如題，大家覺有啲咩係結婚之前要商量好？又或者有啲咩係結婚之後先發現同另一半意見有分歧？
住邊區？要唔要成日返父母度食飯？生唔生仔？有幾密會出街同frd食飯？
各自俾幾多家用屋企？邊個管財政？錢點分？每月儲幾多？樓落邊個名？同唔同屋企人住？家務邊個做？
如果生仔，邊個負責帶？
三觀，仲有如果生小朋友，小朋友第時既管教問題，如果會有屋企人一齊住，一定要傾好界線。
利申，正在經歷第二點
生唔生
生咗邊個照顧小朋友
會唔會俾家用
長老會唔會湊孫
以前喺討論區見過好幾個話生完無做嘢，自己湊，老公唔俾家用/俾得三千但要煮埋飯俾其他家庭成員
1個讚
三觀係？
人生觀，價值觀，世界觀，我意思係結婚前要睇下大家三觀方法係咪一致，如果唔係，之後可能出現好多溝通上的問題，其一係使錢方法，或者對事情上既睇法
1個讚
都係，但點先100%了解？
如果未有共同居所？住男家定女家？租樓定有首期買樓？
生唔生小朋友？
如果有小朋友，老公意向係老婆湊，佢全力搞掂屋企開支？定係工人湊，公一份，婆一份？
就算邊個湊呢啲太長遠，未考慮到，都要傾下婚後家庭開支點分配？佢俾一舊錢俾你搞掂曬全屋開支定係佢俾大數，你俾雜項？
其實不外乎住邊同錢銀分配要先小人後君子，如果唔係你以為佢應份俾，佢又以為會大家share，只會為錢而嘈。
1個讚
100%了解我覺得又無可能，但我覺得係結婚前要多了解對方，溝通多d , 多d傾下結婚之後既生活，想像下會出現既問題，大家解難既能力。有時相見好，同住難，真係會有好多情況問題發生。到時要出現落差，自己都要有心理準備。
最重要大家共識會唔會要小朋友? 同埋如果要同屋企人同住，一定要傾好d婆媳關係問題先。
1個讚
禮金
住邊度
邊個做家務Haha
三觀係咪內地傳入
香港好似好少聽
你地知唔知老公每個月d 錢使左去邊？
咩唔係人生觀、價值觀同金錢觀咩
知幾多%使係邊，未去到實數
大約都知, 不過冇管…都咁大個人…
如果婚後係兩小口自己住，一開始要傾鎖匙
屋企人有無份Keep鎖匙
要傾家庭開支點安排，會唔會大家一齊放錢落個pool度做家庭開支，儲錢會分開各自儲定係齊齊儲
如果彼此收入有差距，家庭開支佔大家收入比例要再傾吓
家務會邊個負責呢，我另一半俾人服侍慣但我都有啲輕巧啲嘅家務要求佢去做
四大長老有無要求幾耐要見，家庭聚會密唔密，做節會唔會兩邊都要求做正日定到時夾日子，呢啲婚前其實大概會知，但唔排除有人婚後要求會唔同，都可以傾吓
如果會同家人同住，就要傾吓會唔會需要俾家用
有無計劃生小朋友？生完又邊個湊
呢啲其實都可以輕鬆咁去討論，當大家攤出嚟商量再去拎個中間位去做
1個讚
- 係咪政見一樣
- 生唔生仔
- 比唔比屋企key 比4 大長老
#3 極現實! 最後我係用我係老婆呢頭家我有份話事壓落去唔!比!
1個讚
- 要唔要同99佢地住
- 邊個揍阿b