英國政府上月公布，明年1月起推出名為「香港英國國民（海外）簽證」的特別簽證，向英國國民（海外）護照（BNO）持有人及其近親提供入籍途徑。內政部周一（3日）更新簽證部分條款，要求以家庭為單位的BNO持有人及其近親，在上述簽證生效前一同入境英國。
內政部更新簽證的部分條款後，BNO持有人及其近親要家庭為單位，在簽證生效前一同入境英國，即代表居留的首5年及申請定居身份之後的1年，均不能以「太空人」的方式移民，即先安頓子女在英國求學，先獲得居英權，而父母則繼續留在香港工作賺錢，並往來英國及香港。英國政府曾指，香港目前有約290萬人曾經或正持有BNO護照。
該特別簽證讓BNO持有人及其近親以家庭為單位入境英國，並提供5年的居留許可，期間可以在當地工作或讀書；5年後可以申請定居身份，然後過多1年就可以申請成為公民，條件包括在其中12個月內離開英國不多於180日。
搞清楚bno 5+1原意，唔能夠用阻嚟形容吧。
明白各人有各人考慮，同樣都可以係英國方面思考下，佢地想救援嘅係邊一類人。
BNO visa比其他visa已經有優待，覺得阻可以用其他途徑申請移民，工作簽證唔阻太空人！
咪分化啦!你唔清楚 bno 5+1 原意咩?你去緊抱大灣區偉大祖國啦!無人阻你 
其實係好正常嘅條款，唔明有咩問題
用common sense諗下就唔會有呢個標題,
bno5+1係救生艇, 一家人仲可以分開兩地, 即係香港呢邊情況唔危急啦,
況且"傳統"移民英國都唔比你做太空人,
想做太空人可以考慮加拿大
其實咁樣好正常，如果主力搵錢嗰個係香港，但其他屋企人又享用英國福利，咁樣英國政府都好大負擔
假如：
爸爸係香港賺錢
媽媽同小朋友係英國讀書
媽媽主力照顧未必會工作，小朋友讀state school享受免費教育
英國優待bno holders嘅情況下，對本地經濟有咩得益？
如果兩夫婦都有bno，唔需要申報配偶資料，只係其中一人帶小朋友/其他屋企人去英國都得。咁大家又接唔接受到，班三萬留係度繼續賺黑心錢、繼續打走唔到嘅後生仔，同時佢老婆仔女係外國風流快活？
我覺得英國政府咁做係好事，其實真係唔應該拆散頭家去辦移民，共同進退係對家庭最好既安排，一分開頭家就好大機會散，亦會𧗠生更多問題。如果為移民而令家庭分開，得不償失。
當然，咁亦會令人有周長既考慮、計劃才作決定，咁亦是一件好事。
寫到明只可帶child,spouse,common law partner as a family unit咁一齊去，父母無BNO除非有好大理由要依賴申請人先可以申請！但無話一定批，BNO整左咁多年啲父母都唔申請，其實唔批佢群帶咁一齊去係好應該⋯俾哂時間你都唔整！
如果要玩太空人即係無需要走，話明Lifeboat⋯長期停無度等啲友上咩？
我覺得好啱，而家係救生艇
猶太人去美國都唔會留低一個喺歐洲搵錢啦
有BNO嘅人嘅固然可以走，英國政府咁樣做係擔心冇BNO passport嘅小朋友到其時再出唔出到境。咁有能力而家可以走嘅家庭當然走先
有三百萬合資格bno holder, 如何可以做太空人uk會好唔掂, 仲有英國你有交稅同insurance 將來先可以享有福利，做太空人做咩呢?
申請學生簽證都要俾父母資料
BNO visa應該更嚴格
我覺得應該喇～ 人地而家係釋出最大嘅善意去幫我地，要你一家人一齊過去都好正常呀～ 唔可能錢就響香港搵、稅就俾香港、但係小朋友就響英國享受免費教育架嘛
今次BNO和普通移民唔同。
如果想做太空人，就應該申請普通移民
該主題在最後一個回覆創建後30天后自動關閉。不再允許新的回覆。