100滿分，老公防疫意識係50的話，佢partner係30。喺老公車內兩個都唔戴口罩，返到公司唔洗手，口罩揸埋一舊塞入褲袋，我一直好驚佢partner瀨嘢染埋我哋。
提親佢就嫌煩發脾氣。求其應承就算，但次次得個講字，繼續除口罩。前幾日仲話我好喺佢生日前兩個鐘鬧佢唔守承諾，搞到佢生日都嬲爆爆，嬲咗我幾日。我道幾次歉都繼續嬲。
我話唔想再冷戰，搬返娘家，佢話佢搬走。
雙方都有錯時，佢會放大對方嘅錯，睇唔到自己錯嗰part，所以佢唔會道歉。但你要即時道歉，直至幾日後佢下咗啖氣先得嘅人。
我之前都試過因為抗疫問題同老公嗌交
我地仲要有小朋友，叫佢做好啲防疫，話俾佢聽唔係因為自己先做足…講左3次，佢唔再聽唔做，我亦都冇再講…直到而家爆發第三次疫情，佢先開始驚，依家開始叫做足番個人防疫。
我覺得其實你呢個情況有少少抗疫疲勞
因為抗疫問題而嘈交，同埋成日屈係屋企見多左！
比着係我平時嘈交…理鬼佢啦，即刻約朋友出街食飯食糖水 
佢覺得我喺佢生日前兩個鐘鬧佢係我問題，佢無守承諾唔係當時先知，唔應該當刻話佢，令佢生日唔開心。但我鬼估到佢會嬲？仲嬲咁耐？佢生日當日又車佢partner啦，唔通喺正佢生日當日先話佢？咪仲死？
我12點都即刻同佢講生日快樂，又煲嘢俾佢下火，又道歉，佢繼續一副“本大爺未嬲完，你繼續受下啦”嘅樣。但完全唔認係佢無守承諾在先。
一月，個女有啲野要去醫院驗血，佢話唔好去啦睇落咁精神無野，我堅持去，佢話，「你想佢死就帶去醫院啦」，結果，我單拖帶佢去驗，真係有野要跟，跟到而家，雖然唔係咩嚴重野。
前幾日，佢帶個女落街散步，我幫佢開大廈道門，果陣我講緊口罩既事，佢唔啋我，粒聲唔出比左支搓手液比我，我都其實仲講緊口罩，佢就好惡咁鬧我開完門無即時搓手，仲用污糟手掂佢支搓手液整污糟埋佢。 佢話，「我比你帶個女出去就死得啦！」
Ok, 呢年都講過兩次我想害死個女咁樣。
其他就不能盡錄了。 好強既防疫意識呀佢，係我污糟。
咦咪住，做乜呢幾日爆得咁勁仲帶個女去商場散步？
大家都係為件事好無謂嘈啦
無嘈啦，冷戰中，佢話佢會搬走唔知真定假。我？仲做緊阿四煲緊西洋菜湯俾佢下火。
會唔會係你自己養成佢大少爺咁款 
不過你哋嘈嗰啲問題真係勁小事/無謂野
兩個互相串串共咁款 
係…
如果你唔擔心佢 都唔會動氣
話之佢啦
或許講多啲你嘅顧慮擔憂 希望佢體諒下
我同先生都經歷過呢個phase
佢係覺得病人先要用口罩 佢身體健康係唔需要
而且口罩只會罩住病菌唔散播
而健康人士用口罩完全係多餘
鬧唔聽
我就狂搵啲research佢睇
真係好小事，但佢任何小事都會嬲，我咁多年日日都要好小心説話，但點小心都會激嬲佢 (佢做錯事我小小黑面，佢會嬲返我轉頭)。
你講嘅我做哂，甚至講哂所有恐怖後果(包括俾業主趕走)。佢咪話“知道啦，駛唔駛又講”，發脾氣，但照舊唔做。
想知有無人係老公乾淨過老婆 
我果個都已經唔算烏糟 出街都記得成日要消毒雙手 口罩都唔算好亂放（最多只係擺係檯比我話過）但都成日話我好似mon住佢一舉一動然後challenge佢咁
ex 佢倒垃圾 用腳推開後樓梯門 全程無掂野 但我都係覺得掂完袋垃圾要洗手 因為入番黎你唔洗你就會開始周圍掂野 仲可能會食野架嘛 試過幾次見佢無話佢一次佢話我mon住佢 話佢隻手好乾淨
我都試過啦 話既然我咁嫌棄佢不如分開住 佢去住酒店
可能佢係覺得你嫌棄佢或者樣樣野管住晒 mon住晒
無辦法 有時我都盡量搵第個方向講（比如我果個都係你話驚佢有病同佢講後果佢唔會聽 覺得唔會就唔會）
比如佢唔肯戴口罩收貨 我咪話都係為速遞員著想 佢地做野好辛苦要上咁多戶 佢地都驚 咁佢又好似肯聽d
咩方向都用過，我決定咩都唔再講，我自己盡做就算，佢想點就點。
又有可能!
係！等佢地入晒腦
我覺得呢啲係睇佢有幾重視個病毒影響程度、嚴重性。我老公不嬲污糟，連手都唔識洗 口罩都唔識戴，我大緊肚 佢好期待小生命，所以我會link呢兩樣一齊，解釋佢知如果佢污糟有病毒 傳染左比我會大細都冇命 講到有幾嚴重得幾嚴重⋯⋯
最初佢都會覺得我定嘅規矩好麻煩，每次我話佢提佢都會小小發脾氣，但都會跟，慢慢就自己做。同埋盡量令佢做少啲嘢，例如佢翻黎即刻沖涼，我就會快手幫佢消毒哂手機眼鏡等等，佢買外賣翻黎我亦會負責處理啲食物，等個袋同餐盒唔會污染左啲食物。
至少佢都驚會冇左我同BB。
3個讚
係咪男人都係咁既呢？我老公又係出完街口罩亂咁放，成日鬧佢唔扔口罩，係第三波疫情佢先驚
只可以講 一個願打 一個願捱
我都係咁呀，誇張手法
1個讚
男人係粗心大意唔夠細心
同埋一開始唔識驚
2月嘅時候出街食飯個口罩就咁擺枱面
激鬼死
1個讚