我離左婚就快7年，上年8月拍過1次拖，但最後因為男方罵我嘅小朋友，所以分手收場。到上個月，fd搭fd咁認識左呢位單親爸爸，佢自己1個人住，而1對仔女就跟前妻。我而家仲了解緊呢個人，我唔想太快發展住。而家每日佢都會同我whatsapp好似報道咁，我係開心嘅。請問大家局外人會點睇我呢個情況？
帶眼識人，保護好自己同小朋友，祝你幸福
8個讚
所以就要好好了解呢個人，唔想好似上1次咁
先恭喜你，能夠相識係緣份呀
，要認清一個人的確需要時間，先不要全盤投入，要循序漸進式，好好保護自己同孩子，無論身體及心靈，祝你能開花結果
1個讚
佢接唔接受到你有小朋友先
佢接受到呀，我同佢都會傾有關小朋友嘅話題
1個讚
好好了解下對方，要提醒自己慢慢來，唔好急。你同小朋友幸福最重要，缺一不可。
加油！能夠相識是一種緣份，有緣人可開花結果，白頭到老。
1個讚
多謝你先，白頭到老就未唸，同小朋友開開心心都好丫
其實我一直都問自己，我要比幾多時間去了解呢個人
我會先了解佢之前因咩事離婚
不過大前題都係小朋友行先
你小朋友接受到嗎？
2個讚
同意樓上各位講，要小朋友行先
可能要俾多啲機會佢同小朋友相處，睇小朋友覺得點
如果有一日佢哋兩個獨處，而個男人都係真心對佢好，唔係做戲嘅就ok lor…
1個讚
非常buy你，咁我知道點做喇
我知道佢因乜野而離婚，但我唔會信晒，所以都係要繼續比時間了解，至於我嘅小朋友係知呢個人存在，不過因為呢排疫情關係佢地都無機會見面，我相信要一段長時間後先可以見到面了
小朋友跟你？佢嘅小朋友就跟前妻？
我嘅小朋友跟我，佢嘅小朋友跟佢前妻
你小朋友幾大，佢同前妻嘅小朋友又幾大呢？
唔好意思，因為我會諗多啲，如果幾個小朋友都差唔多大，會唔會佢對住你小朋友嗰陣，會想起自己嘅小朋友。我成日覺得男人都係好鐘意拖泥帶水，要𡃶要留返錢都可能比自己親生的小朋友。
都係睇定啲好
1個讚
佢嘅小朋友同我嘅小朋友差唔多大都係小學生。我唔介意你比多啲意見我留意下架，因為我自問真係唔識。你又啟發到我要留意多一啲佢係咪拖泥帶水果一類，不過又係矛盾，佢對佢自己小朋友好又好應該。。
我只係諗如果大家做住朋友先，再睇下佢同你小朋友嘅相處，同時留意下佢對自己嘅小朋友係點，例如完全唔理，定係會定時見面，有負責佢哋嘅生活。慢慢你就會感覺到佢個人係點，值唔值得再投入多啲感情落去。都係要用時間去了解，因為双方都有小朋友，就要再小心謹慎一點。
祝你幸福。
2個讚
多謝你先丫，其實點解你經驗咁豐富咁
哈，食得飯多，身邊都有朋友離婚後再拍拖，最後因為小朋友問題而分手。我朋友再簡單啲，佢有小朋友，跟佢，男的已離婚，無小朋友。不過後期佢發現個男嘅只係想同我朋友兩個一齊生活，想我朋友交返個女比前夫，佢前夫都想湊返個女的，不過我朋友始終唔捨得，最後同個男人分開咗，不過都拖拖拉拉左一段時間。
所以見到你呢個po先入嚟講兩句，個個case都唔同，但係有小朋友就要諗多少少，至少要接受你個小朋友。
1個讚