大家討論都係想搞清楚細節。家家都有唔同考慮，我地都有年長四大長老係度，佢地都唔會想離開。早d知道英國要求，大家都可以做定準備同安排。去同留無一定答案，而且都只需要為自己未來負責。
留低，可以照顧一班走唔到嘅人，繼續撐起一班同路人/黃色經濟圈
走，都可以係其他地方支持返香港，打國際戰線
2個讚
係呀，其實好多人走都係為子女，咁年老嘅父母呢？我係出面見到個post話想太太帶小朋友走先，因為佢一個人留係香港照顧兩家嘅父母，仲要係年老有cancer，個個人都話佢想食兩家茶禮又要走又要重吾捨得香港份糧，又話佢地父母應該明白放佢地走，我睇完真係覺得香港人好涼薄⋯
2個讚
移民本身係一個唔容易既決定⋯總有give and take!我有個親戚8幾年移民外國，佢無做嘢湊仔靠老公養⋯早幾年聽講有情緒病！而家啲仔大哂，年年都返香港一兩次
我知你share. 唔係針對你或任何人，因為我絕對同意家家有本難念的經。我好朋友因為上有高堂，暫時唔可以返加拿大。如果言語之間令你誤會，講聲對唔住。
好多人PM 我哋有關於移居日本, 發現佢哋最精靈就係搵漏洞。
日本政府每年暗地改一兩次，聽咗好多以為成功，最後失敗個案。浪費晒時間同金錢。
所以我哋一直叫人唔好challenge, 唔好走灰色地帶. 因為一定唔夠政府玩。
7個讚
同蝗蟲黎搵漏洞攞身份證同公屋一樣。果班人就係度鬧人地蝗，自己就去其他地方做蝗。但又唔認自己係，只有搵藉口講到自己有幾咁委屈，無辦法先咁做。
2個讚
家家有本難唸的經、夾心階層既無奈。長遠太空人梗係唔好啦、走唔到既老人家真係最難處理
我覺得有d又太敏感啦、問讀唔讀得state school都鬧一餐、基本教育係人權啦、但大學收費就真係不能強求、自己要計好數、想平就早d走、唔係就儲夠錢、有幾個地方香港咁關愛新移民
1個讚
大家，和平討論
我share 唔係想爭拗，係想大家知道多啲、plan 好D 先走。最終決定，都係家庭決定
1個讚
首先去外國生活，已經習慣上有分別。
飲食氣候環境文化，同要睇你到時住邊。
除非你好幸運、份工人工高，不過同時亦稅高。
有時離卿別井，homesick 係其中一個問題，如果果邊冇親人、朋友唔多，一但同老公嘈（唔係話你一定會），都係冇地方去。
我自己同老公講明，如果我哋有fight、幾嚴重都唔可以走咗去，所以我哋屋有梳化床、有spare room 
3個讚
多謝你分享
記得當年自己去讀書，一開始日日都會打電話返嚟同阿媽傾電話，次次收線都有d眼濕濕⋯
去讀書始終都會有個歸期，但移民就真正落地生根。同老公傾好，無論以後走定留，一定一家人一齊，有咩困難兩公婆共同面對。
6個讚
我果時自己去英國，頭半年成日盪失路，以前冇GPS，地圖密到懷疑人生。
坐tube 聽唔清楚D 廣播，或者站內都試過盪失路，之後搬走B’ham… 悶到抽筋。
但人大左要求唔同咗，有埋個女，生活簡單就好了。
大家真係唔好諗住太空人或假離婚, 尤其女士三思
你地都知男人 人生最快樂係三件事, 升官發財 " 死老婆 "
假離婚, OR 太空人, 一定無好結果 
1個讚
又唔好咁！家庭事、家庭了
當然，一家人齊齊整整走係最好。
男人有心沾花惹草，anywhere anytime 都可以
個post 原意，係想 JM / 巴打 想清楚先 走
1個讚
字面上係LOTR(因特別理由需要在BNO visa 生效前入境)必須全家入境，BNO visa 暫時無呢項
其實Bno plan係for走難用，五年期間返香港咁密如有申請入籍時一定被challenge, 搵＄做reason比人感覺食兩家茶禮,不是走難。
個人感覺。
1個讚
系…
我嘅解讀係太空人居英權可以保留（唔知會唔會再改），入籍就好難。
呢個世界冇免費嘅午餐，英國佬更加唔會提供免費午餐。如果你需要返香港搵錢，英國人嘅潛台詞可能係，你唔適合我哋。
所以要清楚自己priority. 如果真係兩邊走, 可能真係未係時候走。
1個讚
係囉、到時拿唔到居留唔好大叫什麼不公平呀、騙人去咁呀…
2個讚
幾百萬人有BNO，幾百萬個家家有本難念的經
等詳細出咗，就跟住行，唔好話咩唔公平，話咩理應咁咁咁！
5個讚
如果兩邊走係照顧家人都可以接受，但如果好似樓上個case返黎freelance做野，就算唔exceed可離開日子，到時移民官都未必批
明白, 我都係想提大家, 真係要諗清楚, 尤其小朋友細果啲, 扔個老婆要佢自己HANDLE 所有野其實唔易架, 精神上好難一個人支持咁多野的…結婚都係為左要個心靈伴侶, 到頭來又係一個人HANDLE所有野的話, 好易令人覺得沮喪架
1個讚