇敢。
咪講呢啲啦. 雖然我都係中年黃絲, 我真係唔敢話自己最痛苦. 我地咁錫身.
最痛苦梗係要坐監的年輕人, 或者俾黑警打到有終身傷殘的年輕人.
2個讚
講中哂我既心聲，我地d中年黃絲，包袱多，責任大。只能做的只有捐下錢，幫襯黃店，share FB d post, 係d 志同道合既forum 圍爐取下暖，相比年輕人，真係自愧不如
3個讚
真好掙扎，自己係中年黃絲，真係有負擔，家庭、工作、年紀…所以只係寫寫寫、咒咒咒、捐錢、幫趁黃店，沉著面對必須繼續既生活。但真心問自己，如果完全冇顧慮 - 面對極權同暴力，我自己係咪真係夠膽衝？我諗未必可以去到最前，但一定唔會殿到咁後。「苟且偷生」「獨善其身」真係形容得好貼切。
3個讚
其實係架…因為始終有負擔,有包袱,我做不到最前線,對不起
全中…
中年黃絲比年輕人多一樣刹手撊
就係我地有子女
教導下佢地衣家香港發生緊咩事
咩叫良知與正義
雖然好多嘢我地做唔到
但亦有好多嘢我地做到
仲有, 我地係c9, 仲多一個強項
廁紙補習同買包糖
我地都可以自主
黃色經濟圈, 加油!
4個讚
我都係中年黃絲
好無奈, 唯有幫襯多啲黃店, 支持下佢哋.
仲有努力教阿女要分清是非黑白, 希望佢哋明白發生緊咩事.
感恩嘅係屋企長老方向一致, 冇無謂嘅爭拗.
1個讚
非常同意，尤其本來未醒但今年內覺醒左既中年黃絲，所有野已經回不去了
亦無可能做番隻港豬咁吃喝玩樂，內心永遠有道傷痕
1個讚
這個才是最矛盾的地方。如果以我們原來的道德標準去教下一代，我會怕他長大後會踏上不歸路。但如果以終幗式標準去教，又不忍看見社會多一個人渣。
2個讚
