如題
幾多十萬先
仲要睇你地本身工作/英文能力個啲。
有小朋友我會，
冇，唔會。
2個讚
如有小朋友，走！
1個讚
睇你兩公婆肯唔肯捱啦。
其實最驚係去到無收入者，
單身一個好易捱，
有小朋友，自己唔食，細路都要食。
視乎你幾有信心到埗後短時間內搵到工。
個人經驗:
我一家三口，無乜積蓄，
三年前老公自己一個去英國搵工，
我自己繼續喺香港返工湊仔。
舊年老公喺英國份工終於穩定，
我同小朋友先申請簽證過去。
我地喺香港/英國都唔係咩高收入家庭，
老公英國份糧扣完稅，每個月得港紙兩萬頭，
自己要湊仔又返唔到工，
不過慳慳地都夠食夠住，供到車，
想買樓就要捱多幾年先喇。
生活係無香港過得咁好，咩都要慳，
最初又好唔適應，覺得好悶，好難融入當地人，
但為左小朋友，都覺得值嘅。
起碼小朋友返學開開心心，
活動教學，學校重視社交/自理/探索，
無乜功課，放學唔洗補習，唔洗去興趣班，
無考試壓力，唔洗考乜考乜證書，
放假又可以帶小朋友親親大自然/本地週末遊，
呢啲生活喺而家嘅香港真係無可能。
40個讚
有工作能力、識講當地語言就會
最緊要唔怕捱，如果想搵返高薪厚職、放唔低面子做降幾級既職位，就肯定唔夠啦
2個讚
淨係要市民響街食飯，再開社區中心呢件事就覺得要走，因為再荒謬嘅事會陸續發生
5個讚
我覺得相反、單身住床位都得、但有小朋友去到陌生地方、無錢真係唔掂、唔知佢幾多十萬、之前睇話NHS加簽證一家四口都30萬度、仲有要預果邊環境都差、除非佢地專業吃香、唔係都要守一排、仲有無托兒服務一定要有一個唔做野睇細路呢
5個讚
以前唔明大人唔食小朋友都要食呢句、最近日日在家就好明白 
想求其一餐都唔得
6個讚
外國地方大，可以去徧一啲既地區生活指數低啲！
不過！！！
要接受自己乜都落手落腳（粗重野）
冇娛樂（鄉下）
當然都要計劃下去到做咩工種！
馬死落地行，一定會辛苦，但接受都就易過！
2個讚
係 以為而家已經好荒謬？ 應該會陸續有嚟
4個讚
本來口罩戴左要除係已經on 居，點知一波比一波大
1個讚
Spouse visa? 難唔難申請，我想自己過去用Bno 5+1 先， 之後再申請老婆同啲仔過嚟
最終咪就係變大陸鬼國
單親得幾十萬，打算帶小朋友
4個讚
我驚變新疆化渣
1個讚
想問你老公喺英國做咩工？ 住英國邊區？
要走容易，但搵地方住，搵工好難
加油呀！
3個讚
我係dependent visa咋，老公拎T2 visa。我地都考慮緊T2完左轉BNO visa (等細節出爐再比較)，始終拎BNO visa易搵工過T2 visa，冇咁多限制。而且BNO visa一批就5＋1。T2好少一批批5年，我地的情況係1+2+2+1，中間斷一年都要重新黎過，好大壓力
我自己朋友經驗，spouse visa好易批，基本上交齊文件，戶口夠指定的financial support就得。
一個人去真係無乜所謂，我老公初初到埗都係住share house，喺倫敦租一間單人房，都係£500/月(平民級，唔係豪宅質素)。一家大細就難搞啲，所以最初先決定佢一個人去探路，捱住先。
搵工有BNO visa會易好多，幾年前好多人都唔請無簽證的非歐盟人，因為公司要俾sponsor又要俾懲罰性徵費。我同老公喺香港都係做文職，佢初初到埗都係靠識中文搵到份admin工拎T2(當年英國人個個都想開拓大陸市場)。捱左兩年，有英國工作經驗就好易跳糟，而家轉左另一間公司，返工唔洗再用中文。新老細貪佢夠勤力，所以肯幫佢申請T2，因為本地人好懶，佢做返本份，返足朝9晚6 (啲鬼佬同事日日遲到早走) 已經叫好好，香港人呢方面真係有優勢。遲啲BNO visa細節出爐，我地都可能會轉BNO visa，搵工更自由。
我地而家住Surrey郊區 (機場附近)，租金平過倫敦(兩房連車位£975/月)，老公出倫敦返工又近(20分鐘火車)，學校又唔差。係就係悶啲，唔揸車都買唔到嘢，但我自己覺得小朋友開心就OK啦。
7個讚
如果英文唔掂，可以搵咩工？
1個讚